اشوف ابن جدلان ثم ابن علوش

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا اللي تغني لك بويتين وتشوش=وش شوشك دام الجماهير خدره

تقو ل انا شاعر وانا اقول لك خوش=ما تدري ان شعار الابداع ندره

اشوف ابن جدلان ثم ابن علوش=واللي سوى الاثنين هدره بهدره

وجهة نظر والمبدع بعيني يحوش=قدره على ما يقدم وفوق قدره

ولا تحسب ان الدرب بالورد مفروش=هون عليك ان كان ما فيك قدره

يا اخي من اللي قلت ويش انت بتحوش=ادر الحكي لاجيت تحكيه ادره

من ليل تلعب لكن اللعبه تكوش=وتقول تو الليل ما بان بدره

ان كنت من بعض الرجاجيل مغشوش=لا تعرض آراءك على وجيه ودره

والا محسوبك جيش جيوش وجيوش=ولو فاح قدرك غبن ما فاح قدره

اسمه على بوابة الشعر منقوش=ونوره يقدي لاغدى الليل غدره

بيته يجمل في نظر كل مدغوش=يرز عمدانه ويرفع بجدره

ولو الشعر بالضحك جاء فايز التوش=يقتات تفاحه ويجتث سدره

ولو الشعر بالغصب جر اللحن بوش=وغنى لهل واشنطن هموم صدره[/poem]

__________________

صح الله لسااااانك يا عوض بن شفلوت المناديه

وبيض الله وجهك على هذه الرائعه ولاهنت .

__________________

صح لسااانك مدد ياعوض

شاعر جزل

وقصيده ذات قافيه صعبه

صح لسااانك صح لساااانك

__________________

تركي الفهري

كما عهدنا رائع مبدع
صح لسانك على هذه القصيده الجزله
عوض طال غيابك هذه المره
اتحفنا كل فينه برائعه مثل تيه
تقبل التحيه

صح السانك صح السانك
ياابوعبدالرحمن وعشت
قصيده تحمل في طياتها الكثير من المعاني وعل قولة اخوي ذيب يقاس على المقصود
وقافيه صعبه وكلمات جميله ورائعه ...
لله درك ياابوعبدلرحمن على الدرر اللي تزين بها موقع قحطان بين الفينة والآخرى ..
وتقبل
خالص
تحيات وتقدير
اخو الجميع
خالد

__________________
[frame="4 60"]لااله الاانت سبحانك اني كنت من الظالمين [/frame]

السلام عليكم ورحمة الله وبركاته

ارحب يابو عبدالرحمن

وصح لسانك على هذه الرائعه

ونعم وجهة نظر رائعه

__________________

ابو عبدالرحمن
صح لسانك وربي انك مبدع
وجزل

لا تحرمنا من جديدك

صح لسانك يا ابن شفلوت
والله يعطيك العافيه والقوة
تحياتي لك

__________________

صح الساااانك يا ابو عبد الرحمن

على القصيدة الجزله