سلطان الهاجري(ملعنه في ملعنه )

هذه قصيــدة من الوزن الثقيـل بمعانيها وأفكــار شاعرها سلطان الهاجري

وموجهه لــ ضيدان بن قضعــان

/
؛
/







ياصاحبـي ضيـدان ياسقـم العـدا
هذا الجفا من يام ولا مـن إقحطـان؟
جـاوب عنْـه وإلا لاتسئلنـي عنـه
خلـه رهيـن المحبـره واقلامـهـا

:

وليا نشدْك الوقت عنّـه قـل: غـدا
فـي سلـة النسيـان يالله المستعـان
لكنْ ياضيدان كـم لـك مـن سنـه؟
وانته ذلولـك مافصـل درهامهـا.!

:
وكم رحلة ٍ يابو تركي راحـت سـدا
تحث ركبك مـن مكـان ليـا مكـان
علـى الظـروف القاسيّـه والليّنـه
لين افطرت دنيـاك عقـب صيامهـا

:


خل السيول تسيـل وتشـوف النـدا
مابه زمان أخيَر من هـاذا الزمـان
والميسـره ماهيـب مثـل الميمنـه
حث القدم .. واعط الذلول اخطامهـا

:

ترا الهبـوب تهـب وأحيـان تهـدا
واحيان تلدغ مثـل لـدغ العقربـان

(وليا إنفـرت لـو الديـوس محيّنـه
ماعاد يشفون البـدو فـي ريامهـا)

:

لكن في ذمْتك مـن (كبـش الفـدا)؟
في عيد الاضحى ولاّ في عيد رمضان

وليا اجتمع مـن كـل وحـده عيّنـه
لاتشتبـه فـي لحْمهـا وعظامـهـا

:

ومن هنـا موضوعنـا الثانـي بـدا
(إن كان حنا مثـل ماكنـا اخـوان)
علـى الامـور الخافيـه والبيّـنـه
رغم الخشوم اللـي يطـق عرامهـا

:

وحنـا خلقنـا الله بعيديـن الـمـدا
وخذنا من الدنيا تجـارب وامتحـان
وقـت ٍ خـذا منّـا ولا خذنـا منْـه
(الا بيـاض وجيهنـا واكرامـهـا)

:

عدواننـا فـي كبودهـم منـا صـدا
وصدقاننا نضمن لها الحشمه ضمـان
والطهبلـه , والجمهـره , والهيمنـه
(محققـيـن اهدافنـهـا قـدامـهـا)

:

(حنا عيـال شيـوخ وعيـال عقـدا
بدري ينافسنـا الضعيّـف والجبـان)
وإن كان راحت ملعنـه فـي ملعنـه
شرهـة رفارفهـا علـى صدامـهـا





للوزن الثقيل

سلـــطان بن محمد بن وسّــام

__________________

بسم الله الرحمن الرحيم
السلام عليكم ورحمة الله وبركاته

صح لساااااااااااااااااان الشاعر


والله يحفظك ولا يهينك

__________________

بسم الله الرحمن الرحيم
السلام عليكم ورحمة الله وبركاته

الله الله صح لسانك يالحبابي ولسان الشاعر سلطان الهاجري على القصيدة الطيبة

لاهنت وصح لسان ابن وسام على هذه الرائعة ........




يعطيكـ العافية يالحبابي على النقل .....

__________________

بسم الله الرحمن الرحيم
السلام عليكم ورحمة الله وبركاته

صح لساااااااااااااااااان الشاعر


والله يحفظك ولا يهينك

__________________

هلالي و افتخر

الحبابي مشكور على النقل

وسلطان غني عن التعريف

مشكور يالذيبانـــــــــــــ@

لاهنت وصح لسان الشاعر

لاهنت يا القرم

وصح الساااااااااااااااااان ابو محمد

__________________

حياك الله اخي الغالي

انا سعيد بمرورك علي مشاركتي

دمت بكل الود

__________________

اخوي الغالي ابوفهيد

تبقي وتسلم ولاهنت علي المرور العذب

والتواصل الطيب

__________________