قصة العبد مرجان وعمه

يقولك فيه ناس جو حنشل والحنشل البحث عن حلال يغيرون عليه

وياخذون حلال القوم ولا يقاتلونهم الا دفاع عن النفس

يعني هدفهم سلب ونهب حلال الاخرين

ولكنهم لا يعدونه سرقه أو قطع للطرق

بل يعدونه رجولة واقدام وطبعا لا يعتدون على من كان بينه

وبينهم معاهدات ومواثيق ولا يعرفوا الغدر في هذا الجانب

و في ذلك الوقت ان لم تكن ذيب اكلتك الذيابة اي حتى لوبغيت

تصير مسالم ولا تغزو سيغزونك الاخرين وياخذون ماعندك من حلال

نرجع للحنشل حيث في اثنا رحلتهم الحنشلية وجدوا لهم حلال

(ابل واغنام) ولا يوجد عندها سوى رجل وعبد لصاحب الحلال

المهم هاجموا الرجال وحاول يقاومهم ولكنهم تغلبوا عليه أخيرا

واداروا كتافه واخذوه معهم وربطوه بحبل في مؤخرة الخيل

او رواحلهم يريدون أبعاده قليلا ومن ثم يطلقون سراحة

ويتركونه يرجع لانهم لو اطلقوه في مكان قريب من مضارب قبيلته

فسيهذب اليهم يصيح ويستفزع بهم ولكن اذا اطلقوه بعيد مايمديه

يصل لقبيلته الا وهم قد وصلوا ديارهم ، المهم استمروا ماشين في

اتجاه ديارهم لمدة ثلاثة ايام والرجل وحلاله وعبده معهم

والعبد بس يامرونه وينفذ , سو كذا ياعبد حاضر ياعمي، افعل كذا

ياعبد قال حاضر ياعمي، ... وفي منتصف الطريق

قالوا خلونا ناخذ لنا راحة قاموا ووقفوا حلالهم وخلوه يرعى وهم

شبوا ضوهم وأستراحوا وقهوه وعيشة و...الخ ، واثنا جلوسهم قاموا

ينظرون الى العبد ويضحكون عليه

واحد يقول شكله اسود مثل الليل والاخر يقول شعره كذا والثالث يقول

خشمه افطس وهكذا وفي اثنا ضحكهم عليه

قال احدهم للاخر ترى العبد يقولون ما يداني في خشمه

فالمس خشمه خلنا نشوف وش يسوي

قام الرجال ومد يده ولمس خشم العبد ههههههههههههه

العبد اول ما حس باللمس في خشمه وهو ينهض واقف والشرر

يتقطع من عينيه قائلا: انا مرجان (اسمه) ماعاد الا هي، وصلت

الى لمس الخشوم ...

وهو يقحص عليهم وهو يحط هذا فوق هذا فوق ذاك يعني كلهم

قام يضرب الرجال بالرجال حتى خروا صرعى ههههههههههه

حيث اتجه بعد ذلك نحو عمه المربوط بالحبال وفك حباله وعمه يكاد

لا يصدق ماراءه بعيونه..

بعدي والله حي والله ذا العين والله مطيبك يالعبد اللي فكيت عمك

ولكن قلي ما الذي دفعك لفعل ما فعلت يقوله عمه، قال العبد كل

شي ينصبر عليه ويهون الا لمس الخشوم

عودت عند لمس ( الكشوم ) لمسوا خشمي وما قدرت اصبر !!

وهكذا فعلت،..قال عمه ياليتهم والله عاجنين خشمك من قبل امس

تكفى يا مرجان... نعنبوك يسحبوني لي ثلاث ليال بايامها وانت

يقومونك بعصا ويجلسونك بعصا ولا طرا عليك تسوي شي الا عند

لمسة خشمك هههههههههههههههههههههههههههه






وهذي السالفه وان شاء الله تعجبكم



وسلامتكم

منقوله

الخشم يمثل موضع الرفعة والعزة والكرامة والأنفَة لدى العرب بشكل خاص
لا هنت يا محتري السيل سالفة جميلة أضحك الله سنك

__________________

أرحب يابن عامر

وياهلابك ومسهلا

بيض الله وجهك على هالسالفة وانتبه من السيل يا محتريه ترى نساح سيله شين وجذيب ......

__________________
http://www.qahtaan.com/works/up]

أرحب يابن زيد ووجهك أبيض

والسيل يدل دربه لو يحطون له عقوم وسدود أن قد يضربها

والسنة ذي سال ويوم قده حول البيوت وقف رحمة من الله

محتري السيل


سالفه طيبه من وجه طيب لاهنت ياسنافي

رب لطمه من غير لا طم الله فزع لعمه بالمسه خشم العبد

تقبل تحياتي

__________________
[frame="7 80"]
[poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
[poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بسم الله اللي ماغره خط الاقلامـي= اجال وارزاق كل الخلـق قسمهـا
منه واليه الامـر لوطالـت ايامـي= عساه روحي من التعذيب يرحمهـا
غرقان في وسط بحر اذنوب واثامي= اخفيتهـا عالبشـر والله يعلمـهـا
غرتني النفس والشيطان واحلامـي= وفرطت في سالف الايام واعظمهـا
وغفلت عن حفرة ليمـت قدامـي =اكبر عيالي على راسـي يهدمهـا [/poem][/poem]

للمراسله
s.m.m.q123@hotmail.com

[/frame]

أرحب يابن مسعود

والطيب للرجال الطيبين مثلك وشرواك