قصــــــــــــــــــــــــــيده رثــــــــــــاء مـــــــــــــؤثره

مرثية شاعر المحاوره فيحان القعياني المطيري في والدته رحمها الله

[poem=font="Tahoma,6,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
عفى الله عن عينن تكـدر منامهـا=صار السهر والحزن غاية مرامهـا
كن الجليجل والرمد وسـط موقهـا=ليا نامـوا العالـم تكـدر منامهـا
ليا قلت نامـي ياعيونـي تكـدرت=قامت تهل الدمع والحـزن أمامهـا
يصبح عليها الصبح مانام طرفهـا=وكثر السهر والدمع خطر بعدامهـا
لواني أبكي دم لحـد(ن) يلومنـي=تدرون عيني يوم تبكـي علامهـا
أبكي على أمـي وحلـلاه ياأمـي=الـي توفـت ماسمعنـا كلامـهـا
شهريـن لاحيـه ولاهـي ميـتـه=من شاف طيحتها قنع عن مقامهـا
وفي ليلة الجمعه سمعنـا خبرهـا=قالوا يجـون أقاربهـا لاْْستلامهـا
وجينا وجونا الربع من كـل ديـره=ربع(ن)تعازيهـا تسابـق سلامهـا
وأنا مومنن بالقدر خيـره وشـره=وروح مثل الزرع يقرب صرامهـا
والموت حق وكل نفس(ن) تذوقـه=وحق الجنـازه دفنهـا واغتنامهـا
وقمنـا نغسلهـا وصلـوا عليهـا=في خرقتن مشري من السوق خامها
ومشينا بها المغرب لـدار المقابـر=والناس عند القبـر زاد ازدحامهـا
ثم ادخلوهـا القبـر وأنـا اتفـرج=في حفرتن في الليل يفجع ظلامهـا
يـارب نورهـا عليهـا بنـورك=وفي جنة الفردوس تبسط عظامهـا
واتلاخبـر يـوم أنهـم قبلـوهـا=وقاموا يفكون الربط عن حرامهـا
وحط اللحد ولقبـر دمـدم ترابـه=وقامت عليه الريح تذري عسامهـا
وقفيت مالي حيلتـن فـي المقـدر=ثم كشرت دنيـاي بعـد أبتسامهـا
أدعيلهـا يـاالله يسامـع الدعـاء=تقبل صلاة أمي وتقبـل صيامهـا
الله يرحمهـا ويغـفـر ذنوبـهـا=وبصالح الاْعمال تحسـن ختامهـا
ياكبر فضل أمي وياقـو صبرهـا=وياطيبهـا لنـا وياكثـر ألامـهـا
تسعت شهور تشيلني فـي حشاهـا=وعامين ترضعني وتعلـن فطامهـا
وليا مرضنـا ماتغمـض عيونهـا=وان كان جعنا ماتشـح أبطعامهـا
ستيرتن مايسمـع الجـار صوتهـا=حنون مـع تقديرهـا واحترامهـا
يـوم أتذكـر وتصـور خيالـهـا=أسبح مع الاْحزان ولبس وسامهـا
عسى سحاب الوسم يسقي ترابهـا=عليها المزون الغريمطـر غمامهـا

الشاعر فيحان القعياني[/poem]

الاخ الغالي

حكيم الشور

بيض الله وجهك على هاذا النقل


الذي احزنني وابكاني


واسال الله العلي العظيم


ان يرحمها ويرحم موتا المسلمين



ولك مني الشكر ..

__________________

مرحبا الف يابونملان والله يرحم من مات
ويبقي الحي ويرزقني واياك طاعه الوالدين وبرهم

الله يرحمها ويرحم المسلمين اجمعين


قصيدة رائعه جداً وكتب بدموع حزينة بالفعل


تحيتي لك وصح لسان الشاعر ولاهنت ع/النقل

هلا وغلا حكيم الشور ومرحبابك وبمشاركتك الرائعه جدا

وصح الله لسان الشاعر الرائع فيحان القيعاني

شاعر نظم بارز وشاعر محاوره معروف

لاهنت يالغالي لاهنت

__________________

حياك الله يابن غفره

الله يرحم امه هذا الشاعر ويسكنها الجنه ويرزقنا بر والدينا وطاعتهم

لاهنت يالحكيم لاهنت

وقفيـت مـالـي حيلـتـن فــي المـقـدر"""""""ثــم كـشـرت دنـيـاي بـعـد أبتسـامـهـا

الله يرحمها ويسكنها فسيح جناته


لاهنت يا حكيم الشور

__________________
سبحان الله وبحمد سبحان الله العظيم

قصيده الرثاء مؤثر جدا جدا

رحمها الله وصح الله لسان الشاعر


الكبير فيحان القعياني


شاعر نظموشاعر محاوره


ولاهنت يالحكيم لاهنت

صح الله لسان الشاعر ورحم الله امه وبيض الله وجه الناقل