فلسطين

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياللي تندد ماحصل في فلسطين = مايكفي التنديد منك بالاصوات
تنديد مكلفكم ترى بس سطرين = تقراه وحنا نسمعه بالعبارات
بانشدك انا ياوين رايح على وين = لاتحسبنا ياولد لك مخفات
غادين ياكتابنا صدق غادين= ياللي كتبتو فالصحف والمجلات
ياكيف تندد وانت عندك براهين = القدس تبقى لك وانا عندي اثبات
الهرج واضح مايبي اي تبيين = لكن انا لازم افل الملفات
واقراه للي مافهم قصته زين = واعطيه قصه مابها اي زلات
القدس اول قبله للمصلين = وثالث حرم يبقى على طول الاوقات
مذكور في محكم كتابه بتدوين =مذكور فالقران في عده ايات
مذكور فالاسراء ويوسف وياسين= مسرى نبي الله وارض الرسالات
ومذكور فالفرقان وفي سوره التين = لاتحسبن كل ماذكرنا دعايات
لازم تعود ولو تجي من بعد حين = للصمت حزه بس للحرب حزات
لايحسبونا فالمعارك بسيطين = لابد من يوم يجي فيه غزوات
غزوات نغزيهم مثل غزو حطين = ولابد من يوم يجي فيه صكات
والنصر للاسلام ولوهم قليلين = على عدوالله ولو صارو ميات
ميتين فازو ياجماعه على الفين = لاسلام فايق فوق كل الديانات
الهرج واضح وافهمو يافهيمين = ماعاد يشفينا كلام الاذاعات
القدس تبغى للرجال القويين = تبغى تحرر من جحيم الكلبشات
تبغى رجال(ن) للمعارك ملبين = تبغى تموت وتدخل بوسط جنات
تبغى لها رجال(ن) على الحرب مركين = يزلزلون الارض ويالمطارات
الدم وقف مانبض فالشرايين = خايف يجينا ياهل الدين جلطات
والعين شافت شي ياربعنا شين = والاذن تسمع به بكل المحطات
لازم نرد الصاع يالربع صاعين = حتاه يعرف منهم اهل المهمات
ابن اليهودي ماتهمه قوانين = ولايهمه شجب والا ادانات
القدس محتله ترى قبل خمسين = خمسين عام والعرب دوم بسكات
وشارون مجرم حرب والناس دارين = لكن يهودي مع يهودي عصابات
لايحسبونا ياهل العرف ناسين = صبرا وشاتيلا بقت فالسجلات
وانته تندد والضحيه مساكين = عاشو ونحسبهم بعد ضمن الاموات
حنا قرينا ماكتب من عناوين = والكل يقرا منك ساده وسادات
تكفون ياحكامنا ياسلاطين = ياللي لكم في ذروه المجد فزعات
انشهد انكم فالمعارك شجيعين = وكل(ن) عرفكم ياعرب بالبطولات
هذا كلام(ن) عارفينه من سنين = انتم هل التوحيد واهل الفتوحات
وتاريخنا يشهد بكل الميادين = ولاعلينا من كلام الاشاعات
هبو لنصره ذا الشيوخ الضعيفين = يوم لكم فالغزو صوله وجولات
شارون دمرهم سوات البراكين = دمر مساكنهم وصارت خرابات
غدت مساكنهم خيام وكراتين = والي نظرهم يحسبنهم بمكشات
والبرد لامن جاه مابه بطاطين = طفل(ن) يون ويلحقه عود ونات
وباراك قبله وقبله اسحق رابين = وشارون زاد اللي مضى بالف مرات
هذي سياستهم تراهم مصرين = لاتحسبون ان فيه يالربع فكات
حتى المساجد حولوها بساتين = والمسجد الاخر مقاهي وبارات
انشهد انهم زادو الهم همين = لايحسبونا عايشين بمسرات
وموفاز قاد الجيش فالعسر واللين = عضيده الايمن ردي المروات
وكل نظر ماقد صنع داخل جنين= دمر شعب كامل وهل العمارات
انشهد اني شايفه شوف بالعين = وتناقلت بثه لكل الوكالات
يذبح نساء وكبار سن وبزارين = وشارون يعطي له على ذي شهادات
وش حيله الي مامعه غير سكين = ويقاومون ابن اليهودي بصدات
اللي توفي والبقيه مساجين = واللي بقى مكسور وبالوجه ضربات
والي تخفى راح خلف الدرامين = يبغى السلامه بس مابه سلامات
اشر بيده بس قالو على وين = جيناك نعطي لك على القلب طلقات
واللي بقى منهم وفاقد لثنتين = عينينه الي قربت له مسافات
نبغى فعل والفعل ماهوب بعدين = والفعل مايثبت ترى دون صملات
نبغى نرجع حرب سبعه وستين = نبغي نرجع شي ياربعنا فات
نبغى مساكنهم تساوى مع الطين = ونبغى نطعنهم مع القلب طعنات
تكفى يابو فيصل كعام المعادين = افزع لمنهو ساهر الليل مابات
واعلن جهادك واركزو رايه الدين = واعلن جهاد وحرب في كل موجات
في موجه امريكا ولندن مع الصين = ودي بمهجاد اليهودي بغارات
خل الرجال تطير كنهم شياهين = اللي لهم في ساحه الحرب وقفات
صقور جو(ن) دايم لك مطيعين = واعط الامر حتى يحطون بصمات
بصمات تبقى في كبود الملاعين =تبقى معه حتى تقوم القيامات
خلنا نوريهم رجوم الشياطين = خلهم يعرفون المعارك لياجات
وحنا عرفناهم تراهم ذليلين = ولاهم من الي يتصف بالشجات
واركز لنا الرايه وحن مستعدين = نزحم على حد اليهودي بقوات
وخل الحرس والجيش ياتون خطين = خط ورى خط بمسافه وخطوات
ونصف صف ونشبه لسور برلين = ونحط في وجه اليهودي علامات
حتاه يخشانا ولو حن بعيدين = ولايعيد لمثل هذي بكرات
نبغى نرد الدين ذلحين ذلحين = مادام بالدنيا زعامه وقادات
اما نموت ونكتب مع الشهيدين = والا نعيش ولانعيش بمذلات
قال المثل في ماضي الوقت وسنين = من لاتقاضى حي يقمح ليامات[/poem]




الشاعر / معجب القحطاني

صح لساانك يا معجب


وأسأل الله العلي القدير أن يخارج القدس الشريف من أحفاد القردة والخنازير


تحياتي وتقديري

أخوووك

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

الاخ الغالي الشاعر / معجب القحطاني


صح لسانك مدد


شاعر مبدع وجزل


بيض الله وجهك ونطالبك بالمزيد


لاعدمناك ،،،،،،

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

أخي العزيز الشاعر المتميز معجب القحطاني

صح لسانك وعلا شانك

قصيدة جزلة من شاعرٍ جزل

وأبيات نادرة مانراه في شعراء جيلنا الحاضر

والله يفرج كربة المسلمين في فلسطين ويحررهم من اليهود إن شاءالله

لايحسبونـا فالمعـارك بسيطيـن**** لابد من يوم يجـي فيـه غـزوات
غزوات نغزيهم مثل غـزو حطيـن**** ولابد من يوم يجـي فيـه صكـات
والنصر للاسـلام ولوهـم قليليـن****على نبي الله ولـو صـارو ميـات

ومرة أخرى شكراً لكــ ـ ـ ـ ...

__________________
اللـهـم
اصلـح لي ديـني الذي هـو عصمـة أمـري
واصلح لي دنيـاي الـتي فيـهـا معــاشــي
واصلح لي آخرتي الـتي فيـها مـعـــادي
واجـعل الحيـاة زيـادة لي في كـل خــيــر
واجـعل المــوت راحــة لي مـن كـل شـــر


ازا مر زمان ولم تروني ,,, فهذه رعصاتي على الكيبورد فتذكروني

عشت يا معجب



والله يزيد بك ويجعلها في ميزان حسنااااااااااتك





صح لسانك




شعور صاااادق في وضع أليم





لاهنت ولاشنت



تحياااااااااااتي

__________________

السلام عليكم ورحمة الله وبركاته


صح الله لسانك اخوي معجب


وشعور صادق

الله يبيض وجهك

والله يفرج كربة اخواننا الفلسطينيين



,

__________________

ارحب ثم ارحب


وصح بدنك والله يسمع منك وانا اخوك

ولاخلا ولاعدم

ارحب ياسعد

وصح بدنك وبيض الله وجهك


ولاخلا ولاعدم

ارحب يابو سالم




واشكرك على مرورك وتعطيرك لصفحتي


فلك مني كل الشكر والتقدير

اخوك



معجب القحطاني

ارحب مليون ولايكفون



وصح بدنك والله لايهينك على تعليق الجميل



ولاخلا ولاعدم


اخوك


معجب القحطاني