قايد الكتيبه..ناصر بن محمد

السلام عليكم


شحالكم يالربع ياربكم بخير؟؟


هذي قصيده كتبتها من فتره طويله وحبيت اني انزلها لكم واتمنى انها تحوز على رضاكم


لو شافها قايد كتيبه وزيزوم
خلّّى الكتيبه وراح يمشي وراها


اشعر غلاها زايدٍ يوم عن يوم
فديتها ذا البنت زايد غلاها


مسموم ياربعي وبالحيل مسموم
سم الهوى يذبح عيون تراها


اطير وياها مع ذيك الغيوم
وعلى البحر جالس واسولف معاها


نجمه سطع من بين جمعات النجوم
ودروبي اللي منورة هو ضواها


مابيعها لو بالذهب ياتي السوم
لو انْه اخي في ذمتي ماشراها


هي منوتي من عادني صغير لليوم
وتذري بظلي وانا في ذراها


صدر قرار اليوم مني ومختوم
اشري الديار اللي برجله وطاها


كل العرب في كوم ولحاله فـ كوم
واللي بيعرفها يذوب بـ هواها


ياليت لي جنحان واقدر على الحوم
حتى اطير وكل يوم بسماها


لا قلت احبك قالت الحب معلوم
بنت احرجتني بالثقه لعنباها


افز تالي الليل من لذة النوم
لامن ذكرت عيونها مع شفاها


من كان لايمني فلانيب مليوم
لا شافها راحت عيونه فداها


الهم عندي صايرٍ شبه معدوم
فديتها يجلي همومي نبآها


كيكة وفيها للاكل شرع وسلوم
وما كل رجالٍ بياكل كلاها


ماتسمع الا نانسي وام كلثوم
ومحد انا اسمع غيرها من سواها


بنت خذت عقلي ونستني هموم
اللي اتبعوا كل الكتايب خطاها


ناصر بن محمد العبيدي

بسم الله الرحمن الرحيم
السلام عليكم ورحمة الله وبركاته


صح لسااااااااااااااانك

والله يحفظك

__________________

صح بدنك



الله لايهينك على المرور

أررررررررررحب يالعبيدي وصح لسانك

قصيدة جزلة لاهنت ,,,

صح بدنك يالعاطفي




ولانت




مشكور على المرور

بسم الله الرحمن الرحيم
السلام عليكم ورحمة الله وبركاته
صح لسانك

سلمان محمد العاطفي


صح بدنك

لاهنت يالعبيدي ..

ومشاركة طيّبة ..

تحيّاتي ..

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

العبدي



ولانت ويشرفني مرورك

صح لسانك وبيض الله وجهك .