سوالف ماهوب يسمج طعمها

قصيده موعظه وحكمه للشاعر فيصل الرياحي انقلها لكم مع التحيه للجميع

[poem=font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
سبحان محص الناس جيل بعد جيل=وأرزاق خلقه بين خلقه قسمها



وأرسل لهم فالكتب قرآن وإنجيل=وسيطر على كل الأمور وحكمها


ياللي تخيل الناس قلي وش إتخيل=الناس مولاها يراقب ذممها


مانته معدلهم على الكيف تعديل =خل العظام كسارها في لحمها



ورفيقك اللي مايراعيك بالحيل=جرب حقيقة رفقته من عدمها



حده على بعض القصا والغرابيل=يبين لك منها قفاها وفمها


إن كانها رفقة مجامل وتمثيل= جرت بعيرٍ جاء الرشاش ودهمها



إعرف ترى مالك وراها محاصيل=وأبرك لك إنك طالعٍ من غسمها


ولاتستمع في تاجر القال والقيل= ناسٍ تبيع بـ (سوق قالوا)ذممها



حساد والحساد دايم مغاليل=عين الحسد ماوفق الله سهمها



الحاسد النمام مقهور وخبيل=عقرب وضم تلدغ وتزبن وضمها



وراقب ولي الكون بالصبح والليل=اللي حصد روس الطغاه وصرمها



ترى الغرور أكبر مرض للرجاجيل=ليا حل بالنفس الشجيعه هزمها



لك موعظه في سورة العصر والفيل=أصدق من الأبيات واللي نظمها



وإجلس مع ثقاة الرجال الحلاحيل=جلسة حلاحيل الرجال إغتنمها



تلقى مجالسهم مزوح وتعاليل=وسوالف ماهيب يسمج طعمها



تاخذ بها حكمه وعرف ودواليل=ويبعد شقا روحك ويبرد نسمها



إرفع مقامك كنك الجدي وسهيل=وناس تبادلك إحترام إحترمها



المرجله تقسيم بين الرجاجيل=ماهي مطيه من شراها وسمها



هاذي مثايل شعر مثل القناديل=تجلا ظلام القلب للي فهمها



من هيض هاجوسٍ تدفق كما السيل = تجي له الأبيات لو ماعزمها[/poem]

__________________

لا هنت يابو فيــصـــــــــل
القصيده ثمينه وطيبه وانت اطيب
يالغالي

أبو فيصل

يعطيك العافيه على هالقصايد الطيبه اللي من طيب راسك


صح لسااان أبو بدر

ولا هان أبو فيصل

__________________



ممصمنا المبدع
تركي العلياني
ألف شكر لك

ارررررررررررحب ياسعود والله يحييك

يعطيك العافيه علي المتابعه

__________________

السلام عليكم ورحمة الله وبركاته


أرحب أرحب يابو فيصل تراحيب المطر


صح الله لسان الشاعر

وصح الله يمنا الي يجيب كل علم غانم


تقبل وافر التحية والاحترام

__________________
00000000

لاهنت يابوفيصل


وجعلني ما اعدمك

وصح لسااااان ابوبدر


على هذه الرائعة

تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

هلا وغلا ابومحمد

حضورك ومتابعتك تكفيني طال عمرك

دمت بكل الود يالغالي

__________________

أرررحب يابوفيصل


بيض الله وجهك لاهنت على النقل

لاهنت يابو مسفر
صح لسان الشاعر
وسلمت يمناك على نقلها

__________________

البقاء يابومسفر والله يحييك لاهنت علي المرور العذب

والمتابعه المستمره لاهنت يالغالي

__________________