الجنيه للشاعر سعيد الفهري

[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
كم قلت لك لاتتبع المقفي ولا تشفق عليه=طرد المقفي ذل نفس ومنقصه يابو علي

خله يروح في طريقه لا يجيك ولا تجيه=واخير منه سجده ودعوة خشوع للولي

تلقا بداله صادق صامل وقربك يشتريه=وليا زهمته في نهار الضيق همك ينجلي

ما ضاقت الارض الوسيعه عند طلقين الوجيه= اهم شي عرضي وديني والردا ما هو بلي

وذخري بني عمي هل الفزعه وتاريخي نزيه=ومالي يجملني وحظي باذن ربي معتلي

وارفع مقامي عن مجاراة الرعاعه والسفيه=ولا اتقنص عثرة الطيب ولا اقبس مشعلي

والوافي اللي يوفي الواجب ويرضي والديه=اوفي معه لو كان من دمي ومن مستقبلي

والموقف اللي يخدم طوال الشوارب محتميه=في ساعة(ن) نار العدو تشب والقدر يغلي

ومن لا يخاف من الله المعبود ولا يتقيه= مشي معه يحرم على لو كان اخوي اغلى هلي

ورفيقي اللي ما يواصلني وشذب الناس فيه=فرقاه الذ من القنص والنوم في فج خلي

اللي ما يحفظ رفقتي حفظ الصعيدي للجنيه=ماني بمجبور على رفقة مضيع منزلي

كل حسب علمه وتفكيره وما تفعل يديه=اما رماد خامده والا لهيب تصطلي

وكل كتابه وعمله يوم القيامه يحتريه=الحنفي والمالكي والشافعي والحنبلي


شاعر النظم والمحاوره المعروف/سعيد الفهري العبيدي القحطاني[/poem]

__________________
[frame="8 80"][/frame]

صح السان القائل ملايين وسلمت يمين الناقل ملايين
الشاعر سعيد شاعر معروف وجزل وهذه احدى جزالاته المميزه
يعطيك العافيه اخوي محمد جهدك في الموقع واضح ونشكرك جزيل الشكر
على حسن انتقائك للمشاركات المميزه ...
اخوك
اللي معجب بمشاركاتك وينتظر منك المزيد
خالد

__________________
[frame="4 60"]لااله الاانت سبحانك اني كنت من الظالمين [/frame]

الجررررررربوعي انت جزل ولا تجيب الا الجزل

وصح لسان الشاعر سعيد الفهري اللي استطاع ان يشق طريه بسرررعه فااااااائقه

اخووووووووك

ابن عااااااااااااااااااااصم

__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه


الشاعرالكبير _ حمد بن هادي المسردي

اخوي//خالد********* المشر ف العام

صح بدنك وصح لسان القائل

مرورك اسعدني كثير لا عدمتك

الى اللقاء

__________________
[frame="8 80"][/frame]

وتقبل تحياتي،،،

اخووووووك

هاوي نجد

__________________
لا آله الا الله .. محمداً رسول الله

احسنت يامحمد الجربوعي

ولاهنت على كل حال

قصيده جيده مرتفع من شاعرٍ جيد جدا مرتفع

اخوك سعد ين شفلوت

احسنت يامحمد الجربوعي

ولاهنت على كل حال

قصيده جيده مرتفع من شاعرٍ جيد جدا مرتفع

اخوك سعد بن شفلوت

الاخ الغالي/سعد بن شفلوت

هذه القصيده من وجهة نظري من اروع القصائد التي سمعتها

واذا كان لديك اعتراض فاطبع القصيده واعرضها على شاعر

كبير واسمع ما يقول اما اذا كان هدفك بخس حقوق الناس فهذه

ادهى وأمر0نحن نتمنى الا ينشأ هذا المنتدى الا على اساس

من المصداقيه والفكر الواعي والتعاون على الخير انشا الله

الى اللقاء يا خوي سعد 0

__________________
[frame="8 80"][/frame]

اخي محمد

من اللي قالك ام القصيده ماهي من اروع القصائد

ومن اللي قالّك ان لدي اعتراض على القصيدة

ومن اللي قالّك ان هدفي بخس حقوق الآخرين

ومن اللي قالك مانبي المنتدى ينشأ على المصداقية والفكر الواعي.

عزيزي ...

كل شاعر وكل ناقد وكل متذوق وكل ناقل ..........

له رأيه الخاص وله نظرته الخاصة

وانا قلت وجهتي نظري تجاه القصيدة وبالعكس انا مابخست حقها ولا حق الشاعر سعيد الفهري فهو عني وعنك بل اعتقد انني اعطيتها التقدير اللتي تستحقه علما بأن القليل من القصائد في الوقت الحاضر يحصل على الجيد جدا والممتاز.......

فمع احترامي لك ياخوي محمد انّك فاهم غلط

وارجومنك انك لاتفهم ثاني مرة غلط

ولكل مجتهد نصيب وانا خوك ..

اخوك سعد بن شفلوت

الاخ محمد الجربوعي///// ارحب مدد بلا عدد

الشكر لله ثم لك على طرح هذا النص للتواصل مع الاخوان الغالين

في هذا المنتدى النشط 0000000000 لاخلا ولا عدم والى اللقاء 0

__________________