مـــحـاورة : إبن شـــايق و الحــــــربي

محاورة لشاعرنا الكبير الشاعر العملاق

عبدالله بن شايق

والشاعر

سعد الربيقي الحربي

آتمنى ان تنال إعجابكم ،،
[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سعد=
هلايامرحبا ترحيبـة مـن خاطـر منقـاد=يقولون الحروب بحفل حرب طوال الايماني
يقولون العرب من لا قدم للصيد ما يصطـاد=عليه من حزامي ما يروح الذيب سرحانـي
ابن شايق=
يدوم إبك البقا يازينها فرصها علـى ميعـاد=ونعم بحرب والفزعة عيال العود قحطانـي
قبل كلمتك هذي ميـز المصـدار والميـراد=أنا ما أتعب على شانك ولا تتعب على شاني
سعد =
تقدم ياقحطاني واشرب الدلـة مـع البـراد=نطش إلك الشبب تستاهله من غير حقرانـي
لا كن إلى التويت نحط في رجلك ويدك قياد=قيادٍ ما يحلونه هل المعـزى ولا الضانـي
ابن شايق=
أنا ماني بمستغرب كرمكم في بيوت أجـواد=وأنا ما أدخل بيوتٍ مالها دعـوة وبيبانـي
كفانا الله شرك ليه يـا عنتـر ولـد شـداد=أقول إنك كفو وأبشر برمح وسيف وحصاني
سعد=
أنا جتني علومٍ منك تغضب خاطـر النشـاد=تطري لك علوم وتحسب إن العلـم يخفانـي
وحنا حرب نفتك الضعن غصبٍ على الحساد=بيارقنا تصبح بالحصي من قـد رضوانـي
ابن شايق=
مطوعنا هداه الله ولا مصحـف ولا سجـاد=وأنا خابرك يالحربي عليه العـام زعلانـي
لو أنك جيتنا يم الحصي ماصار لك معـواد=كلاك الذيب الاسحم مثل أخوك فلان وفلاني
سعد=
خطب فيكم بعيدٍ يختلف عن سايـر الأعيـاد=وطير له شرارة وأصبحت بالعـود دخانـي
وصلناكم وجينا وأحمد الله والليـال إجـداد=وأخويه ما تمره لين تدفـع سايـر العانـي
ابن شايق=
أنا مالي ومال الناس لي وقفة وقدح أزنـاد=أطفي نار أولع نار من زنـدي وصوانـي
ليا لاحت بروقٍ بالشمال وجـا لهـا رعـاد=تحدى سهيل خل الجدي عنـك ولا تحدانـي
سعد=
أنا ما أقول فيك قصور يا رايد مع الـرواد=وشرهتنا تمثنا اللـي لهـم بالعلـم ميزانـي
معي طب أعربي وأنا الطبيب الكاوي الفصاد=أنا مسلم مع المسلـم وللشيطـان شيطانـي
ابن شايق=
أنا ما أخون رجلٍ لي معه عشره وملح وزاد =وأقول الحر الأشقر ما يطير بدون جنحانـي
يا طيبك يا طبيبٍ تبري أكباد وتعـل أكبـاد =وأنا مسلم على هدي النبي ما ني بنصرانـي[/poem]
وسلامة الجميع,,

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

بيض الله وجه الشاعر الكبير عبدالله بن شايق ماقصر كفى ووفى

ابو عبدالله لاهنت على نقل محاورة العمالقة

شكراً لك اخي الكريم على هذا المشاركة

__________________



ممصمنا المبدع
تركي العلياني
ألف شكر لك

لا هنت على النقل

نترقب محاورات جديده

الله يعطيك العافية اخي الكريم وموضوع مميز وتشكر عليه

لاهنت وسلمت يمناك

لاهنت يابوعبدالله علي نقل هذا المحاوره الرائعه فانت


من الاشخاص الذي احرص علي متابعه مواضيعهم تسلم وتدوم يالغالي

__________________

محاورة رائعة ولاسيما أن متنبي المحاورة عبدالله بن شايق أحد أطرافها

لاهنت على المشاركه المميزه

__________________