[poem=font="Simplified Arabic,4,black,bold,normal" bkcolor="skyblue" bkimage="backgrounds/23.gif" border="solid,medium,darkblue" type=1 line=0 align=center use=sp num="0,black"]
مشكـور يـا وقـتـي كـريـم مـعـي دوم=عــز الله انــك مــا تخـلـفـت سـاعــه


لا حـارت السلعـة وقفـو هـل السـوم=حملتـنـي بـاقــي الالـــم والبـضـاعـه


مابـه خبـر يــا وقــت ولا بــه عـلـوم=مـا شفـت خـلان الحكـي والاشـاعـه


نقـل الحكـاوي عنـد الانـذال محـتـوم=وشـــذب المـقـفـي لـلـرديـن طـاعــه


يـا كثرهـم لا صـار بـه بـرق وغيـوم=ويــا قلـهـم لا جــا نـهـار المـجـاعـه


كـم واحـد ينصـاك ضـايـق ومهـمـوم=وزرعـت فيـه الطـيـب كـلـه زراعــه


متـأمـل تجـنـي شمـطـري ويـشـمـوم=وتشـم مـن ريـح النفـل وسـط قاعـه


مـا تـدري ان الحنظلـة فالـهـا شــوم=مـذكـورة وســط الـكـتـب والاذاعـــه


والاجــودي دايــم مـكـسـر ومـثـلـوم=شــراي للنـامـوس والــلاش بـاعــه


جرحي عميق وبين الانجاف مكتـوم=منـه الفضـا بالعيـن ضـاق اتسـاعـه


والحر ليمن ضاق يركي على الحوم=يـكـفـخ بجنـحـانـه بـكــل اسـتـطـاعـه


مير البلا لامسيت والجوف مضيـوم=وجفنـك قــذاه الـهـم والـنـوم زاعــه


وتـجـر ونـاتــك كـمــا تـالــي الـقــوم=قفـو عنـه والكسـر معـطـب كـراعـه


يــا لايــم المقفـيـن مــا ينـفـع الـلـوم=انـص الكريـم الــي غمـرنـا متـاعـه[/poem]