قال العزوبي .................قال المعرس

من اللي على حق...؟
قال العزوبي
قال العزوبي يوم شـاف المعاريـس *** الرابـح اللـي لاقعـد مايقـومـي
أول سنـة كـلٍ يبـث الاحاسيـس *** وثاني سنة تجلب عليـك الهمومـي
وثالث سنة حط الرمـل والمتاريـس *** لابد مـن حـربٍ تقـوم وتدومـي
لامن دخلـت الـدار لاكنهـا بليـس *** متلفلـفٍ فـي غاليـات الهدومـي
تأخذ من المخباة وتسحب من الكيس *** وتغيـر الموديـل شـيٍ لـزومـي
وان قلت ما أملك يامره لوهو فليس *** قالـت تديّـن لا تكـثـر بلـومـي
ولاجيت مرة نـاويٍ لـك ب....... *** قالت تصّبـر خـل قلبـك رحومـي
ليتك تساعدنـي تصحـح كراريـس *** زادوا علينا أربع حصص في العلومي
أزوارة في العصر والصبح تدريـس *** والليـل تصحيـحٍ وودي أنـومـي
تبكي إذا جاها وجع لوهـو ضريـس *** وتقول أبي دكتـور ماهـو حكومـي
يروح عمرك بين عرسٍ وتأسيـس *** واربـع سنيـن والبزاريـن كومـي
وسط المطابخ بين قـز ومحاميـس *** هـذا صحـن رزٍ وهـذاك ثـومـي
والا خلصـت إمنظـفٍ الملالـيـس *** جتك تقول انهـج نبـي زود لومـي
ولا جبت قالت اكنس الحوش تكنيس *** خل البلاط يصيـر مثـل النجومـي
ومكرسٍ جهدك من الخوف تكريـس *** وان نادتك بالصوت اقبلـت مومـي
يجيك تـال الليـل دايـم كوابيـس *** ويشيبنـك مزعـجـات الحلـومـي
هذي حياة اللي ركض باغـي...... *** ضيع حيـاة أول وصـار محرومـي
تعيش يالمعـرس حيـاة المحابيـس *** وشف العزوبي بكل شارع يحومـي
من مفرق جلاجل إلى جوي للخيـس *** وان حار حايرهم بوسطـه يعومـي
يفرح إذا شاف الوتـر والمراويـس *** وفي كـل يـومٍ كاشـتٍ ومعزومـي
شف العزوبي مايعـرف الهواجيـس *** ولا يـودي حرمتـه كـل يـومـي
يا عنك ماحاش الفخـر والنواميـس *** الا عزوبـيٍ يـعـرف السلـومـي
اذا اعرس المعرس غدا عندنا هيس *** ونزيل اسمه مـن سجـل القرومـي
والى بغيـت البهذلـة والدحاويـس *** فأعرس وخلك من عـداد الرخومـي
وش صابكم من عرسكم يا المفاليس *** وش استفدتوا غيـر دق الخشومـي
اللي تزوج أشهد انـه غـدا تعيـس *** والرابح اللـي ماخـذٍ لـه ..........
ترى عناق العام نطت على التيـس *** والحرعقب العـرس يصيـر بومـي
قال العريس
قال العريس أنا الذي في سـعاده ××× ماني عــزوبــي ضايق الصدر مهموم
مبسوط من مثلي قعـد عنــد غاده ××× مهوب مثـل اللي لحاله تقل بـــوم
في كل لــيله حاضنٍ لـه وسـاده ××× وانا مـع المـزيون في غـرفة النوم
أنا اشهد انه عايـشٍ في قــراده ××× يروح عــمــره مـا تهنى ولايوم
الى دخــل للبيت يبلش بــزاده ××× يقعد يقــطّـع له طمــاطٍ معه ثوم
ولا قضى عقب العصـر من عداده ××× والـحوض من كثر المواعين مزحوم
والى غسلهن ثم فـك الســـداده ××× دلى يغســل له سـراويل وهــدوم
وان ماطــبخ روّح لمطعـم حمـاده ××× والا قـعد في منزله واعـلن الصوم
وان جاه ضيفٍ باغيٍ لـه رفـاده ××× يـروح يشــري رز وايـدام ولحوم
ما يعرف الشمبو وراسـه عــراده ××× وشــمغه من الكواي ملـيانه رقوم
ما يكنس الفرشــه ويلقط بــداده ××× اما بقـايا رز او خــبز معــروم
عنده صراصيرٍ بحـاجه ابــاده ××× تسـرح وتمرح في الغرف دايم الدوم
يجمع قروشه ويتســـلف زيـاده ××× حتى يسافر مصـر او ديرة الروم
او راح يم التاي وتـــرك بـلاده ××× ناظر جـوازه ممـتلي كله ختوم
دايم يسافر ما يعـرف العــباده ××× يسكر وينكر و........ بالكـوم
وإلى رجع يـروح يـم العــياده ××× حيث ان فـيده مـن فعايله مزكوم
وإلى قعد مارس مع ........عاده ××× حيثه مسيكينٍ مـن العرس محـروم
له موتر خرده كثير فســـاده ××× في كل يـومٍ في الاشارات مصـدوم
غمارته تقول ورشــة حـــداده ××× ومريقـده في شـنطته دوم محزوم
دوم يتنقل تقــل كنه جــراده ××× في كـل يومٍ نازل له على قــــوم
يسهر والى قام الظهر من رقـاده ××× روّح على شغله والى اليوم مخصـوم
يذي بنات الناس يبغي مـراده ××× في كل يومٍ زاهمٍ له على ( هـــوم )
اراه مايعـرس ويقـدح زنـاده ××× يترك بـنات الناس ويصير معصوم
يلقى هنوفٍ تخـدمه مثـل داده ××× ويصــير رجّالٍ ويسلم من اللوم
يفرح الى من قرب وقت الولاده ××× ويصير معنى العرس بالحيل مفهوم
يشوف أولاده ومعهم شهـــاده ××× قبل الـوفاة وقولة الناس مرحــوم



اعجبتني قلت اعرضها علشان تستانسون

بسم الله الرحمن الرحيم
السلام عليكم ورحمة الله وبركاته

حلووووووووووووووووة


الله لايهينك

__________________

بسم الله الرحمن الرحيم
السلام عليكم ورحمة الله وبركاته


تكفى يا لبى الهم وكل شي منذا العرس


لاهنت ياذيبان

__________________
سبحان الله وبحمد سبحان الله العظيم

حالته حالة ذا العزوبي الله يعين العزابية على مشوارهم الطويل

لاهنت ياذيبان

تقبل مروري

__________________



http://www.shbab1.com/2minutes.htm

السلام عليكم ورحمة الله وبركاته
لاهنت يالغالي

وتقبل مروري

__________________
[ادخل الرابط
http://www.knoon.com/rwasn/upload/knoon-1216077970.swf

بسم الله الرحمن الرحيم
السلام عليكم ورحمة الله وبركاته


اللي تزوج أشهد انـه غـدا تعيـس *** والرابح اللـي ماخـذٍ لـه ..........
ترى عناق العام نطت على التيـس *** والحرعقب العـرس يصيـر بومـي

صج لسااااااااااااااااااااااااااااااااااانه




يلله انت وياه قبل الساعه 11 وانت في البيت

ههههههههههههههههههههههههههه

__________________
سبحان الله وبحمده

سبحان الله العظيم


[COLOR="Red"][SI

يا زين الزواج

راحه و استقرار

لاهنت يالغالي على هذه المشاركه الغاليه

دمت بود

يعطيكم الف عافيه على كل حال

مشكورين على الردود

تسلم يا فارس ال فرس مشاركة سبشلاوية لاهنت ,,,,,,

.................................... بسم الله الرحمن الرحيم
السلام عليكم ورحمة الله وبركاته



الله لا يهينك على الافاده يالغالي
وبيض الله وجهك مره ثانيه


وتقبل مرووووووووووووووووووووووري يالغالي
.................................................. .....................................

__________________

تــــــحـــــيـــــاتـــــي لــــلـــــشـــــعـــــب الـــــســـــعـــــودي