الزميل الشاعر / حمود بن نافع الأسلمي الشمري ،، من أعز الأصدقاء على قلبي

ينطبق علينا المثل القائل : (رب أخ لك لم تلده أمك ).....

في أحد الأيام هاتفته في منزله بالرياض ولم يكن بالمنزل فأفادوني أهله بأنه غير موجود فعاودت الإتصال في اليوم

التالي فقالوا لي بأنه في مدينة حفر الباطن وإن كنت أريده فعلي الإتصال بعد أسبوع (وكانت خدمة الجوال آنذاك في

بداياتها )... عاودت الإتصال في الموعد المحدد ولم أجده أيضاً ،،، المهم أني لم أحاول بعدها حتى عاد من هناك إذ

كان في رحلة برية قاربت الشهر وعندما وجد الخبر بإتصالي ، تأثر وقام بمكالمتي وبعد السلام مباشرة ألقى هذه

القصيدة على الخط...





[poem=font="Arabic Transparent,4,black,bold,normal" bkcolor="transparent" bkimage="backgrounds/5.gif" border="double,4,black" type=0 line=1 align=center use=ex num="0,black"]
بسم اللي انصلي له الفرض ونصوم=رب كريم وبالمخاليق رواف
جبار غفارٍ رحيمٍ وقيوم=خالق جميع الخلق بأشكال وأصناف
الواحد الدايم ولاغيره يدوم=بإسمه بديت وقمت أنا أرتب القاف
وارسلتها في ظرف مغلق ومختوم=قولٍ معطر من شذا ورد الأرياف
تحيةٍ فيها أطيب العود مشموم=ومعطرة بأزكى العطورات بإسراف
ترحيب في خطٍ على العرف منظوم=من شاعرٍ بالقاف له قصد وأهداف
هلا عدد ما بالسماء تنشي غيوم=وإعداد من صلى ومن بالحرم طاف
لبو فنيس الصيرمي يعجبك دوم=صداقته ماظني اليوم تنعاف
وكلامه مرتب وواضح ومفهوم=وهذي أمورٍ صارت اليوم تنشاف
وبعض البشر صداقته تنقلب لوم=من ناسك وربعك يجي ثقال وخفاف
عند الصداقة هرج والفعل معدوم=ولا احتجت له عذره يجي عشرة أضعاف
والهرج زايد والحكي اليوم مذموم=بين البشر يرث عداوات وخلاف
والرجل بالصحبة ترى مو بمحكوم=يترك صداقتهم اذا شاف ماعاف
والحر ماينظر ليا واجه البوم=وشرواك حراً موقعه كل ماناف
ومادام هرج رخوم والعقل معدوم=محنا بحال خبول وعفون وضعاف
واللي حكى مسقوم يارب مايقوم=ولايستطيع اليوم تحريك الأطراف
والآدمي عن الخطاء مو بمعصوم=مير البلا من للخطأ يلقف إلقاف
والعقل بين الناس وهبة ومقسوم=وكلٍ على قدره ملك عقل وأوصاف
وإن كان مالك حق ضايع ومقسوم=اصبر ترى دمح الخطاء طبع الأشراف
والمدح ماينفع رديٍ ومحروم=والسب ماوسخ رجاجيلٍ إنظاف
وعن الردى جعلك معزز ومحشوم=ومن سبكم يلقى بدنياه الإكلاف
ويارب جرنا من عناء يوم محتوم=يوم إن كلٍ ماشيٍ عاريٍ حاف
يوم الذهول اللي به الأمر محسوم=بأمر الذي نزل تبارك والأعراف
وتم الكلام اللي لبو فنيس مرسوم=عساه يرضيكم وبأغراضكم ياف
وصلاة من يعلم خفاء كل مكتوم=على نبيٍ مرسل للبشر كاف[/poem]



وبعد أن أغلق الخط قمت مباشرة بكتابة رد عليه فقد تحمست أنا أيضاً...

و سوف أضع الرد عاجلاً وعن قريب في موضوع مستقل بإذن الله تعالى





محبكم أبو ياسر

جميل أن نرى صداقة حميمة ، تحمل كماً هائلاً من الألفة والمحبة ، يعلوها تاج الوقار والاحترام المتبادل ، عنوانها

متحابين في الله ، وما سواها فليذهب أدراج الرياح ، لا بواكي ولا نياح .

حياك الله وبياك يا أبا ياسر ، بانتظار ردك ، وبالتأكيد سيكون رائعاً كما عهدناك .

وفقك الله ، وبارك فيك ، ويسر أمرك .

دمت وفياً مخلصاً .

في حفظ الله ورعايته .

أخوك الأصغر / أبو سعد .

ابو ياسر

ونعم فيك وفي الشمري وتستاهل كل خير

ننتظر ردك

لاهنت لاهنت

__________________


[frame="1 80"]][][§¤°^°¤§][][استغفر الله][][§¤°^°¤§][][[/frame]

ابو ياسر ننتظر ردك

__________________

الله يبيض وجهك ووجهه يابو ياسر


أنت كفو وماتخاوي الا الطيب شرواك



تقبل تحياتي وفي انتظار ردك


أخوك ابراهيم بن مريع

__________________

يامرحبا يابو سعد ومرورك وإطرائك وسام على صدري....


بس هذي (أخوك الأصغر / أبو سعد ) ماقدرت أهضمها.




محبك... أبو ياسر

__________________
fnace@hotmail.com
aalqahtania@gmail.com

ماعليك زود يابن شويه

واصبر على الله يطول عمرك الرد يبي له شوي تنسيق لأنه على عندي ورق ...

ويامرحبا ومسهلا



محبك... أبو ياسر

__________________
fnace@hotmail.com
aalqahtania@gmail.com

الله يحيك يافارس قحطان ... وإن شاء الله عن قريب نحط الرد


محبك.. أبو ياسر

__________________
fnace@hotmail.com
aalqahtania@gmail.com

ووجهك أبيض يابو مريع ولا عليك زود والطيب اللي مثلك أنت مرورك على موضوعي شي له وضع خاص بقلبي ..

والله يحييك تحية مثنية.. وانتظر ولا حن مبطين إن شاء الله تعالى

__________________
fnace@hotmail.com
aalqahtania@gmail.com

الله يحيك يابو فنيس وابو نافع من الرجال الاوفياء

وانت من الرجال الكفو يا ابن عمي

وعجل علينا بالرد لاهنت

تقبل تحياتي