قحطــــان طاريهم يهز الشيـــاطين

السلام عليكم مساكم الله بالخير

هذه القصيده رد على احد الاشخاص

من القبائل المجاوره واتمنى ان

تحوز على رضاكم والمعذره

على القصور

[poem=font="Simplified Arabic,5,blue,bold,normal" bkcolor="transparent" bkimage="backgrounds/17.gif" border="groove,thick,deeppink" type=4 line=0 align=center use=ex num="0,black"]
حنا الزحول الشامخين الدنادين = اهل المواقف والفعول العجيبه

حنا هل الطاله صعوط المجانين = بين العرب عز ومكانه وهيبه

حنا هل الدنيا وحنا هل الدين = تاريخنا كل الرجال تحكيبه

حنا ليا غارت جموع المغيرين = خيالنا ينطح ويدحر كتيبه

قحطان طاريهم يهز الشياطين = ابليس لاذكرو يصيبه مصيبه

قحطان لاركبو على الخيل قاسين = الحظ قايم والضرايب عطيبه

قحطان في كل المواجيب وافين = اصل العرب ساس الجدود العريبه

من حد نجران العريضه ليا الرين = ديارنا مافيه شكه وريبه

ومن خلقت الدنيا من شهور وسنين = من نجد ما جا للقحاطين غيبه

كم لابة من نجد راحو مقفين = يبونها وراحو سواة الذهيبه

اثبت اقوالي لو الناس دارين = اذكر الناسي ويذكر حريبه

يوم العرب في سالف الوقت غازين = كل(ن) على الثاني يجرب نصيبه

بافعالنا في قمة المجد بادين = والي نبيه بسيف خالد نجيبه

بافعالنا حنا الرجال المسمين = شخنا وسمتنا العقول اللبيبه

ذباحة شيوخ الرجال المعادين = لباسة الجوخه خصوم الغليبه

وخوينا قدره على الراس والعين = الموت من دونه شربنا سريبه

والجار في عزه وقدره موصين = في قربنا تسهل عليه الصعيبه

ونطلق على شوف الضيوف الحجاجين = لاكشرت بعض الوجيه الغضيبه

والي يناسبنا له الجانب الزين = رجالنا يفخر بقربه نسيبه

يشهد على ماقول ناس مقيمين = مطير والغلبا وتشهد عتيبه

يشهد لنا ابن حميد هووابن حثلين = وابن الدويش وكل فارس غزيبه

وشيوخنا روس الرجال الحكيمين = ظلع يزبن من تخلى صحيبه

الشيخ ابن هادي زبون المخلين = الي خذا الشيخه بفغله وطيبه

واذكر بعد شالح وذيب القحاطين = كم شيخ قوم(ن) جاه ذيب وسريبه

والشيخ ابن شفلوت شيخ الميادين = في جرته يشبع مزعزع قنيبه

ومنا ابن لبده والمهادي سلاطين = عدوهم يلقى مذله وخيبه

والي خذا في الثار تسعه وتسعين = ابرز مواقيفه وبان ودريبه

وجراب والغربي سواة الشياهين = وشلوان لاجاة الليال العصيبه

وشيخ الهواجر من زحول الشباعين = ياسعد منهو فاللقا يعتزيبه

كل(ن) له افعال ومكان وموازين = ماقول هقوات القبايل قريبه

كل القبايل في ذرى العز ماشين = نعم القبايل بارض مكه وطيبه

وملا ذكر ربعه عسى حظه الشين = عسى على قبره تحط النصيبه

قلته وانا مشخص وباسم القحاطين = وماجابت الدنيا العريضه تجيبه

صلو على محمد ختام النبيين = جاهد وحارب كل بدعه غريبه[/poem]

وسلامتكـــــــــم

مشخص الفهري

السلام عليكم

صح لسانك
قصيدة جزله ومعبره ووافيه

__________________
مجموعة من صوري





مدونتي

مشخص لا عدتمتك

بيض الله وجهك وافيه وكافيه

صح لسانك وعلا شاااانك يا كحيلان



تقبل فائق تحياتي


اخوك مسفر بن نومه

حسين ال حمدان

قريشي وخواله ال سليمان

لاهنتو على المرور وبيض الله جيهكم

السلام عليكم ورحمة الله وبركاته
صح لسانك وعلا شانك
ابدعت فأحسنت
تحياتي والى الامام

__________________
صدمة شعوري بالبشر مو غريبه &&&&&&&لاكن الغريبه ليه انا ماتعلمت

أرحب يامشخص

لاهنت ولاهان قدرك على القصيدة...

كلامٍ جزل وأشهد ان راعيها ماكذب...

صح اللــه لسانك.

صح لساانك

ولاهنت وابيض وجه

__________________
No thing

الأخ العزيز مشخص الفهري

السلام عليكم
بيض الله وجهك وصح لسانك
أنت وافي ومن ربع وافين ولاهو غريب عليك الطيب ياذيبان

تشرفت بالمرور سجل أعجابي فيك وفي القصيده

أخوي مشخص تقبل فائق احترامي وتقديري لشخصك الكريم


أخوك / سعيد بن علي بن سعيد آل حمدان آل سالم الفهر 0




كااسر

__________________

صح لسااااااااااااااااااااااااااااااااااااااااااااانك


ابيض وجه لاااااااااااااااااعدمناك

الله لايهينكم يالربع على المرور وبيض الله وجيهكم