قصيدة بركات الشريف


مجلس عذب الكلام مختارات الأعضاء والقصائد المنقوله

موضوع مغلق
قديم 11-04-2005, 11:14 AM
  #1
سيف الخنافر
عضو
 الصورة الرمزية سيف الخنافر
تاريخ التسجيل: Mar 2005
الدولة: موجود
المشاركات: 66
سيف الخنافر is on a distinguished road
Post قصيدة بركات الشريف

الـــشـــريـــف بـــــركـــــات

الشريف بركات بن عبد المطلب من أعلام أواخر القرن

العاشر الهجري ، قصيدة يوصـي بهـا ابنـه مالـك

[poem=font="Simplified Arabic,5,white,bold,normal" bkcolor="transparent" bkimage="backgrounds/36.gif" border="none,4,black" type=1 line=0 align=center use=ex num="0,black"]
يالله ياللـي كـل الأمّــات ترجـيـك
يا واحـد ٍ مـا خـاب حـي ٍ ترجـاك

يا رب عبد ٍ ما مشـى فـي معاصيـك
ما يمشـي الا فـي محبتـك ورضـاك

يا مرقـب ٍ بالصبـح نطيـت راقيـك
مـا واحـد ٍ قبلـي خبرتـه تـعـلاك

وليّـت يـا ذا الدهـر مكثـر بلاويـك
الله يزودنـا السلامـة مــن اتــلاك

ياللي علـى العربـان عمـت شكاويـك
وليـت يـا دهـر الشقـا ول مـقـواك

واليـوم هـا الكانـون غـاد ٍ شبابيـك
تلعب بـه الاريـاح مـن كـل شبـاك
يا مالك اسمـع جابتـي يـوم أوصيّـك
وافطن ترى يابـوك بآمـرك وانهـاك

وصيّـة ٍ مـن والـد ٍ طامـع ٍ فـيـك
تسبـق علـى الساقـة لسانـه لعليـاك

أوصيـك بالتقـوى عسـى الله يهديـك
لهـا وتدركـهـا بتوفـيـق مــولاك

الله بـرب اجـدادك الـغـر يعطـيـك
رضـاه مـع مـا تمنّـى مـن منـاك

إحفظ دبشك اللي عـن النـاس مغنيـك
أللـي ليـا بـان الخلـل فيـك يرفـاك

واعرف تـرى مكـة حكمهـا بناخيـك
لو تشحذه خمسـة ملاليـم مـا اعطـاك

إجعـل دروب المرجلـة مـن معانيـك
واحذر تميّـل عـن درجهـا بمرقـاك

لا تنسـدح عنهـا وتبغانـي اعطـيـك
جميـع مـا يكفيـك مـا حاصـل ٍ ذاك

أدّب ولـدك إن كـان تبغيـه يشـفـي
واستسعفـه مـن بعـد مربـاه بـالاك
إما سمـج واستسمجـك عنـد شانيـك
ويفرّ مـن فعلـه صديقـك وشـرواك

والاّ بعـد جهلـه تـرى هـو بياذيـك
لـو زعلـت امـه لا تخليـه يــالاك

واحذر تضيّع كل من هـو ذخـر فيـك
معـروف لا تنسـاه واوفـه بعرفـاك

ترى الصنايع بيـن الاجـواد تشريـك
اليـا طمعـت بغرسـهـا لا تـعـدّاك

احـذر سـرور بغبّـة البحـر يرميـك
ولا عنده افلس مـن تشكّيـك وابكـاك

واوف الرجـال حقوقهـا قبـل تعنيـك
لا تعتمـد بالقـول فالـحـق يقـفـاك

وهرج النميمـة والقفـا لا يجـي فيـك
وايـاك عـرض الغافـل ايـاك إيـاك

تبـدي حديـث ٍ للمـلا فيـه تشكـيـك
وتهيم عنـد النـاس بالكـذب واشـراك

واليـا نويـت احـذر تعلـم بطاريـك
كم واحد ٍ تبغي بـه العـرف واغـواك

واحذر شماتة صاحب ٍ لـك مصافيـك
واليا جرى لـك جـاري ٍ قـال لـولاك
ولا تحسـب إن الله قطـوع ٍ يخلـيـك
ولا تفـرح إن الله علـى النـاس بـدّاك

الضيف قـدّم لـه هـلا حيـن يلفيـك
ومما تطوله يـا فتـى الجـود يمنـاك

إحذر تلقّـي الضيـف مقـرن علابيـك
خلـه محـب ٍ لـك صديـق ٍ إذا جـاك

واوصيك زلات الصديق إن عثـا فيـك
ما زال يغطاهـا الشعـر فاحتمـل ذاك

راعه ولـو مـا شفـت إنـه يراعيـك
عسـاك تكسـر نيتـه عـن مـعـاداك

واحذر عدوك لو ظهـر بـي يصافيـك
خلك نبيـه وراقبـه ويـن مـا جـاك

لا تأمنـه واطلـب مـن الله ينجـيّـك
ويكفيـك ربــك شــر ذولا وذولاك

شفنـي أنـا يابـوك بآمـرك وانهيـك
عن التعـرض بيـن الاثنيـن حـذراك

إذا حضـرت طلابـة ٍ مـع شرابيـك
إسـع لهـم بالصلـح والـلاش يفـداك
إبـذل لهـم بالطيـب ربـك ينجّـيـك
ولا تجضـع الميـزان مـع ذا ولا ذاك

أمـا الشهـادة فادّهـا إن دعـوا فيـك
0بيّن عمـود الديـن لا عميـت اريـاك

بالـك تماشـي واحـد ٍ لـك يـردّيـك
طالـع بنـي جنسـك وفكّـر بممشـاك

رابع أصيـل ٍ فـي زمانـك يشاكيـك
لا شاف خملاتك عـن النـاس غطـاك

واحذرك عن طـرد المقفـيّ حذاريـك
عليـك بالمقبـل وخـل مـن تـعـداك

ثـم العـن الشيطـان لـيـاه يغـويـك
تــرى ان تبعـتـه للشرابـيـك وداك

واوصيـك لا تشكـي علينـا بلاويـك
أنت السبـب طرفـك عيونـك بيمنـاك

واعرف ترى اللي من وطا (الفعر)واطيك
ولا انته أعز مـن الجماعـة هـذولاك

ألمسك يا راسـي مـن الـذل واخطيـك
واحـذر تكلـم يـا لسانـي حــذاراك

والطف بجـارك ثـم قـم دون عانيـك
وافطن لما يعنيك عـن ربعـة اخـواك
والطف بجـارك ثـم قـم دون عانيـك
وافطن لما يعنيك عـن ربعـة اخـواك

يا ذيب وان جتـك الغنـم فـي مفاليـك
فاكمـن إليـن ان الرعـايـا تـعـدّاك

فيما مضى يـا ذيـب تفـرس بياديـك
واليوم جا ذيـب ٍ عـن الفـرس عـدّاك

يا ذيب عاهدني واعاهـدك مـا ارميـك
ما ارميك أنا ياذيـب لـو زان مرمـاك

والنفـس خالـف رايهـا قبـل ترميـك
ترى لهـا الشيطـان يرمـي بالاهـلاك

ومن بعد ذا لا تصحـب النـذل يعديـك
وعن صحبة الأنـذال حاشـاك حاشـاك

ترى العشير النـذل يخلـف طواريـك
وانا ارجي انك مـا تجـي دون آبـاك

والهقوة انـك مـا تجـي دون اهاليـك
ولا اظن عـود الـورد يثمـر يتنبـاك
والحر مثلك يستحـي يصحـب الديـك
وان صاحبه عاعـا معاعـات الاديـاك

لا تستمع قـول الطـرف يـوم يلفيـك
0بالكذب يقضي حاجته كـل مـا جـاك

ومن نم لك ،نم بـك ولا فيـه تشكيـك
وإليـاه قــد أزرى رفيـقـك وأزراك

عندك حكى فينا وعنـدي حكـى فيـك
0وأصبحت مبغضنـا وحنـا كرهنـاك

ما اخطاك ما صابك ولو كـان راميـك
واللي يصيبك لو تتقيـت مـا اخطـاك

مار استمـع منـي عسـى الله يهديـك
والنصح يـا مالـك لـك الله لمـولاك
[/poem]


اخوكم/
سيــــــــــــــف الخنافر
__________________
تستطيع أن ترى الصورة بحجمها الطبيعي بعد الضغط عليها
سيف الخنافر غير متواجد حالياً  
قديم 11-04-2005, 02:03 PM
  #2
السيف النادر
عضو متميز
تاريخ التسجيل: Sep 2004
المشاركات: 816
السيف النادر is a jewel in the roughالسيف النادر is a jewel in the roughالسيف النادر is a jewel in the roughالسيف النادر is a jewel in the rough
افتراضي

هلا بك اخوي سيف الخنافر

لا هنت على المشاركة الطيبة

للشاعر بركات الشريف .... قصيدة مليئة بالحكم ...

لكن سبقك بها عكاااااشة ( هاوي نجد)

وهذا رابط الموضوع http://www.qahtaan.com/vb/showthread.php?t=2285

خيرها بغيرها

ننتظر جديد مواضيع

تقبل تحياتي
__________________
[frame="1 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم ان كل من عميله تبرا=حطيت الاجرب لي عميل مباري
نعم الرفيق الى سطا ثم جرا=يودع مناعير النشامى حباري[/poem]
الامام تركي بن عبد الله[/frame]
السيف النادر غير متواجد حالياً  
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
معركة ((تين)) مهدي الحبابي مجلس الديار و قصص وسوالف من الماضي 51 04-12-2009 11:12 AM
((وقعة تين)) بين قحطان والأشراف سعيد المهداني مجلس فرسان قحطان 46 09-04-2009 01:58 PM
مساجله بين محمد بن هادي وسلطان الشريف فارس الشواطي مجلس الديار و قصص وسوالف من الماضي 26 12-06-2005 03:13 PM
لغز الشريف ابن جليغم المجلس الـــــعــــــــام 8 07-01-2005 02:06 PM
الشريف بركات ينصح ابنه مالك شبل قحطان مجلس عذب الكلام 4 13-10-2004 04:00 AM


الساعة الآن 12:47 PM

سناب المشاهير