[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=3 line=1 align=center use=ex num="0,black"]
صلوا على النبي

.


.


من هاجس ٍ سرّاه عذب الكلامي=أرسل مع الأشواق ودّ وسلامي

للي عريب ٍ جد جده وجده=والدم واضح وآكد الدم حامي

الحي للحيّين يحيي نباهم=والميّت يزيدك غبن خذ كلامي

ياشاعر ٍ لو قلت شاعر ظلمته=لكن بأقول الشاعرين الكرامي

الفكر واحد بس سبع ٍ لغاته=يعني : ولا رامي ولا غير رامي

لا من تناثر درّه اللي يكنّه=صار الشعر قبله وحرفه إمامي

ياحبّي لْـ لوله ودرّه وماسه=يآخذني لدنيا الوله والهيامي

كنّه حسين الدل يوم يتهادى=حرف ٍ يزفــّه بالركاده غمامي

جدول قصيد ٍ أعذبه يوم أذوقه=أروى وأعوّد يم صافيه ظامي

ابن غريّب من حباب الشكالة=ياسِعد والله من غدوا له حزامي

صبيّهم لا جا نهار الملاقى=ياقف مثل ضلع ٍ طويل ٍ وزامي

قبيلة ٍ ما والله أدرك ولا شي=من وصفهم لو طار حرفي وحامي

حي النبا ياحي والله نباهم=وياحي عبدالله رفيع المقامي

شاعر ولا أنسى عزوته يوم ينخى=إدروع جنبه في نهار الزحامي

نادى إقحطان وثار طاري وطاري=طاري ٍ حلال وطاري ٍ لي حرامي

قامت توارد كل جزلة سمينة=الفكر عد ٍ والمعاني ظوامي

شوق المدايح يامخاليق حنــّـا=بحرٍ ... ... ... ... ...

الطيب فينا من خلقنا طبيعة=حرب ٍ على الأعدا وبرد وسلامي

على الرفيق اللي موالي والأقصى=نموت مايلحق حدينا ملامي

يفرح بنا واللي خلق من نخانا=والفوز تم وتمم الله كلامي [/poem]