اليوم بوي اللي عن العين غايب ****** ياليتني فاديه ياجعلني فـــداه

أنقل لكم هذه القصيده للشاعر / عبدالكريم بن محمد بن فايع الزهيري رثاء في والده / محمد بن سعيد بن فايع رحمة الله وطلب مني بتنزيلها لكم في هذا الموقع واليكم القصيده



[poem=font="Simplified Arabic,4,darkblue,bold,normal" bkcolor="transparent" bkimage="backgrounds/7.gif" border="groove,medium,gray" type=2 line=0 align=center use=sp num="0,black"]
بسم الله الاله ماغيره اله
فرد صمد ذو الطول والملك والجاه
سبحانه إلي دبرة الكون بيده
وسبحانه الي أوجد الخلق وحياه
وسبحانه الي بعد مااحياه اماته
نومن به ونسلم ونرجوه ونخشاه
نرجوه في الرحمه ونخشى عقابه
ونشكي عليه ولا شكينا سواه
شكوا لغير الله ضعف ومذله
ون كبرت وضاقت علينا دعيناه
ياالله لاجتنا كبار المصايب
والحظ نوخ والزمن دارت رحاه
وقلت الحيله وجات المقادير
مانملك الا قول ياالله ياالله
فياالله ياجابر قلوب المصابين
تجبر عزانا في فقيد فقدناه
والله يعوضنا الصبر والاحتسابي
لاشك حكم الرب لابد نرضاه
لا حول ولا قوة لنا نمتلكها
الا بحول اللي أوجد الخلق وفناه
اليوم بوي أصبح عن العين غايب
ياليتني فاديه ياجعلني فداه
عشرين يوم والمرض يلتوي به
الين حتى الضيم دهوره ونساه
من كل شي الا الصلاه يتنبه
ولا الشهاده دايم يذكر الله
ومع صلاة الفجر جات المنيه
نادا المنادي ومالك الملك ناداه
وستسلمت روحة لرب البريه
ولبس ثياب مالبسها بدنياه
عليه قد الخام لبس تغير
ونزل بقبر ماحدن يتمناه
ومسا بمكان منه ياعزتي له
فوقه تراب والنصايب تعلاه
وذكرت بيت له ودايم يقوله
ياجزم قلبي منه يوم آتملاه
لابد من قبر عليه النصايب
واليوم من تحت النصايب دفناه
جعل السحاب اللي تكبر نويه
البرق في مقدمه والوبل فتلاه
يمطر على قبره ويرخي مزونه
الين يصبح زايف العشب يزهاه
وعسى الهبايب كل ماهب نسناس
تبرد عليه وكل نود يتغشاه
ياشيب عيني يوم راحو المعزين
ولا عاد غير الحزن نوخ مطاياه
وقمت اتلفت من يسار ويمينا
ولا المنازل خاويات مخلاه
قفى سعدها ياالله المستعاني
الشايب اللي كان منصا لمن جاه
كم مرة لجيت من طرقتن لي
مشفق على شوفه لقيته بمركاه
تقول كني مالك الكون كله
يازين مقابله ويازين ملفاه
ويازين لمن جاك ياخذ علومي
وأشوف راحت خاطره في محياه
واليوم ياوينه ونا عنه ويني
ياقرب منزاله ويابعد لا ماه
ياوالله اللي حال دونه الموت
وياوالله اللي غاب ماعاد شفناه
قفا من الدنيا وبقيت علومه
نفخر بها ونفخر ليا حل طرياه
يشهد عليه الله والناس يدرون
ماهو يعرف الكذب ولا يقرب حماه
ون قال كلمه ماخلفها بنيه
اصدق صدوق مايعرف التويجاه
وليا لفاه الضيف يفرح بشوفه
يثني له الترحيب والطيب يلقاه
ويلقا السوالف والقصص والقصايد
زين السوالف والقصايد تقفاه
ويشهد على ماضيه ماضي فعوله
من قبل يشهد صاحبه تشهد عداه
يكفيك فعل القرم في هية خراص
يوم العدو ماعاد فاده مداراه
وقف بموقف يعجز اللي وقف به
وخلى العدو في مثبره تنثر دماه
يمشى على دروب الوفا والجمايل
وكل العلوم الطايله ماتعداه
يابوي من عقبك فلا استر حالي
كني غريب والليالي تحداه
ولا مريض يحتري ساعة الموت
ماعاد له طب ولا نفعه دواه
فيا وجد حالي لاقبل الليل داني
الله ياطوله على العين طولاه
أساهر نجومه وأهل العباير
قامت تسابق مثل وبل نثر ماه
وأجر وناتي من أقصا الضماير
وأقنب قنيب الذيب ولاحي عواه
نار المفارق ولعت وسط جوفي
قامت تواقد به من أقصاه لدناه
ماعرف لذيذ النوم والشرب والزاد
يحرم على من يوم فقده وفرقاه
بابكيه مادامت جبال رواسي
ومادام راسي حي والله مانساه
وبادعي له مادام ينطق لساني
برحمه وغفران من الله ورضاه
عساه في قبره نعيم ونعايم
والله يعفو عنه ويغفر خطاياه
والله يجيره من عذابه وخزيه
وياالله تجعل جنة الخلد مثواه
والله يجيب الصبر وحاول أصبر
عزالله إني ماتحملت فرقاه[/poem]


لكم مني خالص الشكر والتقدير

__________________

السلام عليكم ورحمة الله وبركاته


الأخ الكريم أبو صقر


لاهنت على النقل الموفق


وصح لسانك ولسان الشاعر الأخ الكريم/ عبدالكريم بن محمد بن فايع


ورحمة الله على والده وأسكنه فسيح جناته.


تقبل تحياتي ودمت بخير.

الله يرحمه ويسكنه فسيح جناته

لاهنت يالغالي

صح الله لسانك

__________________

آآبونـــآيف[/align]

لاهنت يالوافي على النقل الرائع


وبيض الله وجهك يابو صقر


قصيدة رائعه ونالت أعجابي بشكل كبير



تحياتي

دائماً مبدع

والابداع يلاحقك

فعندما تكتب يظهر لنا الابداع

__________________
خيلا الشدقاء ابن عياف

كم هي جميلة شبكتنا .. وكم هي كبيره بكم
فشبكة قحطان بكم ولكم
فلننهض بها
بصدق وأمانه
وبلا تذمر


قحطان في شبكة قحطان

((يداً بيد ))

(( قلباً بقلب ))

(( لترتقي شبكتنا وتتطور ))

الله يرحمه ويسكنه فسيح جناته

لاهنت يابوصقر

صح الله لسان الشاعر الرائع

عبدالكريم وكثر من امثاله

__________________

رحمة الله عليه وجميع أموات المسلمين

لاهنت يابو صقر على هاذا النقل
واسال الله العلي العظيم ان يرحم
والد الشاعرعبدالكريم.

__________________