ابن علوووش (سلام الله علينا يالهواجر)

[frame="3 10"]السلام عليكم ورحمة الله وبركاته..........

هذي قصيده للشاعر عبد الله بن علوش الهاجري يمدح الهواجر....

((سلام الله علينا يالهواجر))

[poem=font="Simplified Arabic,6,indigo,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
بديت بخالقي جل جلاله = وصل الله على محمد واله
لعل الله يغفر لي ذنوبي=اسال الله وغيره ما اساله
اسال اللي فتح بيبان عفوه=عقب ماتاب عبده والتجا له
وعن شين الكلام اعز نفسي= واقود الفكر لبيوت الجزاله
اسوي لي بيوت منتقيها =اسويها على هيئة رساله
انصيها بني هاجر جميعا = بني هاجر بلا استثناء حاله
ولا ابي شي منهم غير ودي= اعد الطيب واجدد وصاله
كريمن في معانيها وكني=بخيلن مايفرط في رياله
اليا مني كتبت البيت الاول = يجيني البيت الاخر في سهاله
واليا مني كتبته جا تبيعه =وقامت تنطوي طي المحاله
واليا مني كتبت البيت اصونه = ولا ناقد يجي من خلاله
وقدام الجماهير الغفيره =على كل البيوت اعطي كفاله
عليها ختم ابن علوش يعني=علامة جوده وفحص الوكاله
ثمنها قولتن وش قلت فيها =فلحدن قال قلها قلتها له
سببها ماقريته في الجريده = يقول ان الفخر سخف وخباله
ضعيفن مادرى ان المدح كايد = ولا حاشه ياكون اللي سعى له
ابمدح ربعي طوال اليماني =واعده كل ما وافق مجاله
يابوك الهاجري لامن مدحته = يجي فيه انتفاضه واحتفاله
الى منك زهمته وانت صادق=نطل بشته ولا خلا عقاله
خلقنا الله لاهل الطيب قدوه = وكل سنافين حنا مثاله
حدانا لو تغدى ماتعشى= ومستانس ومتنومس وداله
يوضع كسرة العود الكبيره = على المدخل اليا زان اشتعاله
يطيبهم عقب جنب السمينه = والى من راح ضيفن جا بداله
يرص الدين فوق الدين الاول = الين يسد دينه من حلاله
مخاسيره خوافيها على الله = رصيده في المراجل راس ماله
سلام الله علينا يالهواجر = سلامن نستحقه ونعنا له
وحنا اللي نكرم من نصانا = يمينه في الشحم عقب الفواله
وحنا اللي صداقتنا نقيه = بميل الوقت ولا باعتداله
وحنا اللي روابعنا قويه = ضعيف الرابعه نرفع خماله
وحنا اللي هقاوينا بعيده = وحنا اللي تبين من الجماله
وحنا اللي نبين في الشدايد = اليا من الزمن شانة لياله
وحنا اللي حميانا سريعه = ومن حنا سناده طاب فاله
وحنا اللي نقدر كل حاكم = لاعهدناه نوفي عهدنا له
جمال حمول في كل اللوازم = حدانا لو برك للحمل شاله
مسمينا موحدنا الجزيره = مليك مايشكك في مقاله
الاسم مخزنة الظفر والاسم منه = وحنا كفوا لاسمه واحتماله
صدق عبد العزيز الله يبيحه = عسى الغفران والجنه ما~له
ولا علمن يجي من تحت حيده = لنا فعل وتواريخ ودلاله
لنا في صولة الايام جوله = زمان فات جعله في قباله
ولو حنا شوين ماعلينا = زهمنا الجد الاول من جباله
يجي قحطان في لازم عبيده = ترقى له عبيده وتحمى له
اليا من ثار دخان الشنيعه = معادينا رقاده ماهنا له
عطانا الله من مده وجوده = رقابن ماحنيناها سوى له
وكلن فيه من الاجواد حقه = جنوبي نجد وبنجد وشماله
وقد حنا بعصرن فيه نعمه = عسى الشيطان يبطي في حباله
ركون العز في الست العواصم = سلاله تنحدر منها سلاله
ولايجي اطول في مجالن = تكفينا قصاره عن طواله
نهايتها ومضمون ثمرتها = يذم المدح رجلن مايناله
انا اقول الكرم ماهو يكمل = لاراح العود ياتونك عياله
سلام الله علينا يالهواجر = سلامن نستحقه ونعنى له[/poem]وتقبلوووو تحياااااااااتي.......... [/frame]

__________________

كفو يا ابن علوش
يقول ويطول
مشكور يا علي

والله وسبعة انعام


سلام الله عليكم يا خزنة الظفر



الله لايهينك يا ابو مسفر على النقل الطيب

لاهنت ويستاهلون بني هاجر

ولكن هناك خطا مطبعي


على كلمة مدخل االمقصود بها مدخن

__________________

صح السانك يالحبابي والسان الشاعر الكبير عبدالله ابن علوش

ويستاهلون خزنة الظفر




لاهنت وبيض الله وجهك على النقل

حياك الله يافتي سروم

__________________

لاهنت يا ابو مسفر على النقل دايما ما تجيب الا الشي الوافي

وصح لسان الشاعر ابن علووووش عز الله انه شاعر

والنعم في بني هاجر جميع و يستاهلون المدح

يابـوك الهاجـري لامــن مدحـتـه
يـجـي فـيـه انتفـاضـه واحتفـالـه
الـى منـك زهمتـه وانـت صـادق
نـطــل بـشـتـه ولا خـــلا عـقـالـه


كفوو يابن علووووش شاعر من ظهور شعار
صح الله الساااااانك مدد


لاهنت يامشرفنا الغالي ابوفيصل وبيض الله وجهك

ياليت يتم تنزيلها بصوت الشاعر عبدالله بن علوش

__________________

.



لاهنت يابو فيصل ومشكور



وصح لسان ابن علوش المتميز



ونعم بالهواجر ..



تحياتي

هلا وغلا بالزميل الغالي

__________________