لمن تصب القهوة؟

يقول هايس المجلاد شيخ الدهامشة من عنزة

[poem=font="Simplified Arabic,4,white,normal,normal" bkcolor="transparent" bkimage="backgrounds/32.gif" border="none,4,gray" type=2 line=0 align=center use=ex num="0,black"]


قم سو مايجمد على الصين ياذياب = بدلال يشدن البطاط المحاديب
احمس الل من العرق فوقها ذاب = استدن مايجلب عليك الشراريب
والى انطلق من ثعبته كنه خضاب = ورس صبغ بكفوف بيض الرعابيب
عده لمن قاد السرايا للاجناب = له مفرس يشبع به الطيلر والذيب
والثاني اللى وان لفا بيته ركاب = قدام بيته مثل جزر القصاصيب
والثالث اللي وان غشا الزمل ضبضاب =يرخص بعمره دون زمل الرعابيب
وباقي العرب يكفيهم التول وان شاب = قضابة المجلس حمير المشاعيب
اللي نهر الكون بفزع بمصلاب = كبار الانفس ساهجين المواجيب[/poem]


ويقول مدوخ بن ظمنة من شيوخ مطير

[poem=font="Simplified Arabic,4,blue,normal,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]

يامسوي الفنجال لاتحرقوته = واحذر من الشعلة تعدى صمدها
حتى يجيك محمر كن لونه = محة جرادة طاير من جسدها
عده على اللي ماضيات طعونه = زبن اللدوح اللي تردا حهدها
وعده على اللي لابته يدهلونه = في ربعة من راح من حمدها
وعده على اللي لابته يتبعونه = مع دربه الخلفة تفاخت ولدها
وكفه عن اللي عند فرقه بشونه= يمسي ويصبح حافظلك عددها
على ربوعها طايرات عيونه = وان باع شاته جاك حزة وعدها[/poem]

ويقول ذعار بن مشاري بن ربيعان
[poem=font="Simplified Arabic,4,white,normal,normal" bkcolor="transparent" bkimage="backgrounds/3.gif" border="none,4,gray" type=1 line=0 align=center use=ex num="0,black"]


والله لولا العظم يومني املاه = اكويه بالجمرة ويكوي جروحي
مع دلة حمرى على النار مركاه = اقصر بصبتها على كيف روحي
فنجالها كنه خضاب الخوانداه = الجادل اللي عند اهلها طموحي
عده لمن يثني خلاف المخلاه = فكاك بالضيقات راعي اللدوحي
وعده على اللي تدفق السمن يمناه = عيد لربعه في النهار اللحوحي
وعده لغمر ماتونى مطاياه = يضوي ولو صكت عليه النبوحي
وباقي الرجال افحول نسوان ورعاه= ضباط مال وحافظين السروحي[/poem]

ابن معيلم لاهنت على اختياراتك الرائعه 0

وذوقك الجميل اختيارات موفقه 0

قصائد جزله ولا تقدر بثمن وهذا من طيبك يالجزل0

اشكر جزيل الشكر على هذه القصائد وعلى ذكر اسماء الشعار0

تقبل تحيات اخوك