)@(أمزبنين أهل الجرم والجرايا (=) هواجراً من ساس ضيغم قحاطين)@(

[poem=font="Simplified Arabic,6,burlywood,bold,normal" bkcolor="transparent" bkimage="backgrounds/22.gif" border="groove,thick,burlywood" type=2 line=0 align=center use=ex num="0,black"]
أسرج خيول المعرفه والمطايا = وأقطع بها قاع القفر والبلادين
وأقصر على خطواتها في خطايا = وآسير معها سيرها زين ببزين
أسري بها مسرى الرجال الشلايا = وأنهج بها نهج القروم الشليين
والحمد لله عادني في صبايا = ماني بداني هرجتاً بالمقفين
أسمع من الشيبان قاف وحزايا = وأقطف ثمر وأزهور زين البساتين
سمّحاً بشوشاً مامشيت أبعمايا = عافي ووافي بالضعوف المساكين
أعرف من أصحابي وأميّز أعدايا = وأميّز اللي بين ربعي على الدين
ومن عادتي مانيب راعي خطايا = لاكن أنا سقم العدآ والمعادين
من بيتعشابي غدالي غدايا = ومن يبتدي بالشين يلقابي الشين
ماني من اللي ينوخذ بالدعايا = وماني من اللي للمعادين غافين
وليا غزالي معتدي في سمايا = يهزم ويغزى لو لجآ في سمآ الصين
حنى رياجيل السطر والحمايا = ضيم العدى فالوقت الأول وذالحين
أمزبنين أهل الجرم والجرايا = هواجراً من ساس ضيغم قحاطين
نروي كبود العاطشين الضمايا = ونكحل عيون المعتمين المضلين[/poem]