الله خلق والله فرق في عبيده .. للشاعر خليل بن هدلان

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="1,black""]
الله خلق والله فرق في عبيده = والكل منهم له مناهيج وطبوع
راع العقل يسعى ورا ما يفيده = وراع الجهل يسعى ورا كل ممنوع
والعرف نهج للعقول الرشيده = والطيش كم ضيع من الناس مقلوع
ولو ان الاريا كلبوها سديده = ما صار بين الخلق تابع ومتبوع
والهرج للي ينقله وش يزيده = مدام يبنى له من السو مشروع
ما كل مسموع علومه مفيده = والصمت في بعض المواقيف مسموع
وكلٍ يصيد وكل طيرٍ وصيده = على حسب هدته بالكم والنوع
والحر ما يرضى يصيد الزهيده = لو تعترض قدمه وهو ضايمه جوع
ضاري على صيد الجزال الفريده = من مخلبه لا هد عشى له جموع
وطير الفلس عسى المنايا تصيده = لا نافعٍ نفسه ولا منه منفوع
ومن لا يحوز الطايله في رصيده = اصعب عليه النعم من حبة الكوع
وش عاد لو عمّر سنينٍ مديده = حيٍ وكنه ميتٍ قاصر البوع
احد يساوي من فعوله بديده = واحد عدد يحسب من حساب مجموع
والهون زرعٍ ما ينومس حصيده = ولا يهان اللي به العز مزروع
[/poem]


الشاعر خليل بن هدلان

__________________

مرحبا ياعلي بن مسفر لاهنت ولاشنت وصح لسان الشاعر
خليل بن هدلان على الابيات الطيبه ولاهي
عليه بغريبه وهوحفيد شالح بن هدلان راعي
المثائل والشجاعة والفروسيه يوم كل له علمه وفعله اشكرك

__________________

الطيب والخيّب في كل مكان وزمان وليس في عبيده فقط..ومحاولة تلميع ناس معينين في مواضيع اخرى ليس من شيم العرب بشيء.الكفو يعرف من غير قيل وقال مثل ماذكر الشاعر في القصيده اعلاه.
أشكرك على القصيده اللتي جاءت في وقتها وفي مكانها وصح السانك والسان الشاعر

ا




الاخ العابسي الصقري القصيدة واضحه واللي يعرف الشعر مايصعب
عليه مفراته وهو مايقصد قبيلة عبيدة يقصد يقول
نحن كلنا عباد لله ولو كان يقصد ربعنا عبيدة
قحطان فونعم بهم والقصور بعيد من صبيان قحطان وانا بهذا
الرد احببت التوضيح عن اللبس في الكلام وسلامتك

__________________

[poem=font="simplified arabic,7,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
حنا عبيدة والمزايا عديده=من عاد بقعاء بالتمخطر لها اسنوع
فينا المدايح والمذمه بعيده=اصعب على المقرود من حبة الكوع
نقني الذي لامن تمكن حديده=تجيك وقعاته عريضات وتروع
اسرع على الرماي من زوغ صيده=ويصبحبها القايد مع الناس متبوع
واللي يدور للردى والمكيده=يروح خده من ردى النفس مصفوع
والشاعر اللي حبك بيته يجيده=حقه على بدع التماثيل مشروع
واحدٍ حلاله عز واحدٍ سديده=حده وراء شبكه من الخير مقطوع
وشراوي فالضيقه ينومس رصيده=وفي حبك منطوقه راعي العقل مقنوع
والله يدبر فالبشر مايريده=وغير الذكر والدين مافيه مطموع
[/poem]

مرحبا ياعلي بن مسفر لاهنت ولاشنت وصح لسان الشاعر
خليل بن هدلان على الابيات الطيبه ولاهي
عليه بغريبه وهوحفيد شالح بن هدلان راعي
المثائل والشجاعة والفروسيه يوم كل له علمه وفعله اشكرك

__________________