انـــا شاعر المليون؟؟

[poem=font="Arial,5,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
انا شاعر بالورث ياشاعر الشهره=ابني بيوت الشعر قاف ورا قافي
اجيب الدرر وغوص وعوم في بحره=ولاهمني بعض البشر والتلقافي
ناس على الساحات ماقد كمل شهره= يقوم يتشدق ظاهر فوق لكتافي
وغيره سكن بالهم والياس والهجره= وصواديف بقعا حدها حدةاسيافي
وهو مايعرف البن والزر والجمره=ولايعرف المحماس او نجر من ضافي
ولا يعرف المحتاج كم عذبه فقره=ولايعرف الناقه ولايعرف السافي
والشعر شريان شعاره لنا فطره=ولاني بمتصنع ولافيه مكلافي
وترك ليال الهم ترهي لنا العبره=وظن البكا والهم للجوف احلافي
ولا الاصابع فوق ولا تحت عشره=لكن طموح الرجل من همته نافي
مجموعة متلقفه مالها خبره=تنحاس ياهل الشور لا حافها حافي
الغطرسه والعنجهيه ورا الزمره=والشله المتمكنه تدعم الطافي
والذيب لو يعوي امامه مية حفره=حفره يعديها وحفره لها غافي
ولو ينكسر كسره صعيب صعب جبره=ماغير رب الكون وحده له الشافي
شعر من العد الرهاوي ومن نهره=وشعر بمصاصه وشعر بمغرافي
وجدي على اللي شاعر عايش بقفره=محد نشد عنه ولا لدرر شافي
يسبح مع افكاره ويعلى على المهره=ويكتب شرايد نسجها نسج عرافي
ما يسرق ابياته ولا يلهف الفكره=لكن يجددها على نهج حرافي
ولاتنضب ابياته ولامر به طفره=يصرف جنيهات الذهب صرف صرافي
وكانه توغل نشوته نشوة الخمره=ينهض بجنحانه على كل مشرافي
يراهن بها اهل الرمك من بني عصره=ولا يقبل الاعذار الا من الوافي
يا معتلي بالكذب والزور والفجره=عود على ديرة هلك وشرب الكافي
ونا عارف دربه ونا خابر قصره=لوني عريب الجد ماني بخوافي
لكن مجيي عند بيبانهم حسره=وضميري من الرديان واللف قد عافي
اوفي بمداتي وهو ما وفى شبره=شحيح اللعطا خواف مناع كفافي
وسلامتكم[/poem]

اخوي منصور بن حيان القحطاني

صح الله لسانك

وما طمحت له فانت ان شاء الله اهل له

وتقبل تحيتي

اخوك

فهد حمد الحبابي

الشاعر منصور بن حيان

صح لسانك وبيض الله وجهك

شاعر جزل وقصائدك جزله وثمينه

لاعدمناك

.

ونعم يابن حيان ..



شاعر جزل ومتمكن ..



صح لسانك ولاعدمناك ..



تقبل التحية ..

ونعم يابو علي


بيض الله وجهك


وكفو


وصح الله لساانك


جزل بكل ما تعنية الكلمة

تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

صح لسانك الله لايهينك

الاخ الغالي فهد الله يحييك

تشرفت بمرورك الكريم

تقبل تحياتي وتقديري

صح لسانك وبيض الله وجهك

__________________

صح لسانك وبيض الله وجهك ....

بالتوفيق000اكيد ماقلته الا وانت كفو له000