[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]

الله أكبر يازمان هاض جرحي من جديد = يوم شفت الوقت قصرت حباله والتوى
الخوي يجرح خويه ولو طبعه مجيد = ينكر المعروف ويدور دروب الغوى
الخوافي ماتبين طبوع المستفيد = لو بغى له حاجة قام يعمل ما اهتوى
طبعه المأخوذ مايعرف الرأي السديد = يتستر با المظاهر وهو خايب ثوى
النفاق أصبح محل الوفاء علم أكيد = والوفاء مرحوم ماتت سلومه وانطوى
والحسايف ما ترد اللي مضى وأصبح بعيد = والتماني ماتفيد اللي تمنى ما ارتوى
أفعل المعروف وأنسى وأسوي من جديد = والجمايل ماتكدر عزوم اللي نوى
كان ياشيخ العرب عندكم علم مفيد = الزمان أخلف ظنوني وعيا ما استوى
يازمان الغدر ماأشين علومك ياعنيد = وإن شكيت الجرح فأخاف ما ألقى له دوى



[/poem]