قصيدة نخوه تتفطــــــر لها القلــــــوب

هذه قصيدة الحازبي الاخرى وينتخي فيها والد القتيـــل \ هـادي بن معيض بن فرثــان 000 للعفو والسماح عن هادي بن سعود بن كدمـه _ فك الله اســـــــــره _
بسم الله 000
[poem=font="Simplified Arabic,4,darkred,normal,normal" bkcolor="transparent" bkimage="backgrounds/2.gif" border="none,4,sienna" type=0 line=0 align=center use=ex num="0,black"]
في سجن ظهران زرت اخوي ابن كدمه = وانا وهادي سعود بحسبة اخواني
جينا زياره ومعنا بالرضاع امه = في قلبها شوق مدري هم واحزاني
ساعة وقف قامت تناديه وتظمه = من زود حب الظنا في صدرها الحاني
ومن زود شوقه يون وقال يايمه = انا على شوفتك بالحيل ولهاني
وقامت تنوح العجوز وسلهمت يمه = ودموعها كنها همال وداني
وصاحت وناحت وزادت بالبكا همه = ثم قال يمه كفاني هم واحزاني
ثم انكسر ناظره من همه وغمه = بين الرجا والامل والياس حيراني
ثم وقف رضا لهـا تواضع وحشمه = وقبل يديها ودمعة فوق الاوجاني
ثم التفت يمها وفي خاطره كلمه = واقفى موادع وهو مكسور جنحاني
ثم كبله حارسه بالقيد واختمه = وامه تنادي بلهفة شوق واشجاني
ناحت وونت عليه ونادته بأسمه = واقفى موادع وهو راضي وزعلاني
وحملني امانة(ن) تبرا بها الذمه = قال انت ياخوي في ذمتك ورعاني
ورحت اتفقد عياله ثم لقيت امه = والحزن في صوتها المشحوب ينباني
ثم صار لي موقف(ن) لا صارت مطمه = من موقف(ن) صار واحزني وبكاني
وجوني عياله وكل(ن) من ملا فمه = يقول (بابا) سنين طوال ماجاني
وانا اشهد ان كل حي يحن له دمه = من بعد هذا حصل لي موقف(ن) ثاني
جتني فتاة(ن) خطاها تمشي بهمه = ثم اعثرت وانثنت قدام تنصاني
وعالراسها فرعت ثم طشت اللثمه = وتطيح وتقوم مضيومه وتنخاني
قلت ابشري والعسر والله ماهمه = الظاهر ان القدر للموت وداني
قالت ياعم انا ابوي اللي ولد عمه = غرا بها ابوي ابن عمه وهو الجاني
اشكي عليك الزمن ياعم من ظلمه = خلاني اعيش في حيره وحرماني
ياعم تكفى تلف الشمل وتلمه = ابغاك تفزع وتنخا قاصي وداني
قلت الردي جعلها تبكي عليه امه = وانتي نخيتي وانا بنخا كحيلاني
بنخا ابن فرثان صقر(ن) وكره القمه = وانخاه بسمي وبسم شيوخ قحطاني
وادخل على ربنا اللي يكشف الغمه = وادخل على هادي بن معيض لاهاني
وانا دخيل الحظن والبيت والذمه = وادخل على الحي واللي وسط الاكفاني
يامارد(ن) للظوامي صافي(ن) جمه = اللي ورد له مصدر منه ظمياني
الحكم لله وحكمك بيدك وسمه = لرضاك ماننكره لو كان ماكاني
والعاقل اللي بلاه الله كبر حلمه = يهون الكايده ياوجه سنحاني[/poem]

__________________

لسماع قصائد الشاعر : سعيد بن مانع
اضغط هنا

ابن ماانع

لا هنت على نقلك قصايد الحازبي وصح لساانه وسلمت يمينك

وفعلاا قصيدة مؤثرة جدا جدا

والله يفك اسره واسرى المسلمين في كل مكاان

ابن ماانع .... لا عدمتك ياكحيلاان

تقبل تحياات
اخوك
السيف النادر

__________________
[frame="1 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم ان كل من عميله تبرا=حطيت الاجرب لي عميل مباري
نعم الرفيق الى سطا ثم جرا=يودع مناعير النشامى حباري[/poem]
الامام تركي بن عبد الله[/frame]

ولا تهون يالذيب ولاهنت على المرور وهذا اكبر شرف لي ان شرواك يرد على موضوعي

__________________

لسماع قصائد الشاعر : سعيد بن مانع
اضغط هنا

لاهنت يابن مانع..

عزالله انها قصيده محزنه وفيها من الألم الشي الكثير..


والله يكون بعونهم وبيض الله وجهك..

__________________
الباب الاسود !!

مشكووووور يابن مانع الرفيدي
والله ان شعر راسي وقف من القصيده

الله يفك اسر المسجون

__________________

لا هنت يابن مانع ..
القصيده حزينه في معانيها وهذا سبب معناها ..

ابن قحطان وناصر المعمري وعبيدي الدمام اشكركم جزيل الشكر على مروركم الكريم
ولاهنتووووو جميــــــع 00000

__________________

لسماع قصائد الشاعر : سعيد بن مانع
اضغط هنا

لاهنت يا بن ما نع

الحقيقه قصيد ه مؤثر ه للغا يه وعسا الله ايفك اسره

واسرى جميع المسلمين ولاهنت يالجزل

هذا من طيبك ونا خوك قصايد عالية الذوق

تقبل تحيات اخوك

__________________
لا آله الا الله .. محمداً رسول الله

بن مانع

بيض الله وجهك

فعلا قصيده تتفطر منها القلوب

__________________

الله يعتق رقبتة

والقصيدة والله انها مؤثرة

__________________
سبحانك اللهم وبحمد اشهد الاإلة الاأنت استغفرك وأتوب اليك