السلام عليكم



قصيدة غزلية للشاعر محمد بن فهاد الروقي المشهور بـ (ابن حصيص )



وقالها متغزلا في ابنة جاره ابن سلوم

أترككم مع القصيدة ، وفيها بيت تم حذفه من قبل مقص الرقيب <<<<<<<< ودهم يعرفونه !!

[poem=font="Simplified Arabic,4,blue,bold,normal" bkcolor="transparent" bkimage="backgrounds/39.gif" border="ridge,4,gray" type=0 line=0 align=center use=ex num="0,black"]


هيض إبن حصيص في تالي نهاره=ألف قاف من ضميره مدرجاتي

يانديبي فوق منبوز الفقاره=آركى وحبال كوره كالفاتي

آركى يرعى نواوير القفاره=ما علاه الشد من عشر سنواتي

كن في عينه من الفرقى شراره=أو مخاليب الوحوش الطايراتي

بندور صاحبي ظبي الزباره=بو عيونٍ ياحمود مدعًًًًًًًًًًًًًجاتي

جعل ضلع طويق ياعايض وداره=جعل يمحل والوشوم مربعاتي

حيث ينزل عندنا مظعون ساره=واهتني بصويحبي عشر سنواتي

ولّعتني بالهوى والحبّ ساره=دلّهتني عن غنادير البناتي

ياحسايف بنت بن سلوم ساره=عند ابوها تدّرج مثل المهاتي

ماخبر جارٍ ذبح بالحبّ جاره=بالمبيسم والثنايا المرهفاتي

ريق ساره مثل شكر في غضاره=أو حليب ابكار عرب مسمناتي

والثنايا قحويانٍ في زباره=زاهي نبته على كل النباتي

راس ساره ذيل شقرا وسط غاره=والجدايل بالرشوش مجدلاتي

والمطوّع لو يشوف خديد ساره=ضيع المكتوب وعجّل بالصلاتي

ياوجودي وجد مكسور الجباره=ساهرٍتسعين ليله مايباتي

أو وجود اللي فضى الحاكم دياره=وخذ ماله والحريم مسلباتي

عقب ماهو تاجرٍ راعي عماره=صار صعلوكٍ علومه هيناتي

حالفٍ مااسلى ولاأنسى حبّ ساره=كود أهل شقراء يخلون الصلاتي

لايمي يعطي حنيشٍ في خباره=سمّها يشظى العظام الصالباتي[/poem]


بقية الابيات ذهبت أدراج الرياح لقدم القصيدة



منقول من كتاب شعراء قحطان

مشكور على ها لقصيده
وللعلم البيت التالي فديم عند اهل نجد

والمطوع لو يشوف خديد ساره=ضيع المكتوب وعحل بالصلاتي

ويقال عاده لمن يشاهد النسا وهو ذاهب لادا عباده ونحوه
خاصه ان الناس قديما مجتمع قريه الكل يتحرك خارج المنزل
لطلب العيش

بقي طلب اخوي بن الاروق عنوان الكتاب ومؤلفه ودار النشر
تحياتي

هلا بعاشق الوطن

مرحبا والله ولاهنت على مرورك العذب

عنوان الكتاب : شعراء قحطان

مؤلفة : عبدالله بن حمير القحطاني

دار النشر : ؟؟؟؟؟؟