صووووت....و....صددددى........(1)

بسم الله الرحمن الرحيم

هذه الابيات مسنده للأخ الشاعر/ عبدالله بن حامد الجذع , ويأتي بعدها رده عليها...

أتمنى ان تحوز على رضى الجميع:

[poem=font="Simplified Arabic,4,darkblue,bold,normal" bkcolor="transparent" bkimage="" border="double,medium,darkred" type=2 line=0 align=center use=ex num="0,black"]
واطيري اللي راح تومي سبوقه=مدري ملل ولا حداه العسامي
له مخلب ٍ حد ٍ كبار فتوقه=حرن قطام من سلالة قطامي
من عصر لين الصبح بين شروقه=يحرم على جفني لذيذ المنامي
ارجي ونفسي مايست من لحوقه=وآصيح والوّح بروس الزوامي
لكن شلع والريش الاشقر يسوقه=مدري يمن ولا عطا الدرب شامي
والله مابيعه ولو غلي سوقه=لو كان بكنوز الجزيره يسامي
لكن تركني والكنان امحروقه=وانا مايلحقني بقدره ملامي
قلبي على لقياه يزداد شوقه=والحلم عند امفسرين الحلامي
الله عن الصيد الكفو لا يعوقه=غالي لو ان طرد المقفي حرامي
ان كان تالي الحظ جتبه وفوقه=ولا على الدنيا واهلها السلامي
طيري يابو حامد ماتجهل طروقه=وانا انتظرك ترد عنه العلامي[/poem]

وهذا رد الشاعر عبدالله الجذع:

[poem=font="Simplified Arabic,4,darkblue,bold,normal" bkcolor="transparent" bkimage="" border="double,medium,darkred" type=2 line=0 align=center use=ex num="0,black"]
أهلا هلا والخير لاحت بروقه=ترحيبة ٍ تقري رفيع المقامي
الشاجع اللي تارد الما عروقه=لي صدّروا دنعين الاريا ظوامي
جزل ٍ على الجزلات طوق بطوقه=واحمى عليهن لين جت باحترامي
يقطف زهر ماهو بخبل يحوقه=لو بعض الاحيان ايتعدا النظامي
ياذيب كل يلتزم في حقوقه=لو كان قصدك يابن الاجواد سامي
ان كان تنشد والضماير صدوقه=اخذ الكلام اللي يكفّ الكلامي
طير السعد ياذيب هذي فروقه=ماهوب للملواح والا الحمامي
عينه على رجم ٍ مذبه يروقه=لو عجزوا اللي قصّروا قبل عامي
ماهمّه بطوط ٍ تطاول عنوقه=يوم احتمى الميقاف والسوق حامي
دار النظر والخرب جث امعلوقه=وانت اتعرف والعلم ينصى الفهامي
شهد النحل من غيره اللي يذوقه=لو دونه اسيوف تقصّ العظامي[/poem]

ولكم خالص الشكر والتقدير.

صح لسانك ياذيب ولسان الجذع

شعراء جزلين ومبدعين

وصوت وصدى وافي

لاهنتو ،،

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

ارحب يا ذيب


صح لسانك وليان الشاعر


شاعرين مبدعين

وجازلين

الله يوفقكم


اخوك/عبدالله السحيمي

__________________
سبحان الله وبحمده

سبحان الله العظيم


[COLOR="Red"][SI

صح لسانك طال عمرك أنت واياه
ولا هنت يالقرم

لا هنت يا الغالي

__________________
حرك الماوس على الصوره

هذا القصيد الجزل

صحت ألسنتكم

ياشعرائنا

صح لسانك يابو محمد وصح لسان ابو حامد

لاهنت
اخوك

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم

بسم الله الرحمن الرحيم
السلام عليكم ورحمة الله وبركاته

صح لسانك يابو محمد وصح لسان ابو حامد

والله يحفظكم

__________________