يقول إبن جدلان .....

ولبّا النحيل اللي تحمّل شيلـة حمـولٍ ثقـال

ولبّا الثقال اللي ولو وقّف يجي فيـه حركـه





يقول إبن جدلان:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
لوّ إن عندي مثل ماعنـد الوليـد بـن طـلال

شريت برج الفيصليه لجـل اغيـظ المملكـه

ماهو على شان الجنيه ولا على شان الريـال

لكن على بالي طـرى شـيٍ تمنيـت أدركـه

غروٍ غريرٍ غـرّره زينـه ومطغيـه الـدلال

لاشاف له شيٍ يبيه فظـرف لحظـه يملكـه

اللي سواته وبسهوله يملـك قلـوب الرجـال

اليا لمح له درب في قلـب الرياجيـل سلكـه

هذا وأنا ماشفت منـه إلا التمنّـع بالوصـال

كفي من الحسرات لامنـي تذكـرت افركـه

يحبني وأدري بحبـه ميـر ماجالـي مجـال

أجلس معه جلسه وهذا الوقت ما فيـه بركـه

يطري علي مع السهر وأخذ ثلاث/أربع ليـال

تقول كن العين ظبي وحضرة الليـل شركـه

صوته ليا جاني ظما يسقينـي المـيّ الـزلال

وساعة غيابه تدخل عيوني ونومـي معركـه

شفايفه جمرٍ وأنا شاعـر سريـع الإشتعـال

الله أشغلني به وغيري مـا أشغلـه إلا كبكـه

لبّا عيونه والشعر لاحط شـال وشـال شـال

إن طوّله وإن قصرّه وإن سعوّده وإن أمركـه

ولبّا النحيل اللي تحمّل شيلـة حمـولٍ ثقـال

ولبّا الثقال اللي ولو وقّف يجي فيـه حركـه

إليا قفل جواله أظلم كل مـا حولـي ومـال

فكري لتيار العذاب وكـل طـاروق إمسكـه

وأصبحت أهوجس ما تقول إلا الوليد بن طلال

مع إني أفقر شخص عايش في حدود المملكه
[/poem]

المشاركة الأصلية كتبت بواسطة ساج الوقت المشعلي صح لسان ابن جدلان يعطيك العافية اخوي عابد على النقل المتميز والاختيار الموفق لاهـــــــــــنت