قصيدة شاعر المبايعة في الشيخ ابن شافي

بسم الله الرحمن الرحيم أعزائي اعضاء الشبكة الموقره تحية طيبة وبعد إليكم هذه القصيده لشاعرٍ لقب بإسم (شاعر المبايعه المشهوره) نسبة لقصيدته التي ألقاها أمام الملك /عبدالله بن عبدالعزيز بإسم قبائل قحطان وقصيدته الآن في الشيخ / سعود بن شافي آل الجرو ومناسبتها أن الشاعر ألقى قصيدة جزله في مزاين قحطان من خلال إمسيته الشعرية وتفاعل الشيخ /سعود مع القصيدة وكذلك الحضور وقام وألبس الشاعر بشته وبعد ذلك قال الشاعر هذه القصيدة أرجو أن تحوز على رضاكم هات القلم يا بندر وقرب الكيف * واحمس من إللي غاليات ٍ بنوده وإليا غدا الفنجال ماله تواصيف * عده عليّ يا بوك واسمع ردوده أمثال شعر ٍ في ضميري مواقيف * كنها سجين ٍ محكمات ٍ قيوده تبقى وراء عوج الضلوع النواحيف * وبحزة الواجب تجيك مهدوده تقبل جميع بين عوص ومعاسيف * إقبال سيل ٍ ما ترده سدوده وأنا لا شفت من النشاما معاريف * أعلنتها والكفو ابيّن جهوده ومن صابه من الوقت هم وصواديف * ينصا ولد شافي ويلقا سعوده شيخ ٍ ظهر في عاليات المشاريف * له مركز ٍ فالطيب دايم يروده والمرجله تبغا عزوم وتكاليف * عد ٍ ضحا الكنه تزاحم وروده والشيخ ماهو شيخ بالختم والسيف * شيخ بصيته والمحبة وجوده كم واحد ختمه يزمه ولا شيف * وغيبة جنابه تستوي مع وجوده وهذا ابن شافي مكرم الجار والضيف * في مجلس ٍ متخالفات ٍ وفوده وقت المزاين جاب دعم ومصاريف * وفي مهرجان الشرق بيَّن صموده ومال ٍ كثير حزة الضيق ما شيف * عسا يبَّشر صاحبه في نفوده ويبرى لبو شافي جموع مراديف * مثل القنيف إللي ترازم رعوده زحول الرجال أهل البكار المشاعيف * دخيلهم يا من ويرقا سنوده إعيال ابن جاري حماة الطواريف * صمة جبل ما أحد ٍ قدر في حيوده بمات خمس وبالسلال المراهيف * عدوا على ضلع ٍ كليف صعوده واسمع لشاعرهم قصيد ومحاريف * سوالف بين الرجال معدوده ابن عور ثاني حكيم السواليف * والبيت ما يبنا بليا عموده وسعود مقدمهم لا جات المواقيف * راس تبين ما تخونه عضوده بشته عطاني إياه قدر وتشريف * في محفل ٍ بالقوم ضاقت حدوده مدة كريم ما استمع كلمة اضعيف * يفداه من فعل المراجل يكوده هرج صحيح ما دخل فيه تزييف * ولا أحب نقصانه ولا أحب زوده وصلاة ربي عد ما همل الصيف * على الرسول إللي خطاه محموده

وانت سالم وغانم يا سعيد


وابو بندر شاعر وشاعر علم ومعروف ووافي ويستااااهل العلم الغانم


وسعود بن شافي من الرجال الاوفياء


ويعطي وابو بندر يستاااهل


وانا والله اكن كل التقدير والوفاء لكل منهم


ولك اجل التحايا يا سعيد


اخوووووك

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

نشكرك على هذا الاطراء


ونقدر لك اهتمامك ومتابعتك المستمره يالمهداني



ولك تحياتييييييييييييييييي

[poem=font="Tahoma,5,blue,normal,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
صح الله لسانك ولسان الشاعر


وابن شافي يستاهل المدح


اكرر الشكر ولاهنت[/poem]

الشيخ / سعود بن شافي آل الجرو


يستاهل المدح ويعطي البل


وعلمه غانم قبل المزاين وفي المزاين


والشاعر ابو ظهير كفو وصح الله لسانه ولا مدح إلا رجالً يستاهل المدح

وبيض الله وجهه وجهك يالغالي


تحياتي

الله لايهينك يابن غفره


ونشكرك على تواصلك معنا في الشبكة





ولك تحياتتتتتتتتتتتتتتتتتتتتتتي

صح السان الشاعر

بسم الله الرحمن الرحيم
السلام عليكم ورحمة الله وبركاته

صح السان الشاعر والله لايهينك

ولك تحياتي

__________________