وش عذري ان ماطبت وكشيم خالي

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]



قصيدة في خالي كشيم بن احمد بن وعلة شيخ آل كيرعان

الحمد لله كل ماهب نسناس=والشكر لله كل ما اومى ظلالي

من عقبها خط القلم فوق قرطاس=وارعف عليها من القوافي الجزالي

في شيخنا اللي سيرته ترفع الراس=كشيم بن وعله وريث المعالي

رجلٍ ليا اقتاسوا المطافيق ماقاس=وأن ذكروا الشيخان منزله عالي

الشيخة اللي شيدوها على ساس=أنا اشهد انها شيخة كشيم خالي

شيخة ذهب يوم إن غيره على نحاس=وطيبه جبّله مافعله افتعالي

وان حاسوا العراف في الراي ماحاس=يفتل عليها مثل فتل الحبالي

هذا الزمن ليل الدجى وانت نبراس=نسري على نورك بسود الليالي

وفي مجلسه ينطحك الازرق بالأنفاس=ويدار فيه مهيلات الدلالي

وجمعة رفاقتنا عى العز نوماس=نفرح ليا شفنا زحول الرجالي

اللابة اللي في الشدايد لها باس=ذرى الجوير وريف من كان جالي

ويابو فهد غاب الشقى غيبة دباس=ثم خمني واستاق خيرة حلالي

قال البقا بك واشرب المر في الكاس=والمر مر ولو خلطته بحالي

قلت الله اقوى وش بقى بعد الإفلاس=انا بدوي وراس مالي عقالي

افخر بخالي منجم كنوز الألماس=واضرب لكم على سبيل المثالي

مره وانا في قاعة الدرس منحاس=اشرح مع الطلاب مشغول بالي

جاني خويٍ لي وقال انت قرناس=تعشق فعول الطيب عشقٍ خيالي

قلت اعنبوك اسكت ترى العرق دساس=وش عذري ان ماطبت وكشيم خالي[/poem]



شعر/إبراهيم بن مريع

__________________

ارحب ياابو مريع



ونعم بك وبخالك ياالقرم


انا من اشد المعجبين بقصايدك ياابومريع


وانت في غنى عن الشهادة لاعدمتك


بيض الله وجهك"" قلت اعنبوك اسكت ترى العرق دساس؟؟ وش عذري ماطبت وكشيم خالي



موفق




تقبل اعذب التحايا

اخووووك

مضواح بن جابر

في امان الله

ابراهيم

نعم بك ونعم بخالك

والطيب مايجيب الا جزل وطيب صح السانك

موفق

__________________
قلت انا عضم النحر راس البعير ***من بني قحطان بن هود ومجار

بسم الله الرحمن الرحيم

الاخ / أبو مريع والله وسبعين نعم ياربعنا بك وبخالك

وصح لسانك .

الطيب لأهل الطيب عاده ونوماس

========= دايــم تفاخر بــه قروم العيالي

حفظك الله .

أخوك / عبدالله ابن شايع القحطاني

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]

الشاعر الرائع والمبدع / أبو مريع .

وما عساني أقول ، أو جد بقاموسي ما يوازي تلك العبارات الراقية ، والألفاظ المليئة بمشاعر الإخلاص والحب والتفاني

لثالث الوالدين ، وقائد كتيبة الكرم والحمية والشجاعة والإقدام لمقارعة الخطوب ، وفك العاني ، ونزع فتيل المحن

ومثيرات الفتن .

يستاهل شيخنا ووالدنا وزعيمنا كل هذا القدر والوفاء ، والاعتراف بالفضل والثناء ، فمهما كتبنا وألفنا المجلدات تلو

بعضها فلن نوفيه حقه ، فلله دره ، وجزاه عنا خير الجزاء والعطاء .

يحق لنا أن نضع هذه القصيدة في برواز ، من الذهب الخالص ، مع ترصيع كلماتها بالألماس النفيس ، لتبقى خالدة بخلود

الدهر ، شاهدة على ما يستحقه هذا الغضنفر .

أبا مريع ، لا شلت يمينك ، ولا جف مداد قلمك ، وأنار الله بصرك وبصيرتك ، ودمت لنا مبدعاً متوهجاً كما عهدناك .

نطمع في المزيد من جديد ، دررك التي لا تنتهي .

لك وافر التحايا العطرة ، والمشاعر الأخوية المعبرة .

حفظك الباري ، وزوجك الحواري .

ابو مريع

مليون والنعم فيك وفي خالك

عزالله انها قصيدة جزله تنم عن شاعر له باااااااااااااااااااااااع فالجزاله والاصاله

امتعنتا يالغالي بهالقصيده وطالبينك ما تحرمنا من جديدك

لك كل التقدير والاحترام

أخوك فارس الشواطي

__________________

ابو مريع


صح الله لسااااانك

وكفوووووو انت وخالك

__________________

بيض الله وجهك يابو مريع

انت كفو يابن عمي

وشيخنا كشيم بن وعلة يستاهل العلم الطيب

صح السانك .. صح السانك
ياابومريع
صح السانك
ونعم والله بك وبخالك الشيخ /كشيم ..وكفو
اخوي الغالي جدآ ابراهيم
باالنسبه للقصيده اعتقد انها ماتحتاج اي تعليق ويكفي ان تكون القصيده لأبراهيم بن مريع
اخوي ابراهيم ارجو ان تتواصل معنا فاالموقع بحاجه للشعراء المميزين والبارزين امثالك
فأنت من الشعراء المؤثرين جدآ ..وجودك ..يزيدنا ..تألق ..لاعدمناك ...
اخوك
خالد

__________________
[frame="4 60"]لااله الاانت سبحانك اني كنت من الظالمين [/frame]

ارحب يابو مريع


والله ومليوووون نعم بك ومليووووون نعم بخالك الشيخ / كشيم


كفووو يابني عمنا كفووو



قصيده فوق الوصف والتعبير ويعجز الاختيار في جزالة ابياتها


كلها درر من ذهب


لاهنت وتقبل تحيات اخــوك