مساء الخير على الجميع

متواضعه من جديدي

اتمنى ان تحوز على جزء من استحسانكم


استلموووو..............


[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
المرجله رجم طويلٍ مماشيه=وماكل من ناش الطويلات قد جاه

وانا احمد الله رابين في مناشيه=أسقي طويلين الاشانيب من ماه

ولاغاب عني غالين قمت اناجيه=وانشد عنه واشوف ذيباً وش جاه

وأن كان نكبات الليالي عثت فيه=أبحث عن اسباب الخلل فيه وارفاه

ماحمل الغالين كثر المشاريه=ولاعاتب الي مد لي طيب يمناه

كم صاحب بعته وانا كنت شاريه=بعته بعد ماطاوع ابليس واغواه

وكم صاحب جيته على كثر ما أغليه=وروح مثل ماروح امقيط ورشاه

اما تجير الوقت والا تجاريه=واللي زرعت اليوم باكر بتلقاه

امش بقوانينك وتاطى علابيه=خل الزمن يمشي على غير مشهاه

وخل الزمان يدور ونذوق حاليه=كم كاس مرٍ للمرجل شربناه

غنيت لك طرقٍ جديدٍِ غناويه=مادنسه صوت الوتر في مغناه

ياافكار شعري ربعي في مفاليه=يومك من اجزال القصايد منقاه

روحي لبن منصور عجله وناديه=وقولي رفيقك عابل الوقت واشقاه

واليوم من جور الزمن ناوين فيه=اما توطى الوقت والاتوطاه

وترى الجمل لاطاح كثرت جنابيه=وانا صويب وخايف اطيح من داه
[/poem]وسلامتكم

__________________
[poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=3 line=0 align=center use=ex num="0,black"]
بيتي لراعي الطيب مدهل وعنوان
يدله الي في الرخى مايدله
وعرف النشاما مايقدر بالاثمان
نشريه لو نخسر به المال كله [/poem]