قالــــــــــــــــــــت بــــــــــــدو ؟؟؟؟


مجلس عذب الكلام مختارات الأعضاء والقصائد المنقوله

إضافة رد
قديم 01-03-2005, 09:57 PM
  #1
هاوي نجد
عضو فعال
تاريخ التسجيل: Dec 2004
المشاركات: 421
هاوي نجد is on a distinguished road
افتراضي قالــــــــــــــــــــت بــــــــــــدو ؟؟؟؟

قالت: بدو

صدت وقالتها بقرف

بنت الأكابر والترف

متكبره متعاليه

يعني بدوي يقعد طرف

والمعنى دون المستوى

ماحنا وياها سوى

حنا بنظرها من نكون

ريشه يطيرها الهوى

بمفهومها حنا: عدد

رقم ولا اكثر بعد

يعني مجرد تكمله

والا اهي اصل البلد

قالت : بدو

يعني صفر على الشمال

هذا على احسن احتمال

قلت:أي نعم

حنا بدو

حنا عما عين العدو

حنا البداوه طبعنا

واهل الوفا هم ربعنا

حنا بدو

اصل وفصل

حنا بداوتنا الاصل

ماهي بداوة تليفزيون

والا مسلسل اردني

بس بدوي بالمكرفون

ولا هد سيفه ينثني

حنا بداوتنا تراث

من جيل لا جيل انتقل

بالقمه حنا مو اقل

ماهم بدو

بيت السدو

حنا بدو

حنا معاني ساميه

نروي السيوف الضاميه

نرد المنايا ما نهاب

لو هي سعاير حاميه

حنا بدو

صعبين ونحب الصعب

اهل الخشونه والتعب

حنا يميزنا الوضوح

واذ اكرهنا ما نحب

حنا بدو

حنا البداوه عيدنا

ما ناكل الاصيدنا

مانعيش عالة مجتمع

نموت مانمد ايدنا

حنا بدو

حنا البداوه ... بدمنا

مانسمي احد عمنا

حتى ولو منهو يكون

لو هو زعل ماهمنا

ياتارسه وجهك صبغ

ياتارسه عينك شدو

حنا بدو

حنا بداوتنا شيم

دين وقيم

طيب وظفر

ومعنى كبير

يعني التمسك بالجذور

ماهو التخلف والجهل

ولا بعد حب الظهور

ولا التنكر للاهل

حنا بدو

حنا بداوتنا شمم

فعل وكرم

مبدأ حضارات الامم

حنا القمم

ولنا الفخر

لو عشنا ببيوت شعر

عيشة ألم عيشة فقر

عيشه تعلمنا الصبر

مانحسب ايام الشهر

مانقترض

نشرب من الماي الهماج

نكحل نواظرنا بعجاج

ساعات مانلقى ذرا

يكفي نتلحف بالنجوم

وفراشنا رمل الثرا

وسراجنا نور القمر

لامن ظهر

نومن بقضانا والقدر

ماهو كسل

والا نعيش بلا امل

نملك طموح علم وعمل

ونرعى الابل

ونرعى الغنم

ونعزف من الوانه نغم

ونتابع اخبار المطر

وندور الروض الخضر

نسري ورا

برق سرا

ولا نتراجع للورا

نبحث عن المرعى العشيب

ومن شعيب اليا شعيب

مانستقر

عنواننا كل الديار

تجوالنا ليل ونهار

وهذي حياة الباديه

سنه ربيع

سنه دهر

ورغم الفقر

نخاف من قولة افا

ونتعب ورا قولة نعم

ونعيش عالين الهمم

نرعى الذمم

ناخذ من الصحرا الهدو

لأنا بدو

يا تارسه وجهك صبغ

يا تارسه وجهك شدو

ياللي تقولين بدوي

عزمي قوي

يبدا نهاري بالصلاه

واصارع امواج الحياه

محافظ على الخمس الفروض

واضح ولا احب الغموض

ماالتوي

لاني بدوي

متمسك باصالتي

ولا اغير لهجتي

انا بدوي

في فزعتي في جلستي

في كلمتي في نخوتي

حتى عقالي ولبستي

ولو قلتي عني فوضوي

ماهمني

بالحيل يابنت بدوي

ويسرني

اعرف زين من انت ومن انا

ويكفينا نعرف بعضنا

والفرق واضح بيننا

انتي مثل عمر الزهور

مالك عمر

شهرين ويجيها الجفاف

وتندثر

وتصبح الوانك باهته

وانا جذوري ثابته

ياتارسه وجهك صبغ

ياتارسه عينك شدو

حنا بدو

حنا عما عين العدو

كنا ولا زلنا بدو

وبنموت هم واحنا بدو



قائل هذه الكلمات // طلال السعيد
__________________
لا آله الا الله .. محمداً رسول الله

التعديل الأخير تم بواسطة هاوي نجد ; 03-03-2005 الساعة 02:30 AM
هاوي نجد غير متواجد حالياً  
رد مع اقتباس
قديم 01-03-2005, 11:11 PM
  #2
السيف النادر
عضو متميز
تاريخ التسجيل: Sep 2004
المشاركات: 816
السيف النادر is a jewel in the roughالسيف النادر is a jewel in the roughالسيف النادر is a jewel in the roughالسيف النادر is a jewel in the rough
افتراضي

الله الله عليك ياهاوي نجد

لله درررررك ياشيخ ، قصيدة كلمة رائعة ما تكفيها الا اروع من الرائعة

بيض الله وجهك وصح لساااان الشاعر

وياليت توافينا بإسمه لأنه يستااااهل النعم .....

تقبل تحيااات
اخوك
السيف النادر
__________________
[frame="1 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم ان كل من عميله تبرا=حطيت الاجرب لي عميل مباري
نعم الرفيق الى سطا ثم جرا=يودع مناعير النشامى حباري[/poem]
الامام تركي بن عبد الله[/frame]
السيف النادر غير متواجد حالياً  
رد مع اقتباس
قديم 01-03-2005, 11:17 PM
  #3
ابن عاصم
عضو فضي
تاريخ التسجيل: Oct 2004
الدولة: هناااك
المشاركات: 1,402
ابن عاصم is just really niceابن عاصم is just really niceابن عاصم is just really niceابن عاصم is just really nice
افتراضي

الله لا يهينك اخوووي هاوي نجد

وبالنسبه لسوال اخوي السيف النادر هذي القصيد لطلال السعيد من اهل الكويت
__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه


الشاعرالكبير _ حمد بن هادي المسردي
ابن عاصم غير متواجد حالياً  
رد مع اقتباس
قديم 02-03-2005, 11:07 AM
  #4
فارس قحطان
GM
 الصورة الرمزية فارس قحطان
تاريخ التسجيل: Jun 2004
الدولة: في قلب شبكة قحطان
المشاركات: 7,494
فارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond repute
افتراضي

ياسلام عليك يهاوي نجد

شكرا لك على هذي المشاركه
__________________
،



«لا إله إلا الله محمد رسول الله»



،
فارس قحطان غير متواجد حالياً  
رد مع اقتباس
قديم 02-03-2005, 12:17 PM
  #5
ابوملاك
عضو متميز
 الصورة الرمزية ابوملاك
تاريخ التسجيل: Feb 2005
المشاركات: 950
ابوملاك has a spectacular aura aboutابوملاك has a spectacular aura aboutابوملاك has a spectacular aura about
افتراضي

صح لسانك وبيض الله وجهك .
ابوملاك غير متواجد حالياً  
رد مع اقتباس
قديم 04-03-2005, 01:47 AM
  #6
هاوي نجد
عضو فعال
تاريخ التسجيل: Dec 2004
المشاركات: 421
هاوي نجد is on a distinguished road
افتراضي

اررررررررررحب يا لسيف النا در تراحيب المطر والسيل

ومرورك يالغالي يشرفني ويسعدني 0

وهذا من طيبك يا كحيلان

تقبل تحيات اخوك
__________________
لا آله الا الله .. محمداً رسول الله
هاوي نجد غير متواجد حالياً  
رد مع اقتباس
قديم 04-03-2005, 01:50 AM
  #7
هاوي نجد
عضو فعال
تاريخ التسجيل: Dec 2004
المشاركات: 421
هاوي نجد is on a distinguished road
افتراضي

ابن عاصم ارررررحب تراحيب المطر والسيل

ومرورك يا كحيلان يشرفني

تقبل تحيات اخوك
__________________
لا آله الا الله .. محمداً رسول الله
هاوي نجد غير متواجد حالياً  
رد مع اقتباس
قديم 04-03-2005, 01:53 AM
  #8
هاوي نجد
عضو فعال
تاريخ التسجيل: Dec 2004
المشاركات: 421
هاوي نجد is on a distinguished road
افتراضي

فارس قحطان اررررررررررحب مليوووووووووون

ولاهنت على مرورك الطيب يا الفارس

تقبل تحيات اخوك
__________________
لا آله الا الله .. محمداً رسول الله
هاوي نجد غير متواجد حالياً  
رد مع اقتباس
قديم 04-03-2005, 01:54 AM
  #9
هاوي نجد
عضو فعال
تاريخ التسجيل: Dec 2004
المشاركات: 421
هاوي نجد is on a distinguished road
افتراضي

اررررررررررررحب يا بوملاك مليووووووووووووووووون

ولاهنت على مرورك يالغالي

تقبل تحيات اخوك
__________________
لا آله الا الله .. محمداً رسول الله
هاوي نجد غير متواجد حالياً  
رد مع اقتباس
قديم 09-03-2005, 11:14 AM
  #10
فارس ال نادر
عضو
 الصورة الرمزية فارس ال نادر
تاريخ التسجيل: Feb 2005
الدولة: ال نادر
المشاركات: 90
فارس ال نادر is on a distinguished road
افتراضي

رائعه من روائع

طلال السعيد

مشكور ولا هنت
فارس ال نادر غير متواجد حالياً  
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الحقوا وشوفوا ذا الهايله ؟؟؟؟ فتى السراه مجلس الباديه والرحلات 19 25-07-2006 12:10 AM
من هو حويدي العاصمي وما هي ابيات قصيدته التي جعلة منه من اعلام الشعراء في قبيلته ؟؟؟؟ المجهول مجلس الديار و قصص وسوالف من الماضي 3 13-07-2005 11:04 PM
هل التميز نعمه ام نقمه ؟؟؟؟ ( اتمني الجميع يشارك) شبل قحطان المجلس الـــــعــــــــام 2 03-02-2005 05:41 PM
ضيف .....هل من مصافح ؟؟؟؟ مارود مجلس الترحيب 12 01-02-2005 06:33 PM


الساعة الآن 11:21 AM

سناب المشاهير