رشيد الزلامي وفلاح القرقاح (محاوره قويه)

محاوره ناريه وساخنه بين العملاقين رشيد الزلامي وفلاح القرقاح انقلها لكم مع التحيه

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الزلامي =
العبيدي بعد فارق جبال السراه=حج واسلم وربعه كلهم مسلمين
مار ابى ذكره شي يمكن نساه=ليلة الجمعه اللي دونها جمعتين
القرقاح =

العبيدي تعين له في كـل اتجـاه=واطلب الله يجي مره يجي مرتين
لعنة الله على اللي يمنعون الزكاه=والله ماتثبت الحجه بلا شاهديـن
الزلامي =
بارك الله بوجـه مايضيـع حيـاه=لو جزع كل خشم ولو بكت كل عين
بين وقت الاذان وبين وقت الصلاه=اجتمعتوا على الحاشي ميه واربعين
القرقاح =
يارجل لو مـن دور لشـي لقـاه=كان ماضاق ابو نيه ببـو نيتيـن
انتم مخططيـن وشـدوا الانتبـا=تظلمون العرب والظلم ماهوب زين
الزلامي =
ماتسوي عتيبـه مثلكـم هالسـواه=ويش هالسالفه ياربعنـا الطيبيـن
ابيض الناس لو يخطي يداوي خطاه=وانت لفيت عنها لفة ابا الحصيـن
القرقاح =
اتحداك تثبـت شـي عنـد القضـاه=احلف يمين والقرقاح يحلـف يميـن
راعي السيف الاجرد كيف ياكل خباه=احسب ان اكثر العتبان متعنصريـن
الزلامي =
العتيبي مايرد الشرع طول الحياه=حاجته منك ياخذها بضلع متيـن
كان سالم نبى نعطيك صك البراه=مار ما من سلامه كن بطنك بدين
القرقاح =
مثل ماصار للي من جنوب الحصاه=يمكن يصير للـي توهـم مقبليـن
الزلامي نوا يجرح كبـود زمـلاه=مار هو رجل خلوها وانا رجل دين
الزلامي =
مانفكر في قحطاني قلعنا مداه=مار ياويلكم لن جيتوا معودين
[/poem]

__________________

الله ..الله..

شعراء كبار جدا..

وكلام سمين وحوار جريء..وياليت ..تخبرنا عن..وقتها..هل هي جديدة..ام لا...

لاهنت يااستاذ علي..

ماتجيب الا الصيد الثمين..

تقبل مروري المتواضع ..

هلا وغلا ابوسعود هذه المحاوره قريبه بعد مزائن قحطان مرورك مشرف يازهراني

__________________

يا سلام على لعب الكبار


فتل ونقض على مستوى


المحاورة في الجموم بعد مزاين قحطان بجمعتين



لاهنت يا ابو فيصل على النقل

السلام عليكم ورحمة الله وبركاته



بيض الله وجهك يابوفيصل


وصح لسان القرقاح والزلامي


شعراء كبار



.

__________________

مرحبا الف يابومسفر ولاهنت علي التوضيح

__________________

شكرا لكم على التوضيح

انا كنت اريد اربط بين احداث صارت وبين النقاش اللي في المحاورة...ويبدو اني وصلت..

لاهنتوا يالنشاما..

تبقي وتسلم وتدوم يالغالي

__________________

اشكر الشاعر القرقاح

محاورة رائعه وجميله

لاهنت يا ابومسفر

بيض الله وجهك

مجهود رائع

__________________