معاناة طالب جامعي في(قصيدة)

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صلوا على النبي


لي ثمان سنين ادّور لي مـع العالـم وظيفـه=والغريب اني مخضـرم والشهـاده جامعيـه
والبلد مليان مثلـي يمكـن انهـم بالنصيفـه=والبطالـه كونـت فـي مجتمعنـا عنصريـه
زعل ابوي وزعلت امي واصبحت حاله مخيفه=مالهـم غيـري وانـا ودي بخدمـة والديـه
يرتجـون الفايـده والفايـده صـارت كليفـه=والفقر دكـا علـى المركـى ودن السمسميـه
ان بغيت النوم عفته وان بغيت الـزاد اعيفـه=حالتـي يرثالهـا والاقربـاء شرهـوا عليـه
صارت قلوب البشر قشرا بعد كانـت لطيفـه=يـوم ماعنـدي وظيفـه مابقـالـي قابلـيـه
والوظايـف سكـروا بيبانهـا كلـن وكيفـه=والتجـارة روّحـت بيـد العمالـه الاجنبيـه
سجلوني لو على بنـد الاجـورات الضعيفـه=من خذيت الجامعه ما طب قرشٍ فـي يديـه
باشتري لابوي غتره واشتري لامـي قطيفـه=كم تمنيت اشتري لابـوي ولاّ امـي.. هديـه
وعـاد قدامـي زواج ومستحقـاتٍ خفيـفـه=ياهني اللي توظـف فـي الحكومـه واهنيـه
اكتبوني حارس كلـن تشّبـث فـي رغيفـه=بعد ماكنت احلم اني فـي قطـاع العسكريـه
البطل صار الضحيه بيـن بـارع والعسيفـه=الله اكبر يازمـان صـاروا ابطالـه ضحيـه
ليت وادي فاطمه سيلـه مثـل وادي حنيفـه=كان نبت العشب بين الكوع وشـداد المطيـه
المشاكل حلهـا عنـد الرجاجيـل الشريفـه=مالهـا الا سيـدي نـايـف وزيرالداخلـيـه


خولان بن عامر[/poem]

خولان ابن عامر


اسعدني جداً اني أول الواصلين


صح لسانك على هذه القصيده


الهادفه .

بدعت فأبدعت ........ وقلت فأجزلت .



حفظك الله .

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]

صح السانك ...صح السانك
ولله درك ..لله درك
ياخولان
قصيده في غاية الروعه
وجودك معنا مشرف ....................................لنا
اخوك
اللي يهنيك على مستواك الشعري الرائع
خالد

__________________
[frame="4 60"]لااله الاانت سبحانك اني كنت من الظالمين [/frame]

صح لسانك


مليووووووووووووووووووون ياخولان بن عامر......

سعد بن شفلوت

__________________

خولان بن عاااامر

احيي فيك اول شي توااااضعك

وشااااااعرررررريتك ياخولان

فصيده جززززززله ياجزل بن الجزل

__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه


الشاعرالكبير _ حمد بن هادي المسردي

هاكذا يكون الأبداع
نعم الفكره ملك لشخص واحد والقافيه ملك للجميع
نعم
وخولان أبن عامر
جبل من ذهب
وأنا أعلم أنه لايحتاج شهادتي
ولاكن لكي أقول كلمة حق
ياجماعه وراء هذا الأسم شاعر كبير
ربما يكون
سلطان
ربما رشيد
ربما
ضيدان
ولن يتعدى هاذا الثلاثي
وأقطع يميني
صح السانك
يا(((؟؟؟؟؟؟؟؟؟؟؟؟))))

شاعرنا خولان بن عامر
صح لسانك وكفيت ووفيت
وقصيده جزله طال عمرك ولانيب كفو يا جماعه اني ابدي رايي في شاعر مثل مروض القاف خولان بن عامر
لكن احاول
وانا اضم صوتي لصوت الشاعر الكبير علي البورعي
عندي احساس كبير ان اسم خولان بن عامر يخفي وراه اسم كبير جدا
واتمنى ان يكشف الستار ونعرف منهو


شاعرنا خولان بن عامر انا دايم استمتع بقراءة جزلاتك
وتقبل تحياتي
ابو ذيب

__________________
[frame="6 80"]عدت من جديد [/frame]

صح لسانك على هذه القصيدة المعبرة فعلا عن حقيقة معاناة الشباب في هذا الوقت.


والله لايهينك وبيض الله وجهك .

__________________

الله يعطيك العافيه حقيقة هذه القصيده هادفه وفي مكانها ولكن من يسمع

الله يرزقك بالوظيفه ان شاء الله ويحقق امانيك

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اكتبوني حارس كلـن تشّبـث فـي رغيفـه=بعد ماكنت احلم اني فـي قطـاع العسكريـه
البطل صار الضحيه بيـن بـارع والعسيفـه=الله اكبر يازمـان صـاروا ابطالـه ضحيـه
ليت وادي فاطمه سيلـه مثـل وادي حنيفـه=كان نبت العشب بين الكوع وشـداد المطيـه
المشاكل حلهـا عنـد الرجاجيـل الشريفـه=مالهـا الا سيـدي نـايـف وزيرالداخلـيـه[/poem]

__________________