دعوة لن تتكرر

الاخوة الكرام

ولد النايب ماهو براعي مهايطه
بس يوم جيت مصر لقيت الدنيا رخيصة
قلت ياولد النايب مالك الا هي.
وقررت اني اعزم اي عضو من شبكة قحطان وعلى حسابي الخاص
في قاهرة المعز. فمن يريد التلبية يرسلي على الخاص
وهي فرصة لن تتكرر لمن ارسلوا لي على الايميل لمعرفة الاسم الاصلي

ويامرحبا ويامسهلا

ملاحظة

امنعونا من المطاوعة لا يجون الا يوم الجمعه
___________________


شكل دعوتي لكم بتصير مثل مجلس التراحيب

مرحباُ مليون ومرحباُ الف
ومرحباُ عداد المطر

والنتيجة ........


اشكر من لم يلبي الدعوة



ارجوا من المشرفين ان يضيفون حرف الراء فقد سقط سهواُ نظراُ لكوني أثرم

___________________

ياعوال الشايب
جالس اكتب لكم من محل انترنت
لو ان بعضكم فيه ما عاد عود لربعة

نكته:
تذكرت نكته قديمه ارسلها لي احد الاصدقاء قبل فتره تقول:
كان فيه قحطاني مع لبناني في لبنان وقال اللبناني للقحطاني:
شوف ياطويل العمر : هاي ضيعتنا .
التفت له القحطاني وقال: الضيعة والله قعدتي في الصبيخة.
اما انا فاقول الضيعة والله قعدتي في العلوبي

السلام عليكم ورحمة الله وبركاته

ارررحب ياولد النايب

شف تراك قلت دعوه وعلى حسابك الخاص
بس ابي اسألك التذاكر عليك والا علي
يالله رد لي خبر لأني ترى بروح لمصر
ابي دار الوثائق المصريه اللي تابعه لوزارة الثقافه المصريه

ترى ان ما ارسلت لي التذكره معناته انك مهايطي بس

وبعدين النكته والله انك غلطت على الصبيخه

والله ان توني جاي منها امس
انا اشهد انها ديار العز

رحت ومريت تثليث ثم جاش ثم الصبيخه

وتغديت عند الشيخ مناحي بن شفلوت
وانا اشهد انه راعي كرم ابو ذيب

وحضرت صلح المشاعله وآل غانم

<<< ادري اني شطحت برى الموضوع

المهم ولم التذاكر

جايك جايك

__________________

ولد النايب
السلام عليكم ورحمة الله وبركاته
ترى اخوك هاني عندك لاتنسى تدعوه على فنجال يوم الجمعه
وبعدين شكلك بتحول الربع عندك في قاهرة المعز دام الدعوى محفول مكفول
ولله بنكثر من العشتو على قولة الحضر ومادام فارس قحطان رايح يبي المكتبه
انا بعد ودي احضر جلست البرلمان الخاصه باقرار التعدديه في الانتخابات ومنها نسير عليك

عاشق وطن
تحياتي

هههههههههههههههههههههههههه ولد النايب
ههههههههههههههههههههههههههههههههههههههههه
تكفىىىىى انتظرني اسبوعين عندنا زواج وهو اللي ماخرني عن الطلعه
ان بغيت ايا شي من مصر او ايا شي من هناك بس ارسل لي رساله
حتى لو تبي بودي قارد ارسل لك ههههههههههههههههههههههههه
لا من جد والله يا ولد النايب ااشر بس اللي تبي من مصر
تحياتي يالله يارب ما يروح ولد النايب

<<<<<<<<<ترى سوريا ومصر من عندنا قريبه
هههههههههههههههههههههههههههههههه

__________________

فارس قحطان

حط ايدك على راسك شف هو بعد محله والا لا
تحسبنب انهبلت.
اقولك ابغى اهايط يوم عينت الديره رخيصه
وانت تقول تذاكر. يارجال حق التذكره يسكنك اسبوعين مع العزبة

الا تدري.
شكل الصيفية فلستك
اركب في النقل الجماعي الى الوجه وبعدين على العبارة الى نويبع وبعدين في الباص الى القاهرة
واذال وصلت هناك تلقاني رجعت.


اما النكته فهي نكته لا تجيب ولا تودي
بس الرجال شاف شي ما بعد شافه.

ملاحظة
قصدك دار اوبرا المصرية
هههههههههههههه
على مين تلعبها
تراني قايل لبوي
باروح للصعيد اجيب فلاحين.

عاشق الوطن

محفول مكفول


فيه مثل يقول:
طاح العبيدي في نصيحته

الظاهر انها آخر عزيمه في حياتي

بس
حياكم الله

السحيمي
ياهلا وغلا

اذا ما عليك امر جبلي كيس رز ابو كاس

اللي عندي خلص.