اقوى قصيدة خيانة

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا ردك الله لا ولا اطلـب ترديـن=ادعي عليـك بعثـرة فـي صلاتـي

عثره تشلك مـا بعدهـا تقوميـن =يـا قاتلتنـي يـوم صرتـي حياتـي

خدان لك بالقلب كانـت بساتيـن=وريضـان وغصونـا بهـا يانعاتـي

كنتي مناة القلب والـروح والعيـن=واليـوم عينـك يعلهـا مـا تباتـي

كنت أحسبك للعهد والحب توفيـن=قلتي الغدر بالحب ماهـي بسواتـي

وحلفتي يمين الله مـا منـك اثنتيـن=وانـك مـلاك دون كـل البناتـي

وانك على عهـد المـودة تسيريـن=ولا تسمعين أهل الحسد والوشاتـي

وصار اليمين ستار خلفـه تواريـن=ورماح غـدرك بالخفـا مشرعاتـي

وبان الغدر سم جـرى بالشراييـن=الله عسى يسقيـك سـم الفعاتـي

كلي سقيتك حب واليـوم تنسيـن=تقولين حلـم ايـام واليـوم فاتـي

خذتي الهوى لعبه علـى مـا تحبيـن=لين عصفـت بالهـوى عاصفاتـي

من زينك يا بنـت بالشعـر تزييـن=مـن صـورك بابياتـه الطايلاتـي

انا من غرامي قلت كانك تذكريـن=قلت الخجل صاب البدر من مناتـي

وصرتي بشعري في العذاري تباهيـن=تقولين انا شمس العصر فـي حلاتـي

زينتك بشعري ولا غربـك الزيـن=ما زانتك صبغـات حمـر الشفاتـي

صورتك بالشعر حـزام ورياحيـن=واثرك هضاب وشوك ما به هداتـي

رسمتك سحابه خيـر قطـر تنفيـن=فزت لك الصحراء زهـور ونباتـي

رسمتك مهـاه للجميلـه تقوديـن=واثرك قطيعـه وضيعتهـا الرعاتـي

واثرك غراب يوم سـدل الجناحيـن=كنت احسب اني شايف لي قطاتـي

بالشعر غليتك علـى كـل غالييـن=واثـرك دنيـه وتعشقيـن الدناتـي

وبالشعر عاتبتـك عتـاب المحبيـن=انا من يسوم الروح لك يـا غناتـي

توسلت لك خايف على حب عامين=عامين لكـن فـي حسابـي مئاتـي

ناديت لكن لي ابـد مـا تسمعيـن=عمري وروحي فكري فـي ثباتـي

حذراك للشينات عمـري تماشيـن=عديمات اصـل اخلاقهـن دانياتـي

غاب الولي عنهـن ولعبـن بحبليـن=يا خس واليهـن وخـس الولاتـي

ما همهن في الناس زيـن ولا شيـن=وقلوبهن مـن حقدهـن مظلماتـي

وقلتي وربـك لـو يكونـا ملاييـن=ما غيرن بالطباعهـن مـن سماتـي

تحسبيـن انـك بالمهافـه ترقـيـن=كيف الصعـود يكـون للهاوياتـي

وخنتي وبعتي كـل عهـد واياميـن=ما عاد يفرق بيـن ماضـي واتـي

وصرتي مثل غيرك برخـص تبيعيـن=يا مرخصتني ما بقـى لـك غلاتـي

صبري نفذ واليوم ثـارت براكيـن=مظلوم انا وباكـر تحـل ادعواتـي

سمعي عسى من بعدها ما تسمعيـن=سمعي دعا من صار قلبـه حصاتـي

ادعي عسى من ناضرك ما تشوفيـن=وتطحن بك الايام طحـن الرحاتـي

وعساك عوق منه مـا عـاد تبريـن=عوق تشافق لـه قلـوب العداتـي

ويالله عسى يحتـار فيـك المداويـن=تبين الممـات ولا يجيـك المماتـي

ويالله عسى كف الندامـه تعضيـن=تندمين يـوم انـه يفـوت الفواتـي

وتبكين دم يسيل مـن مقلـة العيـن=وتحتار امـك عـن عنـاك وتحاتـي

عسى ما تلاقي من له القلب تهديـن=وان حصل ادعي عسـاك الشتاتـي

يا بلوة اللي وسـط بيتـه تعيشيـن=ساهي وحوله شب جمـر الغضاتـي

عسى بعمـرك ساعـه مـا تهنيـن=وتمضي حياتك بين هـم وشقاتـي

يا بنت قلبـي ويـن مثلـه تلاقيـن=قلبا عطاك الحب مـا قـال هاتـي

جيتك وروحي شلتها لـك بكفيـن=وفي التاليه رمـح الخيانـه جزاتـي

يالله عساك النـار يـا أم وجهيـن=كله انكشف لا مـا تفيـد العباتـي

ويالله عسى تلبسك جن وشياطيـن=وتكونين مدعاة الحكـي والشماتـي

يـا حيـة رقطـا تقـود الثعابيـن=باكـر تحـن ايامـك المعتمـاتـي

وباكر على فعلـك بمثلـه تجازيـن=ظلم المشاعر مـا تحكمـه قضاتـي

بيني وبينـك تحكـم ايـام وسنيـن=وانا شاهدي قلبا من الغـدر ماتـي

ويا دمعـة التمسـاح لالا تذرفيـن=العيون رغـم ادموعهـا كاذباتـي

لا ما عرفتي الحـب لا مـا تحسيـن=وغدرك تعدى غدر ذيـب الفلاتـي

الذيب يعوي قبـل يغـدر بمسكيـن=وانتي غدرتي خافقـي فـي سباتـي

لو كان غدرك في كفوف الموازيـن=لكان رجـح كـل غـدر البناتـي

انتي السبب سقتـي علـى القلـب=جرحين غدر الغرام وموجع الذكرياتي

وانتي السبـب واليـوم لالا تلوميـن=وان جاك باكر شوفي اشلون يأتـي

والله لاكتب وافضحك في دواويـن=وارقص واغني يـوم خبـر الوفاتـي

وارسم لاهل العشق قلبا وسهميـن=وقصة خيانـه مـا روتهـا الرواتـي

ويمين لانشر فـوق اسمـك عناويـن=واشهرك من قاصي اليمـن للفراتـي

ومن غرب هالدنيا الى قاصي الصين=ديوان غـدر فيـه كـل اللغاتـي

والبادي اظلم سنـة العيـن بالعيـن=والا فـذي لا عادتـي ولا صفاتـي

ويا شبه انسانـه بـرأس ورجليـن=اعـوذ بالرحمـن منـك بصلاتـي[/poem]

__________________
[frame="7 80"]جميل ان تضحك للدنيا لكن الاجمل ان تضحك الدنيا لك[/frame]

^

^

^
>>>>>>>>>>>>







الف شكر ياشبل قحطان

[poem=font="Simplified Arabic,4,darkblue,normal,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]

يا بلوة اللي وسـط بيتـه تعيشيـن
ساهي وحوله شب جمـر الغضاتـي

عسى بعمـرك ساعـه مـا تهنيـن
وتمضي حياتك بين هـم وشقاتـي

يا بنت قلبـي ويـن مثلـه تلاقيـن
قلبا عطاك الحب مـا قـال هاتـي [/poem]

اخوي الغالي
شبل قحطان
صراحه قصيده قويه من جد ولو ان في بعض الأبيات نوع من الكسر واعتقد انها اخطاء املائيه
وليست كسراً .... الرجاء اذا كانت اخطاء املائيه تصححها (لبى قلبك)ِ
ولا هنت على كل حال
اخوك المتابع لمواضيعك الشيقه

ابو ابراهيم العبيدي

اخوي الغالي شبل قحطان

لاهنت بيض الله وجهك على هذه

القصيده الرائعه

تسلم مليووووووووووووووون

تقبل تحيات اخوك

__________________
لا آله الا الله .. محمداً رسول الله

لاهنتوا و مشكوووووووووووووورين على المرور والله لايحرمنا من طلتكم الحلوه

__________________
[frame="7 80"]جميل ان تضحك للدنيا لكن الاجمل ان تضحك الدنيا لك[/frame]

يا سلام عليك يا شبل قحطان بصراحه كفيت او وفيت

اسعدني مرورك اخوووي المعمري

__________________
[frame="7 80"]جميل ان تضحك للدنيا لكن الاجمل ان تضحك الدنيا لك[/frame]

صح لساااان الشاعر وسلمت يمين الناااقل

قصيدة قوية واكيد انها طالعة من قلب .....بس ما ذكرت اسم الشااااعر

ياليت يا شبل انك تجيب اسم الشاااعر في القصااايد اللي تنزلها قدر المستطاااع .


تقبل تحياااتي

__________________
[frame="1 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم ان كل من عميله تبرا=حطيت الاجرب لي عميل مباري
نعم الرفيق الى سطا ثم جرا=يودع مناعير النشامى حباري[/poem]
الامام تركي بن عبد الله[/frame]

اسعدني مرورك اخوووي السيف الناادر

وابشر بسعدك

__________________
[frame="7 80"]جميل ان تضحك للدنيا لكن الاجمل ان تضحك الدنيا لك[/frame]

صح لسان الشاعر
وسلمت يمين الناقل
قصيده قويه جدا وتبين طعم الخيانه وحرارتها ومرارتها

__________________
[frame="6 80"]عدت من جديد [/frame]