قصيدة موجهه إلى ال حثيث الاحبابي

قصيدة موجهه إلى ال حثيث الاحبابي من قطر من الشاعر حمد بن علي ال رشده الاحبابي

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]


اقول بدايتي لاهل قطر يا سلامي = سعوديٍ يثني عليكم سلامه
اعداد ما يولج بنور وظلامي = وعداد برق ٍ في طوارف غمامه
سلام فيه الطيب عشق وهيامي = لاهل الوفا والجود كل احترامه
واخص به ربع ٍ عزاز المقامي = اهل الفخر والمدح واهل الكرامه
دعوى حثيث مرويّة كل ضامي = اللي لهم بالمجد ذروة سنامه
جوي لهم يوم الخطر ما يضامي = وقوم ٍ ليا غار تزيه الجهامه
يوم السنين اللي بها الحرب حامي = كلن على العدوان يقرب حزامه
كبيرهم سيف ٍ يقص العظامي = وصغيرهم ما هي تراقل عظامه
شجعان وان جت للكرامه "اكرامي" = وافين وان جت للفخر هم عمامه
عاداتهم حكمه وعرف وحلامي = رجّالهم بالعرف يلقى مرامه
اسم لمع بالعز بين الاسامي = هاماتهم تعلى على كل هامه
كلمة غضبهم مثل ظرف الحشامي = وكلمة رضاهم للمراجل زعامه
مدحتكم يا عزوتي يا حزامي = في مدحكم شعري تقلد وسامه
هرج الضمير وقلتها في كلامي = ومواقف اهل الطيب واهل الشهامه
تجذب هواجيس الشعر باهتمامي = مثل فعول الزير عم اليمامه
والراس شاش وهاجس الشعر قامي = وقامت على الجمّه توارد حيامه
ماني خلف ولا رشيد الزلامي = ولي فالشعر خبره واحكم نظامه
وان كان جا واجبه اثقل كلامي = واكمل حقوقه وازيد اهتمامه
واشوش له واصخر بيوته شمامي = سوات ابو زيد الهلالي سلامه
ودعوى حثيث اهل الفعول العظامي = خلتني اتحمس واطش العمامه[/poem]

وانا اقول صح لسانك وبيّض الله وجهك على ذي القصيده


انشالله انها تعجبكم

إهداء للأخ العزيز / سعد القحطاني

المشاركة الأصلية كتبت بواسطة أبو عساف صح لسان الشاعر حمد بن علي وبيض الله وجهه وآل حثيث يستاهل العلم الغانم والله لايهينك ياذيبان على النقل ولا تبخل علينا بالجديد جعلك تسلم تقبل تحياتي وتقديري أخوك / أبو عساف

المشاركة الأصلية كتبت بواسطة ابراهيم آل بي حبيب الرفيدي ودعوى حثيث اهل الفعول العظامي ................ خلتني اتحمـس واطـش العمامـه صح لسان الشاعر حمد ال رشده وال حثيث كفو للمدح وانت ابيض وجه على ايراد القصيدة

المشاركة الأصلية كتبت بواسطة ناصر بن محمد في ذمتي انهآآآ من كريم لمستحق صح لسآآآآنه وعلآ شآنه ولآهنت يالاحبآآآآبي