عفوك وسترك يامجيب المناجين

السلام عليكم

أقدم لكم هذه الابيات المتواضعه

والتي هي تعبر عن نفسها اتمنى

تحوز على رضاكم


[poem=font="Simplified Arabic,5,blue,bold,normal" bkcolor="transparent" bkimage="" border="none,thin,gray" type=4 line=0 align=center use=ex num="0,black"]
عمر البنادم لوهو شهور وسنين = لابد مايفنى وتطوى حباله

والرابح الي يتبع الحق والدين = ويروح من دنيا الهموم بجماله

حصلت في الدنيا من الزين والشين = وجزع(ن) من المقسوم ظلم وجهاله

ويالله بحسن الخاتمه والموازين =لاجا وكيل الموت يشعب جماله

وفارقت من كانو على القلب غالين = وجعلت في وسط القماش بسهاله

ثم احفرو في طينة الارض مترين = قبر(ن) على جسمي تزايد هياله

وسمعت قرع نعال الاصحاب مقفين = والي حضر دفن الجنازه دعاله

وجوني ملائكة العمل بالدواوين = أما عفو ولاعذاب ونكاله

عفوك وسترك يامجيب المناجين = ماخاب عبد(ن) من عباده لجاله

منزل تبارك والمعارج وياسين = منجي ولد يعقوب مما جراله

واسألك تسكني جنان البساتين = واعوذبك من دار قوم الضلاله

هذا وانا مذنب ومخطي ومسكين =أعيش في دنياي ميل وعداله

عبدك ومخلوق(ن) من الماء والطين = والصبح من بين النصايب لحاله

مابه رفيق ولاصديق ومعاوين = كل(ن) جزاه بحسب فعله يناله[/poem]

__________________

__________________



ممصمنا المبدع
تركي العلياني
ألف شكر لك

أرحب ياخولان الله يحييك والله لايهينك

مرور شاعر بحجمك ورده على القصيده

شرف طال عمرك

ابن غفره ارحب ارحب والله لايهينك

مرورك شرفني وأسعدني طال عمرك

تقبل تحياتي

ارحب
صح لسانك
الله يعطيك ماتمنيت

__________________

تسلم يانايف

والله لايهينك

وجزاك الله خير

مرورك شرف طال عمرك

أخي مشخص
صــــــــــــــــــح لسانــــــــك
وعــــــــــــــــــــى شــأنـــــــــك
لا هنت أخي الكريم والشاعر الفذ

الا والله حاااازت على الرضاء



صح لسااااااانك يامشخص


شاعر كبير



شاعر عميق



تحياتي وتقديري

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

مشخص


صح لسااانك





ولاهنت



جززززله



ومن راس جزل



كل والود وانا اخوك





تحياتي