مايخون العيش والملح ياكود الردي

[poem=font="Tahoma,5,black,bold,italic" bkcolor="chocolate" bkimage="" border="solid,thin,white" type=4 line=0 align=center use=ex num="0,black"]
ياعلي .. لاالشعر عبدي ولاهو سيدي=صاحبي له من جنوني ولي من منطقه

مايخون العيش والملح ياكود الردي=له علي ان ماسبقني على الطيب اسبقه

والله اني من عرفته وانا ابشر بسعدي=كل حزن(ن) يفتح ابواب حسن(ن) مغلقه

والله اني ماذخرت لمعانيه اجهدي=ذمني وإلا مدحني من يقول اسرقه

أعشق من الشعر كله عيوني وارمدي=واعشق من الكل بعضي إذا الصمت انطقه

واعشق من الليل الأظلم واشوف السرمدي=قدر قرم(ن) بيض الله وجهه بصنقه

واعشق من الصبح الأكسل نسيم وفي يدي=دفتر(ن) يهدي العصافير لحظه مورقه

واعشق من الصحبه أم البساط الأحمدي=لا تهيت .. واعشق من العسل طلبة ذقه

واعشق من الوقت وقتي لاابوي ولا اولدي=واعشق من الناس كل(ن) على قد اعرقه

ياعلي والشعر عبدي .. وعبدي سيدي=أعمق الشعر أبسط الشعر .. وابسطه أعمقه

في الحنايا خيل تجمح.. وخيال يحدي=وفي المرايا .. ألف بحر يتلعثم بأزرقه

ياكثر مااذكر من الناس لاصرت اوحدي=من نسوني ونسوني بكذب(ن) مااصدقه

كل وعدي مع اللي يخونون وعدي=البناخي .. بعض طيب أقهره باللي خلقه

لو تهيا.. للطريا سويا(ن) .. ماغدي=مزبن الذهيب .. ممراح خاينة الثقه

يقنب النسيان الأمعط بروحي وايعدي=كل ليله في فياضي ولاالله يرزقه

السهر ماهو بهذا السهر .. لا يابعدي=السهر شفني تعرفه وشفني تزهقه

كل جفن(ن) من جفوني غدا بيت اجودي=لا تقضب فيه عبد(ن) من الليل اعتقه

ليت لي قدره على النار تكفى ياسندي=من حبيب(ن) طشر القلب مليون ورقه

مارماني خطرة(ن) لجل يرضيني ودي=نيشن الفرقا هنيا .. تمركا بندقه

وانتهى مستسهل سهيل يستجدي جدي=مابقى غير اليباس فعيون مغورقه

كم تكحل عاذلي وانعمى من مرودي=يوم قال العين بالعين ماالله وفقه

قلت والله دام قفا وظليت اوحدي=لتركه في داخل القلب محد(ن) يشنقه

ياعلي كلي نهايات .. من وين ابتدي=ياعلي كله بدايات من وين اعشقه

له عيون.. ولي ظلالي بها لين اهتدي=ولي عيون..وله علي البكا لين اغرقه[/poem]

__________________