(قصة وقصيدة لإول مرة تنشر ) للشاعر سعد الهـماش العاصـمي رحمه الله ..

السلام عليكم ورحمه الله وبركاته ..

مساكم الله بالخير جميع ..

قصة وقصيدتنا اليوم تتكلم عن الشاعر سعد بن ناصر الهماش العاصمي القحطاني رحمه الله حيث كان لة زميل ورفيق لة

يشتغل معة في الخطوط السعودية وكان هذا الشخص بعيد كل البعد عن طاعة الله وكان كثير السفريات للخارج وعليه

الكثير من الملاحظات ..

الوكاد جاء يوم فيه هذا الشخص لخويه سعد ابن هماش وهو في حالة يرثى لها من الهم والحزن وضيقة الصدر فلما

لاحظ شاعرنا عليه هذه الملامح نشدة قال لة وش قوم وجهك مسود ومظلم فقال والله يابن هماش ما فية طريق حسيت

إن فيه سعادتي الا ورحت لة ووصلتة ولا لقيت مبتغاي والي أبية ... رحنا لكل ديرة ولا لقينا الوناسة والسعادة الحقيقة

وكان ابن هماش قد مر عليه زمان من التقصير في جنب الله ومنِّ الله عليه بالهداية والإلتزام فرد عليه بقصيدة تكتب بماء

الذهب ويقول فيها :


[frame="1 50"]من عيونك عرفت إنك تعاني ............. من ضروفن على قلبك صـعيبة

نتايجها عليك أصبحت ضايق ............ وبحزانك تضيق أرض رحــــيبة

رماك الراي في بحر الظــلام ............ ولا نورن ظـهـر لك تهتــــدي به

تعيش بعالمك من دون غـــاية ............ طـــــريق تبتــــــديه وتنتهي به

تحس إنك غــــريبن بين ربعك ............ ونفسك في طبـــــايعها غريبه

لبســـت من الشقا مسبل ثيابه ........... وبيـــــدين النــــــدم زريت جيبه

دموعـــك سايله والجرح ينزف .......... على حــدب الضلوع المستصيبه

ثقيل اليــــــاس والحرمان نوخ ........... على راســـك مجــــاهيم رغيبه

أليــــــا ونيت تاكل من ونينك ........... محــــاميل الغصـون اللي رطيبه

ألا يا صــايحن ما سـمع صوته ........... مثل من لــــج صــوته في قليبه

قريت أسرار روحك من جروحك ........ على رمش العيـــــون المستريبه

أنا شــاعر وأحاسيسي رهيفه ......... أقـــــدر وين مرتـــــاع الذهيبه

وأدل القــاع في ليل العواصف ......... ومــــــزنه فــــوق خدانه صبيبه

وأعرف الصايب اللي دوم صايب ....... وأعـرف المخطي اللي ما يصيبه

ولكني أحـــــب أقـــول مدري ......... وأخـــــلي كل سـيلن في شعيبه

عمومن بأختصر هالك وأقصر ........ وباحــــــط المـــثل لك تقتدي به

تـرى مابـه طريقن للســــعاده ........ من أحـــــزانك تجــيه وتلتجي به

ســـــوى درب الأله اللي خلقنا........ جــــــميع الكـــون كله هو رقيبه

يشوف النمل الأسود فوق صخرن .....بليلن مظـــــــلم ويســـــمع دبيبه

اليا صــــــــليت للرحمان تلقى ........ لجــــــرحن وســط خفاقك طبيبه

توجـــــــــه بالخطى لله وجرب ....... ويظهــــــر لك بــــراده عن لهيبه

وأنـــا واثق أنه بيصــــلح لك ....... الوضـــــــع الجـــــديد وتنتهي به

أخــيرن دعوتي من كل قلبي ........ عســـى لقياك في المسجد قريبه[/frame]


رحم الله سعد ابن هماش فبعد إلتزامة إستغل هذه الموهبه الشعرية في الموعظة

والدعوة الى الله وترك جميع قصايد الغزل ..


وتقبلوا تحيتي مع العلم إن هذه القصة والقصيدة لإول مره تعرض على النت ..


حقوق الطبع محفوظة لشامانـــــــ العاطـفـي ..

أرحب يا شامانـ

ولاهنت على نشر القصيدة ...

وصح لسان شاعرها ...

وأنت متميز في كل مواضيعك ...


تحياتي

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

شامانـ العاطفي

بيض الله وجهك على هذا العطاء
والشاعر سعد بن ناصر الهماش العاصمي القحطاني رحمة الله عليه
من الرجال إلي يقدر حق الرفقه والمعرفة والزماله وقصيدته هذه
أكبر برهان على وفاءه لزميلة

الله يعطيك العافيه ..ولاهنت
ودمت بخير

__________________
[frame="7 80"]
[poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
[poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بسم الله اللي ماغره خط الاقلامـي= اجال وارزاق كل الخلـق قسمهـا
منه واليه الامـر لوطالـت ايامـي= عساه روحي من التعذيب يرحمهـا
غرقان في وسط بحر اذنوب واثامي= اخفيتهـا عالبشـر والله يعلمـهـا
غرتني النفس والشيطان واحلامـي= وفرطت في سالف الايام واعظمهـا
وغفلت عن حفرة ليمـت قدامـي =اكبر عيالي على راسـي يهدمهـا [/poem][/poem]

للمراسله
s.m.m.q123@hotmail.com

[/frame]

سلمه..

ومن قال ما هان ..

وصح بدنك نيابة عنة الله يرحمه ..

والتميز هو حضورك طال عمرك ..

وتقبل تحيتي ..

قصه جميله

ورحم الله الشاعر سعيد الهماش

لاهنت ياشامان على هذا الطرح الموفق



ودمت

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

الله يرحمه الشاعر سعد بن ناصر رحمه واسعه وعوايدك الجزل اخوي شامان

تقبل تحياتي

لا هنت و تقبل مرررررررررررروررررررررري

__________________
حنا رفيده لا سوى الله ربنا * من حد يام آلى حدودك يا شهران
و حنا عبيده مروية روس القنا *ماتقبل المزله و لا نرضا بالهوان
و حنا شريف ....العز كله عندنا *شيوخ الا ذلحين من ذاك الزمان
و حنا بني بشر امتبين و قعنا *وفي الفعايل يشهد لنا الباشا : فلان
و حنا الجحادر والقلم يشهد لنا *يا جعل بن هادي في روض الجنان
حنا قحطان اهل المدايح و الثنا *من طيبنا للحين مسمين قحـــطان

للتواصل على الايميل

abo-sara-01@hotmail.com

الله يرحمه برحمته التي وسعت كل شئ وجميع اموات واحياء المسلمين

لاهنت ياشامان

على المجهود المتواصل والطيب

اخوك

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم

جميل جداً ان نرى مثل هذه المواضيع الرائعه


موضوع قيم ومشاركة مميزه ياشامان


بيض الله وجهك ولاهنت على نشر هذه القصه والقصيدة لشاعر سعد الهماش العاصمي رحمة الله


مميز كالعادة وحضورك راقي يالغالي

ارحب يالمهداني ..

ووجهك أبيض ..

وبلا شك قليل نمونه هذا الرجل في هذا الزمان الي طغت عليه الماديات

والمصالح ..

ومن قال ما هان يالغالي ..

وتقبل تحيتي ..