الرفقه لها مواجيب

القصه لثلاثه رياجيل كانوا يمشون معا بعض يطلعون للقناصه سوا يسيرون لمعارفهم سوا وفيه واحد هو اكبرهم
يستشيرونه في امورهم الصغيره والكبيره ولاجاو بيروحون لي مكان دقوا عليه وخذوه معهم لانه كبيرهم وشايبهم
وهذي من الاعادات الطيبه احترام الكبير وتقديره ولاهيب غريبه على الاجواد والبدو العلوم اللي مثل ذي واطيب
المهم انهم تعرفوا على واحد تاجر {عنده دراهم} وصارو يقدرونه اكثر واذا ظهروا برى بتوا له الفرشه وحطوا المركى
وجلسوه وصبوا له القهوه مع العلم ان شايبهم اكبر منه في العمر وفي الخوه واكثر الاحيان يطلعون ما دقوا عليه بعد
ماتعرفوا على التاجر وصاروا يضربون به الرجل ولايحسبون له احساب فجات في خاطره مرتهم فيه وجحدانهم له ولخوته الاوله ومرتهم ذي ماهيب طيبه لاكن الدنيا الله يكفينا شرها تجي باكثر من كذا فتهيض بهاذي القصيده


[frame="1 80"][poem=font="Arial,5,black,normal,normal" bkcolor="transparent" bkimage="backgrounds/7.gif" border="none,4,gray" type=1 line=0 align=center use=ex num="0,black"]
اشوف بعض اصحابنا مايمرون = وانا الجفاء من صاحبي ماستحقه
وعندي خبر عن غايه اللي يكنون = شافو بحالي من جفى الوقت رقه
وانا من الهجران مانيب ممنون = مجفى رفيقي لو جفاني ماعقه
لو انهم عن غايه القلب يدرون = مرو علي ماعليهم مشقه
لاكن مع الدنيا واهلها يميلون = لا ويعطون راعي المال من فوق حقه
لو تنفع الدنيا نفع مال قارون = جاهه وماله ماعدى الوقت بقه
الدايم اللي بقدرته كون الكون = ادى الجبال ومجرى الانهار حقه
والادمي ماهو عن النقص مضمون = يفنى ويفنى المال جله ودقه
عمر الفتى لو طالب الحق مرهون = لايامن الديان بابه يطقه
اتلى العهد لاقالوا افلان مدفون = ولفوا عليه من ارخص الخام شقه
ويقراء الكتاب اللي به العبد مديون = والكل يحصد ماكدر واستحقه[/poem][/frame]


هذي السالفه والقصيده سامعها من لسان الراوي المعروف
محمد بن علي الشرهان

__________________
[frame="7 60"]جرويه يروون حد المفاتيــــــق لاقام للبارود في الجـــــــو زعـــــاق
لاثار من عج السبايا مطاريــق والماو الاشهب في السماء له تصلفاق

مع تحيـــات اااااااااااااخوكم

عيـــد بن ضويحي ال عريج الجــــروي[/frame]
للمراسله :

aid_28@hotmail.com

والآدمي ماهو عن النقص مضمون....يفنى ويفنى المال جله ودقه

فعلا والله انه صادق ...الانساان اذا جمع له قرشين كأنه مخلد ولا يحسب حساب الآخرة وما فيها من أهوال وما فيها من نعيم .


صح لساااان الشاااعر وسلمت يمين النااقل

ولا تخلينا من مثل هالقصائد التي تضم عددا من الحكم والفوائد التي تفيدنا في حياتنا اليومية يا معشي الذيب

تقبل تحياااتي

__________________
[frame="1 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم ان كل من عميله تبرا=حطيت الاجرب لي عميل مباري
نعم الرفيق الى سطا ثم جرا=يودع مناعير النشامى حباري[/poem]
الامام تركي بن عبد الله[/frame]

ابشر بالسعد يالسيف النادر
مثلها وازين منها
ولا لنا فضل في خدمتكم

__________________
[frame="7 60"]جرويه يروون حد المفاتيــــــق لاقام للبارود في الجـــــــو زعـــــاق
لاثار من عج السبايا مطاريــق والماو الاشهب في السماء له تصلفاق

مع تحيـــات اااااااااااااخوكم

عيـــد بن ضويحي ال عريج الجــــروي[/frame]
للمراسله :

aid_28@hotmail.com

أبيض وجه يا أبو ضويحي
والسوالف الطيبة ما يحفضها ويرويها الا راعيها وأنت راعيها ,,,,
وانت كفيت ووفيت وما قصرت .....
وتقبل تحياتي وتقديري .....

لاهنت يااامعشى ولاتحرمنااااااا من مثل ذى السوالف الزينه

__________________
[frame="7 80"]جميل ان تضحك للدنيا لكن الاجمل ان تضحك الدنيا لك[/frame]

[poem=font="Simplified Arabic,4,black,normal,normal" bkcolor="transparent" bkimage="backgrounds/20.gif" border="none,4,gray" type=0 line=0 align=center use=ex num="0,black"]
من يتبع الدنيا والله مجنون=ما حد ميت لين يستلم كل حقه
ماينفع لو ملك مليون مليون=الموت حاصل والبشر له محقه
بيتين جاريت بها شخص مغبون=من ربع الجفا والجفا ما يستحقه[/poem]

ابيات خربطت بها محاوله مني لمجارة الشاعر



اخوي معشي الذيب
لاهانت ولا هان قايها وناقلها
وبيض الله وجهك يا ابو ضويحي وما قصدت ولا تحرمنا من علومك الطيب
اخوك ابو ذيب

__________________
[frame="6 80"]عدت من جديد [/frame]

معشي الذيب

يازينها من قصيده ., تسلم يالاجودي على النقل الطيب.

يعطيك العافيه

__________________
الباب الاسود !!

لاهنت ياذيبان وتسلم يمينك

والخوه اللي وراها مصالح وطمح ماعليها حسوفه






وابو ذيب ابياتك ذي ما هيب والله خرابيط الا من شاعر متمكن ولا يحتاج شهاده

__________________


almas0110@hotmail.com

JEDDAH is the best

بيض الله وجهك يا معشي الذيب والله ان لي مده وانا ادور ذالقصيده

لاهنت وسلمت يمينك

__________________
الحظيظ اللي اليا غاب يبقى له حضور @@@ عند ناس لا تمله ولا يملها

الله لايهينكم يالربع

وشاكرين لكم على مروركم الطيب

لانت يابو راكان وشبل قحطان وابو ذيب والامبراطور وناصر المعمري وفارس الفراج

ونعم بكم كلكم وابشروا بالسعد

__________________
[frame="7 60"]جرويه يروون حد المفاتيــــــق لاقام للبارود في الجـــــــو زعـــــاق
لاثار من عج السبايا مطاريــق والماو الاشهب في السماء له تصلفاق

مع تحيـــات اااااااااااااخوكم

عيـــد بن ضويحي ال عريج الجــــروي[/frame]
للمراسله :

aid_28@hotmail.com