عايض بن هداف غيده القحطاني وقصيدته في شاعر المليون

قصيده الشاعر الرائع عايض بن هداف بن غيده القحطاني
الهلاليه اللي القاها امام لجنة شاعر المليون وشكك في
ملكيتها الشاعر حمد السعيد لجزالتها وصغر سن الشاعر وشاعرنا القا
قصيده اخري هلاليه ليواصل ابداعه ويثبت جدارته انقلها لكم هنا مع التحيه

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

يموت الشعور اللي له النفس نايبه=الا شاح خير الوقت وابدى مصايبه
تخيّرت في الامثال واخترت ما مضى=من اخر زماني لاول الوقت جايبه
جزيل النشيد إلما طراله يحدّني=تسلّمت وصله عقب دفعة ضرايبه
ضرايبهْ شغل البال والهم والسهر=ونتايجهْ ميقافٍ له الناس هايبه
عسى الله يعين اللي من الوقت مبتلى=تضكّه همومٍ بين الاضلاع ذايبه
سبايب عداوات القرايب وحربهم=بوقتٍ عداي تحث يمي نجايبه
يقول التميمي يوم غنى من البلش=وما آفة الانسان الا قرايبه
مثل شوكة المعقم على الباب فعلهم=تصيبك الا قفّيت وان جيت صايبه
ضعيفين الانفس ليت حيي وحيهم=تباعد مدى خمسة وتسعين نايبه
تعلّيت باسماهم على كفة الملا=ولاخفت وقتٍ كان يركي عقايبه
الين اغرضوا لي ظلم من غير مصلحة=وعليّ استهدّوا كل عرجا وسايبه
وانا والذي صليت من عظم هيبته= ما عمري عنيت وسرت في درب عايبه
مخافة يعود الذم في جال حقهم=او يقال عاب اللي مجانيه طايبه
ابخبرك ياللي عبت فعلي ومنزلي=ماتغنيك قولة نفسي اليوم تايبه
ترى الوقت مثل الوقت لو دار وانتحى=غرايب زماني في زمانك غرايبه
لك الله رب الارض والكون والسما=عظيم المقام اللي جزال وهايبه
ما يصمل الا ارتثت محازمك وارتخت= سوى اللي تجرع من كلامك مصايبه
اذا رماح خلانك شكت سطوة العطش=انا مرويٍ راس السنين وعصايبه
واذا سيوف خلانك شكت حر غمدها=انا حد سيفي شاكيٍ من ضرايبه
حليمٍ ما اقابل راعي الجهل بالجهل=والا اقبلت احل اعقود الامر ونشايبه
كريمٍ ما احسب احساب ما اعطيت فالورى= عفيفٍ ترده شيمته عن طلايبه
شجاع ٍ الا حزّت ولزّت ودقّرت=ما اهاب العدو لو ساق يمي كتايبه
ولا ارضى الهوان لمن عناني ولاذ بي=ولو كان دنعٍ هافياتٍ ترايبه
لاتاخذ علي ياعاذلي سرع زعلتي=ترى القلب نزر ولا استمع كل راي به
على سر جدانٍ مضوا فاأول الزمن=زعلهم سريع وطوعوا كل نايبه
رواسي عبيده جعل منت بخصيمهم=نهارٍ ما عاد لطالب العذر ثايبه
كناديةٍ تروي عطش جرّد النمش=بيومٍ على الطاغي كبارٍ ذهايبه
تنشّد عن التركي ويعطيك علمنا = بعد جا لخدٍ رايح الغيث دايبه
مسحناه مزنٍ لمعة الشلف بارقه=ورعدهْ المدافع والمثولث سحايبه
لاجل عين من صاحت تبي فزعةٍ بنا=شربنا الدما في عطفة الموت رايبه
وتعزوى بعزوتنا حبابي وجحدري= تعنّز حرق لو هو عمى الخصم شايبه
حقايق رجالٍ من قديمٍ ذكرتهم=لاجل شرح رمزٍ عنه الافكار غايبه
طحاطيح وقت مات ذكره وذكرهم= غدى فاللحود ولا بقى الاّ زلايبه[/poem]

__________________

صح السانه وعسى الله يوفقه


و ما الوم حمد السعيد اذا شكك في ملكيتها لانها بدون تعصب و انحياز (من وجهة نظري) اقوى قصيدة حتى الان تقدمت للجنه و من شاعر صغير بسن كبير بشعره


ولاهــــــــــــــــــــــــــــــــــــــــــــــ ـنت على النقل القصيدة

بسم الله الرحمن الرحيم
السلام عليكم ورحمة الله وبركاته


صح السانه وعسى الله يوفقه

ولاهـــــــــــــــــــــــــــــــــــــــــ ـــــ ـنت على نقل القصيدة

__________________

صح لسان ابو هدّاف .. وفاله البيرق ان شاء الله ..

لاهنت يا بو مسفر ..

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

ما شاءالله على ابن حرقان

قصيده غايه في الرواعه

لو سمعتها من راوي قلت هذي من قصايد راشد الخلاوي

وبالتوفيق ان شاء الله للحرقي

بسم الله الرحمن الرحيم


السلام عليكم ورحمة الله وبركاته


لاهنت يا بو مسقر

وبالتوفيق لبن غيدة

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

هلابك ياعبالعزيز ومرحبا الف

__________________

صح الله لسانه ملايين ..
وعاش راس على الطيب رباه ..
عز وفخر يابن غيده ..
والي مثلك منه الشك زايل ..
كتبت قول وفعل يالحر ..
\\
الحبابي ..
تسلم يمناك يابن عمي ولاهنت ..
على ماقمت به من نقل للقصيدة ..
إحترامي وتقديري..
\\
/
بـن جــافـل ..

__________________

الاخ علي لاهنت على كل حال


بس للاسف ما طلعت عندي لا ن ما طلع لها رابط

عموما الله يعطيك العافيه والله يوفق ابن غيده

__________________


almas0110@hotmail.com

JEDDAH is the best

يسلم يمناك يابوفيصل علي بالحرام انك كفو راعي حميه


وابن غيده باذن الله الحي القيوم ان شاعر المليون وحامل البيرق

لكونه شاعر فريد وقحطاني وقطر دوله قطر كلها معه

__________________