[poem=font="Simplified Arabic,5,black,bold,normal" bkcolor="transparent" bkimage="backgrounds/8.gif" border="double,medium,gray" type=4 line=0 align=center use=ex num="0,black"]
صـــــــلو على النبـــــــــــــي



ّْْْْْأيضيق صدري لين افك زراري=وادق بيدي فوق عوج ضلوعـــه
ابغاه يدري ويش هو مقداري=لايخلفه ضيق النسم ويروعـــه
ماهوب قصر ٍ في يدي وأشباري=لكني آمنع حاجة ٍ ممنوعــــه
ماودي اطلع عن حدود اطواري=واتبع طريق ٍ ماهي أب مشروعـــه
ملزوم..اداري..واحتمل ..واداري=الذيب يقــــنب...ويتعشى جوعـــه
وان كبرت الشرهات جبت كباري=يوم الهقاوي والثـــقه مزروعـــه
من قبل تجفاني وابيـــح اسراري=وانت تعرفني نبــرتي مسموعــــه
كم كنت أسولف بك غلا واماري=واقول هــذا أسمه...وذيّ طبوعـــه
وافرح لما جابوك لي بالطـــاري=واشعل قناديل الفرح وشموعـــه
بمجـرد عيــوني وفي مجهاري=ماكنت اشوف الا أنت فـ الموسوعــه
ياما عليك أسرجت خيـــل أفكاري=وياكم نطحت ألك السهر وجموعـــه
وياما لوصلك بعت عمـــري ساري=ماهمني عمـك,,, وكل أربوعـــه
وياكم سقيتك من فرات أنهاري=وصبيت لك عـــذبه مع ينبوعـــه
لكن خاتمة الطريق أجباري=واشوف قلبي با الفـــراق أتزوعـــه
كنك تحداني وتصـــلى ناري=يا أغلا محبه باالحشاء مطبوعــــه
حسبي عليك الله ونعم الباري=لاصار وصلك ذنب!!!وش مشفوعـــه
أشـــره على الحظ الردي واقداري=والاعلى سيــف الوصل...ودروعـــه
وشلون طلعت من حدود أطـــواري=ومالت لغيري وانثنت في طوعــــه
المهره اللي من خيار أمهاري= اللي تشوش ووصـــفها:::::مربوعـــه
علمي بها تركض على مضــماري=وعلمي بها نصف الشهر وأسبوعـــه
واليوم مبعد دارهـــا عن داري=بعيد وحبــــــــال الوصل..مقطوعـــــه
وماعاد باقي غير أفــــك زراري=وادق بيدي فـوق عـــوج ضلوعـــه
من شان مايشــــره علي مقــداري=وأتبع طــريق ٍ ماهي اب مشروعــــه


أخوكم //عبدالعزيز اليــــامي[/poem]