قصص وقصائد من حياة شالح بن حطاب بن هدلان

الفارس شالح بن حطاب بن هدلان نشأ شالح بين أفراد قبيلة الخنافرة التي هي من قبيلة آل محمد القحطانية وعاش الى سنة 1340هـ وكان مثالاً للأمانة والشجاعة وحسن الخلق والكرم والوفاء وكان محبوباً عند قبائل قحطان و عند القبائل الأخرى
نشأ شالح بين أفراد قبيلة الخنافرة وكان له شقيق أصغر يسمى الفديع وكان مثالياً بشجاعتة وأخلاقة ويماثل اخاه شالحاً في كل شئ إلا أنه مغامراً بفروسيتة الى أبعد الحدودوكان وفياً مع أخيه شالح وخادماً أميناً له ويرى الفديع أن تفانيه في خدمة أخيه الأكبر فضيلة لايعادلها شئ , وكانت ابلهم لاتذهب للمرعى الا والفديع معها مدججاً بالسلاح وعلى صهوة جواده وكان الفديع لاينام سهراً على راحة أهل الحي فأحس الشيخ شالح بهذا الأمر فأخبره تقديره وضيقة من هذا الأمر وقال له كم أتمنى لو كان أبنائي كباراً ليساعدوك ويخدموك , فرد عليه الفديع بهذه القصيدة :


[poem=font="Simplified Arabic,4,blue,bold,normal" bkcolor="transparent" bkimage="backgrounds/19.gif" border="none,medium,gray" type=4 line=0 align=center use=ex num="0,black"]
يا بوذعار أكفيك لونـي لحالـي = واصبر على الدنيا وباقي تعبهـا
وان غم اخوة معثريـن العيالـي=انا لِخويه سِعـد عِينِـه عَجَبْهَـا
وان جَن مِثْلِ مخزماتَ الجمالـي=كم سابقٍ تقْزِي وانا من سبَبْهـا
كم خفرة ٍ قـد حَرّمَـت للدلالـي=لبست سوادٍِ عقب لـذة طربهـا
وان جيت لي قفرٍ من النشر خالي=يفرح بي الحَواز يوم أقبـل بهـا
أفديك ياشالـح بحالـي ومالـي=يا فارس الفرسان يا مِقْدِمْ عَرَبها
يامتيه ابلـهْ بـروسَ المفالـي=ياللي حميت حدودها يَـا جَنَبْهـا[/poem]



وبعد أن سمع شالح هذه الأبيات تأثربها وأنشد هذه القصيدة :



[poem=font="Simplified Arabic,4,blue,bold,normal" bkcolor="transparent" bkimage="backgrounds/19.gif" border="none,medium,gray" type=4 line=0 align=center use=ex num="0,black"]
لا وَاخوٍ لي عقب فرقـاه بَاضِيـعْ=كنّي بما يجري على العمـر داري
أخوي يا سِتـر البِنـيّ المفاريـع=ومطلِق لسان الىّ باهلها تمـاري
ماقط يوم شـد بيـن الفراريـع=ياكود بين الكِمِـي و المِشَـاري
ليته عصاني مرّةٍ قال مـا اطيـع=كود اني اصبر يوم تجري الجواري
أنا أشهد انّه لي سريع المنافيـع=عَبْدٍ مليك لي و لا نـي بشـاري
تشهد علية مناتـلات المصاريـع=واعداه من كفة تَشُوْف العـزاري
يمناه تنثر من دماهـم قراطيـع=وعُوْقَ العديم اللي بدمـه يثـاري
جداعْ سَفْرِينَ الوجيـه المداريـع=مخَلّـي الخيـل منهـم عـواري
القلب ماينسـى بعيـد المناويـع=ليث على صيد المشاهير ضـاري
[/poem]


وكأن شالحاً قد توقع بهذه القصيدة مستقبل أخيه الفديع هو الموت في أحد المعارك لأن الفديع شخص مغامر لايهاب الموت, وفي أحد الأيام وبينما هو مريض بمرض في العينين أغارت أحد القبائل على مساكنهم وكان أخيه شالحاً وحيداً في المعركة يقاتل فلم يستطيع الفديع أن يتركه على هذا الحال فدخل المعركة فجندل معظم فرسانهم فرشقوه بعدد من الرماح دفاعاً عن النفس فأصاب الفديع رمح اخترق رأسه فخر قتيلاً ونزل شالح من جواده وقلب أخاه فاذا هو ميت وكانت نكبة موجعة لشالح وكانت لحظات ألم أحس وكأن خنجراً مزقت أحشاءه دون أن يستطيع ايقافها الابالدموع التي تسابقت بالسقوط على وجنتيه ثم قام بدفنه في مكان يسمى خفا بنجد , لقد رثى شالحاً أخاه بقطرات من دم قلبه في هذه المقطوعة :-


[poem=font="Simplified Arabic,4,blue,bold,normal" bkcolor="transparent" bkimage="backgrounds/19.gif" border="none,medium,gray" type=4 line=0 align=center use=ex num="0,black"]
أمس الضحي عديت روس الطويلاتْ=وهيضت في راس الحَجَا ما طرا لِي
وتسابقت دموع عينـي غزيـرات=وصفقت بالكف اليميـن الشمالـي
وجريت من خافي المعاليق ونـات=والقلب من بين الصناديـق جَالـي
واخويه اللي يم قَـارَة خَفَـا فَـاتْ=من عاد من عقبة بيستر خَمَالي؟!
ليته كِفاني سُـوّ بقعـا ولاَ مـات=وانـا كفيتـه سُـو قبـرٍ هَيالـي
وليته مع الحييّن راعي الجمـالات=وانا فداً له مـن غِبُـون الليالـي
واخوي ياللي يوم الاخـوان فـلات=من خَلْقِتِه ما قـال ذالـك وذا لـي
تبكيه هجن تالـي الليـل عجـلات=ترقب وعدها يوم غـاب الهلالـي
وتبكي على شوفه بِنـيّ عفيفـاتْ=من عقب فقده حـر مـن الـدّلاَلِ
عَوْق العَدِيم إن جاء نهار المثارات=والخيل من حسـه يجيهـن جفـالِ
[/poem]



وقد حدث أن قتل مبارك بن غنيم بن هدلان "عبيد " ابن الأمير تركي بن حميد في إحدى المعارك بين قبيلة عتيبه وقحطان وقد أنشد ضيف الله بن تركي بن حميد راثياً أخيه عبيد ومتوعداً قحطان ومحرضاً الأمير محمد بن هندي بن حميد على أخذ الثار فقال هذه الأبيات :-



[poem=font="Simplified Arabic,4,blue,bold,normal" bkcolor="transparent" bkimage="backgrounds/19.gif" border="none,medium,gray" type=4 line=0 align=center use=ex num="0,black"]
ياونتـي ونـة كسيـر الجـبـارةْ=إلى وقف ما احتال وليـا قعـد ونّ
عليك يـا شبـاب ضـوّ المنـارةْ=عليـك ترفـات الصبايـا ينوحـنْ
مـن عقـب عبيـد قلـنـا ودَاره=لاَ باكـي عقبـه ولا َ قايـل مـنْ
تبكيـك صفـرٍ البسوهـا غَيَـارهْ=تبكيـك يـوم ان السبايـا يِعَنّـنْ
وتبكيك وضـحٍ ربّعـت بالزبـارهْ=اليا قِزن مـن خايـع مـا يـردنْ
الخيل عقب عبيد مـا بـه منـاره=وش عاد لو راحن وش عاد لو جن
يا شيخ ما تامـر عليهـم بغـاره=كود الجروح اللي على القلب يبرنّ
يقطع صِبِـيّ مـا ينـادي بثـاره=إلى أقبلن ذولـي وذُوليـك قفـنْ
ياهل الرمك كـل يعسـف مهـاره=والمنع ما نطريه لاهُـم ولاَ حـن [/poem]




فردعليه شــالح بقوله :




[poem=font="Simplified Arabic,4,blue,bold,normal" bkcolor="transparent" bkimage="backgrounds/19.gif" border="none,medium,gray" type=4 line=0 align=center use=ex num="0,black"]
ضيف الله اشرب ما شربنا مـرارهْ=اصبر وكنّـك شالـحٍ يـوم حَـزّنْ
راح الفديع اللـي علينـا خسـاره=واخذ قضاه عبيـد حامـي ثقلهـنْ
يمنى رَمَتْ به ما تجيهـا الجبـاره=اللي رمت بعبيـد فـي معتلجهـنْ
من نسل ابوي وضـاري للشطـاره=يصيب رمحه يوم الارمـاح يخطِـن
وعبيـد خِللّـي طايـحٍ بالمـغـاره=عليه عكفـان المخالـب يحومـن
وعادتنـا بالصيـد ناخـذ خـيـاره=ثلاثة الجذعان غصبـن بـلا مَـنّ
يا قاطع الحسنى ترى العلم شـاره=لابـد دورات الليـالـي يــدورنْ
حريبِنـا كنّـه رقـيـد الخـبـاره=خطرٍ عليه اليا توقـظ مـن الجـن
مانـي بقـصـادٍ بلـيـا نـمـارَه=أجدع نطيحي بالسهـل وإن تلاقـن
من حل دار النـاس حلـوا ديـاره=لابـدّ مـا تسكـن ديـاره ويغبَـنْ
ومن شق ستر الناس شقوا ستـاره=ومن ضحك بالثرمان يضحك بلا سنْ
وان كان ضيف الله يعسف مهـاره=فمهارنا من عصـر نـوح يطيعـن
تِدنَـا لِصِبيـانٍ سُـواةِ النـمـاره=شهـبٍ لماضيـن الفَعَايـل يعَنّـنْ[/poem]




أمّا ذيب بن شـالح , فعندما بلغ سن الرابعة عشرة كان ابوه قد دربه على ركوب الخيل , وذات يوم اجتمع مشائخ الحي من اقارب شـالح , وهم ابناء عمه السفارين ولم يدعوه للحضور الا في اخر الاجتماع , غضب شالح من هذا الأمر فقرر الرحيل الى قبيلة الدواسر وقد رحل فعلاً وحاولوا ان يرضوه ولكنه أصر على الرحيل وأرسل لهم هذه القصيده :-


[poem=font="Simplified Arabic,4,blue,bold,normal" bkcolor="transparent" bkimage="backgrounds/19.gif" border="none,medium,gray" type=4 line=0 align=center use=ex num="0,black"]
أنا لِيَا كثرت لَشَاوير مـا شِيْـرْ=وحلفت ماتي بارزٍ مـا دعانـي
وانا صديقه في ليالي المعاسيـر=والا الرخـا كـل يِسِـد بمكانِـي
وشُوري لِيا هَجّت تُوالي المظاهير=شلفَا عليها رايـب الـدمّ قَانـي
شلفاً معوّدها لجـدع المشاهيـر=يوم السّبايـا كنّهـا الدّيدَحانـي
ماني بخبلٍ ما يعـرف المعابيـر=قدني على قطع الفرَج مِرجعانـي
إن سندُوا حدرت يـم الجُوافيـر=وان حـدّروا سنّـدت لمريغانـي
ناخذ بخيران المريبـخ مساييـر=ما دبّر المولى على العبد كانـي [/poem]




وعندما وصل الى قبيلة الدواسر اكرموه وصادف ذات يوم ان اغارت عليهم احدى القبائل فشارك ذيب بن شالح رغم صغر سنه في الدفاع عنهم فغنم اجمل جواد في نجد وافضلها وكانت تسمى العزبة وعندما علم بها الأمير محمد بن سعود بن فيصل وعلم بها الأمير محمد بن رشيد ارسل كل منهما رسله يطلبها ولكنه اعتذر للرسل وقال لهم بصريح العبارة ان هذه الجواد اخذها شالح من الأعداء وهي لا تصلح إلا له وانشد هذه القصيدة :-


[poem=font="Simplified Arabic,4,blue,bold,normal" bkcolor="transparent" bkimage="backgrounds/19.gif" border="none,medium,gray" type=4 line=0 align=center use=ex num="0,black"]
يا سابقي كثرت علوم العرب فيـكْ=عٌلوم الملوك مـن أولٍ ثـم تالـيْ
لا نيـب بايـع و لا نـي بِمهديـك=وانا اللـي استاهـل كـلّ غَالـي
وانتي من الثلث المحرم ولا اعطيك=وانتي بها الدنيـا شريـدة حلالـي
ياما حَلَى خطوى القلاعَـة تباريـك=افرح بها الدنيا الصديـق الموالـيْ
وياما حَلَى زين الندى في مواطيـك=في عَثْعَثٍ توّه من الوسـم سالـي
ويا ما حلى شمشولٍ من البدو يتليْكْ=بقفر به الجـازي تربّـى الغَزَالـي
الخير كلـه نابـتٍ فـي نواصيـكْ=وادله ليا راعيـت زولـك قبالـي
بِالضيق لِوجيـه المداريـع نثنيـك=وعَجله وريّضـه خـلاف التوالـي
حقـك علّـي مـن البّـر أبّديـك=وَعَلى بدنك الجوخَ أحطّـه جلالـي
أبيه عـن بـرد المشاتـي يدفّيـك=وبالقيظ احطك في نعيـم الظلالـي
يا نافدا اللّي حصلك مـن مجانيـك=جابك عقاب الخيـل ذيـب العيالـي
جابك صبي الجُود من كف راعيـك=في ساعة تذهل عقـول الرجالـي
يا سابقـي نبـي نبعـد مشاحيـك=والبعـد سلـم مكرميـن السّبالـيْ
يم الجنوب وديرِتِـهِ نِنتِحـي فِيـك=لربعٍ من الأونـاس قفـرٍ وخالـيْ [/poem]





وبعد أن اطمأن على جواد ابنه عاد من الربع الخالي وعاد الى الى قبيلته معززاً مكرماً شيخاً عليهم وعندها بدأ يلمع اسم ذيب واصبح الجميع يخاف بطشه ويعجبون بفروسيته في نفس الوقت
وكان شجاعاًلم تشهد العرب في ذلك الوقت مثله وقد توقع والده مقتله يوما ما لكثرة معاركه وعدم خوفه من الموت فأنشد هذه الابيات :-



[poem=font="Simplified Arabic,4,blue,bold,normal" bkcolor="transparent" bkimage="backgrounds/19.gif" border="none,medium,gray" type=4 line=0 align=center use=ex num="0,black"]
ما ذكر به حيّ بكـى حـي ياذيـب=واليوم أنا بابكيـك لـو كنـت حيـا
وياذيب يبكونك هل الفطـر الشّيـب=إن لايعتهُـمْ مثـل خيـل المحَـيّـا
وتبكيك قطعـان عليهـا الكُوَاليـب=وشيال حمـل اللـي يبـون الكفيّـا
وتبكيـك وضـحٍ علقُوهَـا دِبَابيـب=إن ردّدّتْ من يمّـة الخـوف عيّـا
ويبكيك من صكّت عليـه المغاليـب=إن صاح بأعلى الصوت ياهل الحميّا
ننزل بك الحزم المطرّف ليـاَ هِيْـب=إن ردّدُوهـن ناقلـيـن العصِـيّـا
انا أشهد انك بيننـا منقـع الطيـب=والطيب عسـرٍ مطلبـه مـا تهيّـا [/poem]




لقد اشتهر ذيب ببره لوالديه ووفائه مع اصدقائه وعطفه على جيرانه وكرمه الحاتمي , وذات ليلة كان هو ووالده ساهرين , وكام والده يداعبه , ويلقى عليه بعض الأشعار فأنشد هذه الأبيات :




[poem=font="Simplified Arabic,4,blue,bold,normal" bkcolor="transparent" bkimage="backgrounds/19.gif" border="none,medium,gray" type=4 line=0 align=center use=ex num="0,black"]
يا ذيب انا يا ابوك حلـي تـردّى=وانا عليك من المواجيب يا ذيـب
تكْسِبْ ليَ اللّي لا قحٍ عِقْب عَـدَا=طويلة النسنوس حرشا عراقيـب
تجر ذيـل مثـل حبـل المعـدّا=وتبرى لحيرانٍ صغـارٍ حباحِيـب
واري لك اللّي ركضها مـا تقـدا=ماحدٍ لقى فيها عيوب وعذاريـب
قبّا على خيل المعـادي تحـدّى=مثل الفهد توثب عليهـم تواثيـب
أنا أشهد انـك باللـوازم تسـدّا=وعزا الله انك خيرة العرب بالطيب
يا اللّي على ذيب السريـا تعـدا=لو حال من دونه عيال معاطِيـب
ليثٍ عَلَى قرب المراجـل مقـدّى=ما فيك يا ذيب السبايا عذاريـب
[/poem]



عندما سمع ذيب هذه القصيده اسرها في نفسه وجمع مجموعة من شباب الحي وذهب للقنص ولكن كان هناك شخص مختبئ بين الشجر اطلق ناره فاصابت ذيب فخر صريعاً , لقد حلت الكارثة الكبرى على الشيخ الطاعن بالسن شالح بن هدلان , انه فقد كل أمل له في الحياة فقد كل ركن على وجه الأرض فقد الشجاعة فقد الابن المطيع ..
وقد قال شالح أشعـاراً كثيرة بعد وفاة ابنه ذيب وأول مـا قال هذه القصيد:-



[poem=font="Simplified Arabic,4,blue,bold,normal" bkcolor="transparent" bkimage="backgrounds/19.gif" border="none,medium,gray" type=4 line=0 align=center use=ex num="0,black"]
يا ربعنا ياللّي على الفطّرَ الشّيـب=عزالله إنه ضـاع منكـم وداعَـهْ
رحتوا على الطّوعات مثلِ العياسيب=وجيتُوا وخَلّيتـوا لقلبـي بضاعَـه
خليتـوا النّـادِرِ بـدارِ الاجَانيـب=وضاقت بي الآفاق عقب اتساعـهْ
تكدرون لي صافيـات المشاريـب=وبالعون شفتَ الذل عقب الشجاعةْ
يا ذيب انا بوصيك لا تأكـل الذيـب=كم ليلةٍ عشـاك عقـب المجاعـه
كم ليلةٍ عشاك حـرش العراقيـب=وكم شيخِ قُومٍ كزته لـك ذراعـهْ
كفّه بعدوانـه شنيـع المضاريـب=ويسقي عدوه بالوغي سم ساعـة
ويضحَك ليا صكت عليه المغاليـب=ويلكد على جميع العدو باندفاعـهْ
وبيتِه لجيرانِه يشيّد علـى الطيـب=وللضيف يبنى في طويل الرفاعـهْ
جرحي عطيب ولابقى لي مقاضِيب=وافخت حبل الوصل عقب انقطاعـهْ
كني بعد فقِـدِه بِحامـي اللواهيـب=وكني غريب الدار ما لي جماعـهْ
من عقب ذيب الخيل عرج مهاليب=ياهل الرمك ما عاد فيهن طماعـه
قالو تطيب وفلت وش لون ابا طيب=وطلبت من عند الكريـم الشفاعَـهْ [/poem]



وبعدها أخذ يوصي جماعته بهذه القصيده :



[poem=font="Simplified Arabic,4,blue,bold,normal" bkcolor="transparent" bkimage="backgrounds/19.gif" border="none,medium,gray" type=4 line=0 align=center use=ex num="0,black"]
ذيب عوى وانا على صوتـه اجيـب=ومن ونتي جضت ضواري سباعـهْ
عز الله اني جاهل ما أعلـم الغيـب=والغيب يعلم بـه حفيـظ الوداعـهْ
يالله يـا رزاق عكـف المخالـيـب=يا محصيٍ خلقـهْ ببحـره وقاعـهْ
تفرِجْ لمن صابه جـروحٍ معاطيـبْ=وقلبه من اللوعـات غـادٍ وِلاَعِـهْ
إن ضاق صدري لِذْتْ فُوق المصَالِيب=مانيب من يشمـت فعايـل ذراعِـهْ
صار السّبب منّي على مَنقعَ الطيـب=ونجمي طمن بالقاع عقب ارتفاعـهْ
ياطول ما هجّيتِهـن مـع لواهيـب=ولانِي بَداري كسرها مـن ضلاعِـهْ
وياطول ما نوّختها تصـرخ النّيـب=وزن البيوت اللّـي كِبـارٍ ربَاعـهْ
واضوي عليهم كنهم علي معازيـبْ=إليا رَمَـى زيـن الوَسايـد قناعـهْ
أبا انذر اللّي من ربوعي يبا الطيـب=لاياخـذ الا مـن بيـوت الشجاعـهْ
يجي وَلدهـا مـذرّي كنّـهَ الذيـبْ=عزّ لبُـوه وكُـل مـا قـال طاعـهْ
وبنت الردى ياتي ولدها كما الهيـب=غبنٍ لبُـوه , وفاشلَـهْ بِالجِماعـهْ
ياكبر زُوله عنـد بيـت المعازيـب=متحَـرّيٍ متـى يـقـدّم متـاعِـهْ [/poem]


والغريب إن هاتين القصيدتين متطابقتين في الوزن والقافيه !



وبقي شالح حزيناً كظيماً يسهر أيامه ولياليه ولا يفارق نار قهوته , وذات ليلة وهو ساهر مع أحزانه أتاه شخص يسمى الهويدي قد ضاع صقره واخذ يبحث عنه بالليل ويسأل كل من رأى فرد عليه شالح بهذه القصيدة :-

[poem=font="Simplified Arabic,4,blue,bold,normal" bkcolor="transparent" bkimage="backgrounds/19.gif" border="none,medium,gray" type=4 line=0 align=center use=ex num="0,black"]
إن كان تنشد يالهويدي عن الطيرْ=الطير والله يالهويدي غَـدَ لِـي
طيري عذاب معسكرات المسامير=إن حل عنـد اقطِيّهـن الجفالـي
إن جاء نهار فيه شرّ بلا خيـر=وغدا لهن عند الطريح اجتوالِـيْ
إن دبرن خيـل وخيـل مناحيـر=وغدن مثل مخزمـات الجمالِـيْ
على الرّمَك صيدهِ عيالٍ مناعيـر=وشره على نشر الحَريب الموالِيْ
يضحك ليا صكّت عليه الطوابيـر=طير السعد قلبه من الخوف خالِيْ
خيّالنا وإن عرجـدنّ المظاهِيـر=وزيزوم عيرات طُواها الحيالِـيْ
غيثٍ لنا وان جت ليالي المعاسير=وبالشح ريفٍ للضعُوف الهزالِـيْ
يسْقِي ثَراه من الروايح مزابيـر=تمطر على قبر سكن فيه غالِـيْ[/poem]


وتقبلو خالص تحياتي ....

__________________

بسم الله الرحمن الرحيم
السلام عليكم ورحمة الله وبركاته
راعي السمراء

لاعدمناك على طرح المواضيع المفيدة والهامة بالنسبة لنا ولاجيالنا لكي نعرف عن تاريج الاباء والاجداد

والسلام عليكم

__________________
يازينها لاروحت مع جو قافر

كنها سرب القطا متالياتي

لغلبيه من لوارك والحراير

هن لهنا جن فيد منهباتي

وعليكم السلام ورحمة الله وبركاته

جاسر الحرقي

تسلم وعطاك العافيه

وهذا الواجب علينا

ولك التحيه

اسئل الله العظيم رب العرش العظيم ان يرحم الشيخ والفارس شالح بن هدلان


الاخ راعي السمراء

الله يبيض وجهك والله يرحم والديك

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم

ووجهك أبيض


أخوي مرعي بن دواس الحبابي



وتسلم يا أبن الأجواد


ولاهنت ...

__________________

تاريخ يا آل هدلان لحاله

وهذا ماهو جديد على قحطان

فالتاريخ والبطولات والفرسان والأصاله هي أسماء تابعه لــ ((قحطان))



لاهـــــــــــنت ياراعـــــــــي السـمـــــراء

لاهنت ياراعي السمراء

وبيض الله وجهك

يا مرحبا بكم

والله لا يهينكم

ومشكورين على مروركم بالموضوع

تحياتي .

__________________

أرررحب يا راعي السمراء تراحيب المطر
بيض الله وجهك يا كحيلان على هذه النبذه عن الشيخ الفارس شالح بن هدلان واخوه الفديع وذيب بن شالح فرسان ونعم ٍ بهم وقت الطراد ويوم الدنيا ناهب ومنهوب والله يرحمهم برحمته .
لي تصحيح فقط أنت قلت إن الفارس مبارك بن غنيم من آل هدلان وهذا غير صحيح.
الصحيح إن الفارس مبارك بن غنيم من آل كليفيخ وآل كليفيخ من آل دراج.
وآل هدلان من آل قريان وآل قريان من آل دراج.
وللمعلوميه يعتبر الفارس مبارك بن غنيم من أشجع فرسان قبيلة الخنافر .
على العموم بيض الله وجهك وجمل الله حالك
تقبل فائق الاحترام.

__________________

لاهنت ياراعي السمراء

وبيض الله وجهك

__________________