ساير زمانك كان لك قلـب وضلـوع=وارج الفـرج بايـامـك المقبـلاتـي (( رشيد الزلامي ))

احببت اختيار قصيده من قصائد الشاعر الكبير رشيد الزلامي

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
البارحـه والنـاس غافيـن وهجـوع=جتنـي هجـوسـي ورداً ساريـاتـي
والليل طال وخط الارسـال مقطـوع=ياليل ياطولـك متـى الصبـح ياتـي
قزرت ساعاتك علـى ثومـة الكـوع=مالـي نديـم الا الثـلاث الخـواتـي
صفر الدلال اللي بها الهيـل مشمـوع=باشكـال وارناقـا مـعـه لايقـاتـي
واصبحت من كثر الهواجيس مفجـوع=وافكـار قلبـي شـرداً سارحـاتـي
ياسائلاً تسأل ترى الصـوت مسمـوع=وما نشـر بالصفحـه قريتـه بذاتـي
سويت لي مشروع من غير مشـروع=والزمتنـي بـالـرد دون شهـواتـي
اكيد عندك يا فتـى الجـود موضـوع=والا مسـوي بـك زمانـك سـواتـي
مسقيك من علقـات الايـام قرطـوع=وتسمـع صراعـي فيـه ومغامراتـي
فان كان هذا الامر بالشكـل والنـوع=خـل الامـر لمـكـون الكاينـاتـي
ساير زمانك كان لك قلـب وضلـوع=وارج الفـرج بايـامـك المقبـلاتـي
وان كان ما طاعتك خلك لهـا طـوع=ما انتـه بضاربهـا برمـح الزناتـي
امـا سوالـك مـا جوابـه بممنـوع=ولـو للحيـاه اسرارهـا الخافيـاتـي
اجاوبك لو مـا معـي منـك منفـوع=تحب تعـرف كيـف قصـة حياتـي
حيـاة ذيبـاً عايـش الفقـر والجـوع=ليلـه يبـات وليـلـة مــا يبـاتـي
اعيش عيشة ذيـب والـراس مرفـوع=وان قلّ مالـي عـزّ نفسـي غناتـي [/poem]


اتمنى انت تحوز على الرضى


اخوكم

ابوسعود

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة