تابع @qahtaan

مجلس الديار و قصص وسوالف من الماضي خاص بديار قحطان والقصص والسوالف والأشعار القديمه لقبيلة قحطان

موضوع مغلق
قديم 15-05-2005, 09:13 PM
  #1
مهدي الحبابي
عضو مشارك
تاريخ التسجيل: Nov 2004
المشاركات: 189
مهدي الحبابي is on a distinguished road
افتراضي قحطان ابونا حافظين رصيدة للشاعر عمير بن ر

قصيده رائعه للشاعر عمير بن راشد ال عفيشه
رداً على رجل من عمان يسأله عن بني هاجر اسمة سعيد يدون اصول القبائل



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياسعيد كـان تسـال جـد وتحفيـد = لـك معنـوي باصلـنـا تستفـيـده
يمكن عليك نـزل بالخبـر ونزيـد = الا انشـد التاريـخ تلقـا وكـيـده
حنا الذي يضرب بنا الوصف ياسعيد = ضياغم مـن روس جنـب وعبيـده
وهواجر يوثق بنـا فـي المعاهيـد = وقحطان ابونـا حافظيـن رصيـده
والسمت والشيمه وقسم مـن الجيـد = سلـم لنـا كـل القبايـل تـريـده
نزهين من قرب الدنـس والمناقيـد = وعروضنا مثـل الثيـاب الصفيـده
وقصيرنـا ماحـن لبيتـه رواويـد = لا غـاب منـه ليـن حتـى يعيـده
ولا نختبي دونه بالاشيـا المزاهيـد = وايدينـا فـي غالـي الـزاد بيـده
ونتبع مراضي جاهله لو على الديـد = ولكرام جار البيـت نفـرح وليـده
وان مـر كلبـه ماحذفنـاه بالحيـد = لو كان مانرجي ورا الكلب صيـده
ونطنف مراحيله ولو هـي مغاميـد = وعلى كرامـه ضيفنـا هـو قعيـده
وخوينـا نكمـد مشاكيـه تكمـيـد = لـو مايهوجـس يمـنـا بتعـويـده
وان زارما العاني لبعض المقاصيـد = متعلـث ماننشـده عــن سـديـده
نذبح سمان الضـان لـه والمفاريـد = ومن جـاد للعانـي فرحنـا بجيـده
وان جاو اهل جيش ونايا مضاديـد = ماذاقوا امـس الا شـلاوي قديـده
نقحص لهم بالهيل تـرس المباريـد = والبن يحمس جمر الارطـا وقيـده
ونقحص لشتويـا دفوفـه ملاهيـد = ويفهق لهم عقب العشـا بـه بريـده
وان زارنا المجـرم يقـزي لذاويـد = ينزل ويرحل ماجعـل لـه نضيـده
فوق العـلا نرفـع مبانيـه ونشيـد = اليـن يبعـد مـن وطنـا شـديـده
وان رامنـا ضـدا عمدنـا بتكويـد = عـود بغبنـه عبرتـه فـي وريـده
نجعل على زوره رسـوم مجاديـد = ويبطي وكبده مـن سنعنـا غديـده
وايلا انتزح منـا ورا واسـع البيـد = فالجيـش يقطـع مستـواه وقويـده
ماهـو علينـا لـو بغينـاه بعـيـد = نصبر على حـر الزمـان وجليـده
ناتيه في الكنـه حلـول المواريـد = معطـان والا نرضمـه بتهجـيـده
يصبح قطيعه بيـن الايـدي تباديـد = ويفرح ايـلا ردوا عليـه الشريـده
واقفوا على ابله شايليـن التغاريـد = ومن الحسايف يصفق ايده على ايده
ومن زان حنا لـه خيـارا اجاويـد = ومرجـام للشيطـان لفتـل قـيـده
لحركوا الاسباب بعـض المقاريـد = نوطي على الزرب الصريع وهميده
وان صار من بعد التساهـل تلاديـد = فالرابـح اللـي مقبلاتـه سعـيـده
سلم النضـا والخيـل مافيـه تبنيـد = فـي كـل وقـت لابسيـن عديـده
وان ثار عكنان كشف غـره الغيـد = ندعي النفوس الغاليـه بـه زهيـده
نلقط على الهيجا وحـس البواريـد = لو كـان ماينفـع عضيـدا عضيـده
لاوصلـت الذلـه معلـق لواريـد = واللي معه جريـا تقاصـر فديـده
ونفرج ايلا من صار صكا وتسنيـد = الى استغرب الطارد بقيضه طريـده
صار اجتوال الخيـل تـن وتفاريـد = وكـلا يخايـل غـره فـي نديـده
هـذا عليـه معـوديـن تـراديـد = ونحيي الامور الماضيـه بالجديـده
وعشنا على صايب ومصيوب وشهيد = وهـذاك ممنـوع تعـزف ذويــده
وهـذاك معتـدي وذا كاسـب فيـد = واصبح يوزع بيـن الادنيـن فيـده
تمـت وصلـى الله وسلـم بتجويـد = علـى نبـي مخـلـص بالعقـيـده [/poem]


ولة قصيدة اخرى :


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا غتيرٍ بالقبايل وتاريخ العرب=جدنا اللي سبع الأفيا شكوا حرايبه

من بني ضيغم عبيده عريبين النسب=من بني هاجر وقحطان حن ضرايبه

جمعنا يشدي قنيف يزايفه المهب=الهنادي بارقه والقنا سحايبه

والرعد حس المحبب الى منه نحب=والغثير وعج صم الرمك سكايبه

ما نعيل الا إيلا من حرك العايل سبب=وإعتمد بأمراً وكبرت بنا مصايبه

ما يفك المنتشب من مدورة النشب=كون من لا يحسب القبر كم نصايبه

لامشينا بالسلايل وحذفنا السلب=واحتمى سوق الفناء والتقت مصايبه

نرد ميراد الظوامي على جال الثغب=ماردٍ للخيل بين المرج والعايبه

ذا لا عني صافي الخد مزفون الهدب=جادلٍ يضفي على منحره ذوايبه

نلتقي للضد شروا قصاصيب الجلب=لين مجلبنا يوقف مع جلايبه

مجزراً لاولاد به مثل عمري الخشب=لاحدر به جارح السيل من شعايبه

وإن بغى زودٍ حايشة النكب=ضربةٍ في الرأس والا مع ترايبه

وان تنزح ناصله فوق زينات الودب=نقصر العنوه على من بدت سبايبه

ننثر الغاره ولو فيها الجنب=لين يظهر كل متوجد وجايبه[/poem]
مهدي الحبابي غير متواجد حالياً  
قديم 20-05-2005, 05:00 AM
  #2
المعمري
عضو فضي
 الصورة الرمزية المعمري
تاريخ التسجيل: Nov 2004
الدولة: الكويت
المشاركات: 1,477
المعمري is a glorious beacon of lightالمعمري is a glorious beacon of lightالمعمري is a glorious beacon of lightالمعمري is a glorious beacon of lightالمعمري is a glorious beacon of light
افتراضي

شكراً لك اخي الكريم على هذا المشاركة
المعمري غير متواجد حالياً  
قديم 20-05-2005, 06:51 PM
  #3
مهدي الحبابي
عضو مشارك
تاريخ التسجيل: Nov 2004
المشاركات: 189
مهدي الحبابي is on a distinguished road
افتراضي

ولك المثل
مهدي الحبابي غير متواجد حالياً  
قديم 21-05-2005, 08:26 PM
  #4
كحيلان
عضو فضي
 الصورة الرمزية كحيلان
تاريخ التسجيل: Nov 2004
الدولة: نـــــجد ديار عوااااال الشــايب
المشاركات: 1,489
كحيلان is a name known to allكحيلان is a name known to allكحيلان is a name known to allكحيلان is a name known to allكحيلان is a name known to allكحيلان is a name known to all
افتراضي

بيض الله وجهك يا مهدري على القصيده


والله يرحمه بواسع رحمته
كحيلان غير متواجد حالياً  
قديم 22-05-2005, 06:46 PM
  #5
مهدي الحبابي
عضو مشارك
تاريخ التسجيل: Nov 2004
المشاركات: 189
مهدي الحبابي is on a distinguished road
افتراضي

لا شكر علا واجب اخوي كحيلان
مهدي الحبابي غير متواجد حالياً  
قديم 24-05-2005, 01:15 PM
  #6
المكابسي
عضو متميز
 الصورة الرمزية المكابسي
تاريخ التسجيل: Feb 2005
الدولة: ديار نجد
المشاركات: 865
المكابسي will become famous soon enoughالمكابسي will become famous soon enough
افتراضي

مسكور أخي مهدي عاى رائعة

ابن عفيشه ونتمنى المزيد من ابداعاتك.
__________________





المكابسي غير متواجد حالياً  
قديم 24-05-2005, 07:28 PM
  #7
مهدي الحبابي
عضو مشارك
تاريخ التسجيل: Nov 2004
المشاركات: 189
مهدي الحبابي is on a distinguished road
افتراضي

ولك المثل اخوي المكابسي
مهدي الحبابي غير متواجد حالياً  
قديم 24-05-2005, 07:57 PM
  #8
تركي الفهري
عضو متميز
 الصورة الرمزية تركي الفهري
تاريخ التسجيل: Mar 2005
الدولة: الصبيخه
المشاركات: 871
تركي الفهري is a splendid one to beholdتركي الفهري is a splendid one to beholdتركي الفهري is a splendid one to beholdتركي الفهري is a splendid one to beholdتركي الفهري is a splendid one to beholdتركي الفهري is a splendid one to beholdتركي الفهري is a splendid one to beholdتركي الفهري is a splendid one to behold
افتراضي

السلام عليكم ورحمة الله وبركاته


بيض الله وجهك يامهدي الحبابي
__________________



تركي الفهري
تركي الفهري غير متواجد حالياً  
قديم 24-05-2005, 08:01 PM
  #9
ابن عاصم
عضو فضي
تاريخ التسجيل: Oct 2004
الدولة: هناااك
المشاركات: 1,402
ابن عاصم is just really niceابن عاصم is just really niceابن عاصم is just really niceابن عاصم is just really nice
افتراضي

لاهنت يايمهدي

الله يرحم شاعراااااااانا عمير
__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه


الشاعرالكبير _ حمد بن هادي المسردي
ابن عاصم غير متواجد حالياً  
قديم 25-05-2005, 04:10 PM
  #10
الهـاجري
..:: شاعر ::..
 الصورة الرمزية الهـاجري
تاريخ التسجيل: Nov 2004
الدولة: الـــوفا والشـــكاله
المشاركات: 484
الهـاجري will become famous soon enoughالهـاجري will become famous soon enough
افتراضي

الله لايهينك يا الحبابي

ويرحم عمر بن عفيشه شاعر قبيلة بني هاجر في وقته وابوه راشد شاعر القبيله في وقته رحمهم الله جميعا


واعجبني هذا البيت كثيرا

ما نعيل الا اليا من حرك العايل سبب*** وكبرت بامرا وكبرت بنا مصايبه
__________________
[poem font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اللي يحقِّّر بالرجـال يحقَّـر=واللي يهاب من الرجال تهابه[/poem]
الهـاجري غير متواجد حالياً  
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
وقعة [ أبو هميد ] بين آل عاطف والخنافر ضد عتيبه. أبا الذموم مجلس فرسان قحطان 54 23-06-2009 05:20 PM
راحة سنحان هل يسكنونها آل عاطف ؟؟؟ شامانـ العاطفي مجلس الأنساب 27 04-09-2007 03:45 PM


الساعة الآن 08:30 PM