أبو فرحان & الهيثم

مروركم الأروع

لكم كل التحايا

.....................

الموضوع الحادي عشر :

بعنوان : هل يمكن إرضاء النساء ؟؟؟ الجواب ((( ماهوب ظني !!! )))

................

--------------------------------------------------------------------------------

هذي سالفة جاتني على الايميل تبين انه ما فيه شي يرضي النساء ... هههههههههههه


======================================

تم افتتاح مركز تسوق في دالاس..

حيث يمكن للسيدات الذهاب واختيار زوج من بين مجموعه كبيره من الرجال ....

المبنى مكون من خمسة أدوار كلما صعدت للدور الاعلى كان الرجال أفضل في الصفات و المميزات .



(((القاعده الوحيده أنك لو فتحتي باب أي دور من هذه الأدوار لابد ان تختاري زوجا أو تصعدين للدور الأعلى)))

((( ولا يمكنك الرجوع مره أخرى ..... النزول يكون للخروج بلا عوده فقط !!!)))


فذهبت صديقتين إلى المركز لاختيار زوجين



الدور الأول عليه لافته تقول :



( الرجال هنا لديهم وظائف محترمه ويحبون الاطفال )

فقالت الفتاتان لبعض : حسنا هذا أفضل من ألا يكون لهم وظيفه أو الا يحبو الأطفال........... ولكن لنرى ماذا في الدور الأعلى



الدور الثاني عليه لافته تقول :



( الرجال هنا لديهم وظائف بمرتبات عاليه ويحبون الاطفال .. وفي غاية الوسامه )

قالت الفتاتان .. ممممم .. ولكن ماذا في الأعلى ؟؟؟؟؟



الدور الثالث عليه لافته تقول :



( الرجال هنا لديهم وظائف بمرتبات كبيره..ويحبون الأطفال..في غاية الوسامه ويساعدون في شغل البيت )


قالت الفتاتان: وااااو .. رائع .. ولكن ماذا قد يكون في الأعلى ؟؟



الدور الرابع عليه لافته تقول :



( الرجال هنا لديهم وظائف بمرتبات كبيره .. ويحبون الاطفا ل.. في غاية الوسامه ويساعدون في شغل البيت .. وفي غاية الرومانسيه )


فقالت الفتاتان : يا إلهي . .تخيلي ماذا يكون بانتظارنا في الدور الاعلى



فصعدتا الى الدور الخامس ......



ووجدتا لافته تقول :

((( لا رجال هنا وهذا الدور فاضي وموجود فقط لإثبات أنه من المستحيل ارضاء المرأة ))) ...

__________________
No thing

سعيد بن مذي


الله يسعدك


أجدد أعجابي بأفكارك

والله يوفقك

__________________



لأستشاراتك القانونية أضغط هنا
لوجه الله تعالى

فكره حلوه يا سعيد

تسلم والله على المواضيع الرائعة

تحياتي

__________________

أبو جابر & ال معمر

مشكورين على إهتمامكم بالموضوع

........................

الموضوع الثاني عشر

بعنوان : أشهر الكلمات السعودية المضحكة

للعضو : يحيى بن عبد الرحمن آل شاهر

..................

موضوع ملطوش (((((( منقووووووووووووووووووووووووووول))))))
((أشهر الكلمات السعوديةالمضحكة))
الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله.

المنسم : ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم .

المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...

الشخر المخر أو أبو مشخر ! : من نفس فصيلة المنسم !

السلنتح : قليل الأدب

جحلط ( بتشديد اللام ) : وهم مرحلة متقدمة للسلنتح

مزّلب : يعني بايعها بتراب !

مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة

الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ...

المفهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه ...

الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!....

العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه......

العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري...

الكحلي : يطلق مسمى الكحلي على ذوي البشرة السمراء و لأن ذوي البشرة البيضاء مساكين ما عندهم لقب احتجوا عند الأمم المتحدة مطالبين باللون الفضي ....

المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .

المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....

السربوت : هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء.

السمرمدي : وهو من نفس فصيلة السربوت.

الداشر : هذا قليل الأدب و لا يحب يماشي إلا السرابيت . و إذا قيل فلان دشر فلان أي خرب أخلاقه لكن في الأردن الشقيق كلمه دشره تعني أتركه..

الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك .

زعّيط : مسوي نفسه يفهم في كل شيء وهو من جنب العارضة.

المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ...

المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش....

الخكري : ببساطة الخكري = نعومة + دلع + ليونة والله لايبلانا...

اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهكذا

__________________
No thing

السلام عليكم ورحمة الله وبركاته


ابن مذي...سجل تواجدي الدايم...لمواضيعك المميزه

__________________

بن خرصان

جعلك سالم يالغالي

.......................


المضوع الثالث عشر :

بعنوان : حاصل وبكثرة ذا الأيام (( صورة ))

للعضو : محمد الحياني

................................

__________________
No thing

سعيد ابن مذي مشكور على هاتميز فكره جدا ممتازه
وسجلني متاابع لموااضيعك

__________________

الله ولا بعض السوالف والعلوم
تحمل الرجال مالا يقدره

ابو فارس

العفو وأشكرك عالمرور والتفاعل مع الموضوع

....................

الموضوع الرابع عشر :

بعنوان : امثال محششين

للعضو : بو نهار العاصمي

.....................

اليكم بعض من امثال المحششين .........


اللي ما يطول العنب **** أكيد انه قزم
*********
حلاة الفنجال... رقعته منه وفيه
*********
لسانك حصانك ..إن صنته صانك.. وان خنته رفسك على جبهتك
*********
الظروف خلت العنزه خرروف
*********
من راقب الناس ... صار مشرف << قويــه
*********
ليس كل ما يحفظه الطالب يفهمه وتأتي الاختبارات بما لا تحتويه الكتب <<
*********

إذا كان صديقك عسل .. الحسه كله وما جاك علي
*********

من طلب العلا نام الليالي ......وشد اللحاف وآل (قال) انا مالي
*********
بعض الجروح لاجت من الأحباب عادي ...بس القهر لو ما لقيت لزقه !!
*********
ما طار طير وارتفع ... إلا وجاك على التنده
*********
على قدر المعازيم تأتي العزائم
وتطير على قدر الحريم الدراهم <<
*********
يا مدوّر الهين ... توّي شايفه بالحوش
*********
ما كل ما يتمنى المرء يدركه
تشرب شاني وأنت مشتهي سفن اب
*********
عندما أهديك شموعاً
فاعلم أني سأفصل الطبلون
*********
اللي يبي درب السلامة يدله
و اللي يبي درب الشر ياطا ثوبي
*********
إلى صفا لك زمانك ... لا عاد تحرك الانتل
*********
إن كنت ريحا .. فانتبه لملابسنا اللي على الحبل
*********
فلا والله مافي العيش خيرا
ولا الدنيا إذا ذهب الجريش
*********
ـــــــــــــــــــــــــــــــــ
أسافر عنه من ديره لديره **** والله ياهو نشبة بعد ؟
*********
لي صاحبن إذا ضحك قبل أمس **** يالله تلايم خشته عقب باكر
*********

لا تآكل لحم الذياب الضواري **** ترا طعمها ما له داعي بقوه
*********
إذا رأيت انياب اليث بارزون **** ذيك الساعة تعرف انه يستخدم سيجنال 2
*********

مد رجولك على قد شرابك
*********

اللي ما يقدر على الهواش .. ترى الزبيريه سداده
*********
إن كان حبيبك قشطه .. فالله الله بالتمر
*********
كلن يرى الناس بعيونه
*********
إذا كان حبيبك عسل حطه بالثلاجه !
*********
وما نيل المطلب بالتمني **** ولكن تؤخذ الدنيا بالمشعاب
*********
إنما الأمم الأخلاق ما بقيت **** فان هم ذهبت أخلاقهم مالي دخل
*********
الخيل والليل و البيداء تعرفني **** والباقي والله مدري وش الدبره فيهم
*********
قم للمعلّم وفّه التبجيلا **** وإذا ما عطاك وجه بنشر كفر سيارته
*********
من طلب العلا.... طلع السطح
*********
خير الكلام ما قل و دلة قهوة
*********
إن كان ودك تعرف وش كثر مغليك **** عدّ نجوم السما ومالي دخل إذا جاك ثالول؟
*********
أنا الذي نظر الأعمى إلى أدبي **** (أدبي ولا علمي)... ويوم شافة قال لي "بشر أمك"
فقلت له "أمك أقرب" *** فقال لي "يا قدمك ذكرتني بأيام الابتدائي"
*********
أمس الضحى تالي الليل ونّيت **** ونّت جريح مابه إلا العوافي
*********
البارحة يوم العرب شدو شديت معهم **** اجل اقعد لحالي

ارجوا انها اعجبتكم


منقول/بردوقي

__________________
No thing

صراحة افكار ممتازة والف شكر

عبد الله بن ناصر

العفو وشاكر مرورك

الموضوع الخامس عشر

بعنوان : هذه قصتي واليكم قصتي

للعضو : أبو زياد / عبيدي الدمام

...............


قبل ما ابدى لكم قصتي ابي اوضح للناس اللي ما يعرفون وشي (‏القضوم)


‏القضوم / ‏عباره عن حبوب يسفها الملجلج سفاً بفمه
وهي حبوب مسهره ياخذونها سملق شرق الرياض ايام الاختبارات علشان يجيبون درجات بس بسببها يجيبون العيد


بالنسبه لقصتي واللي هي كالعاده انتهت نهايه مأساويه

بداية قصتي.. ‏كنت معزوم بزواج واحد من اخوياي دوسري وكأي واحد معزوم رحت وسلمت عليه وباركت له على زواجه وغمزته له وقلت يا حليلك مستحي << ‏ماهوب وضح على هالكويحه مستحي ولا فرحان ولا زعلان من سواده

وعقبها جلسنا وتقهوينا وتعشينا وعقب العشاء جيت بأسلم عليه وبأمشي بس الرجال لزم علي اني اقعد

سألته وشي السالفه ؟؟؟ قال لي فيه فعاليات عقب العشاء

قلت وشو ؟؟ فعاليات ؟؟ سحب على سياره ولا العاب ناريه << ‏يا شين اللي متعودين على مهرجانات سوق الشعله

قال تعال اجلس وبتشوف ؟؟

وفجأه واول ما جلست طلعو علينا جوالي 30 ‏قهوجي بيديهم صينيات وبها بيالات شاهي ووزعوها علينا

شربت اول بياله وعقبها دفوني ببياله ثانيه

وبعدها جانا ابو المعرس وقال لنا : ‏تفضلوا برا << ‏تحسون قمه الاذلال من ذي الطرده

طلعنا برا ولقينا الشباب فارشين الزل ومادين الطيران وانواع الفله
بدو يحمون الطيران ويجهزونها وشوي الا احس رعشه بجسمي والنشاط يدب فيني

التفت عن يمين ولقيت شايب بيده مشاعب متكي عليه ومنحني ظهره

رحمته ورحت له وقلت يا خال تبي اجيب لك كرسي ؟؟
قال لا بس جب لي بياله شاهي

رحت وعطيتها بياله شاهي واول ما شربها صلب طوله ورمى العكاز وقعد يهبد صدره بيدينه مسوي طرزان التفت حولي ولقيت الشيبان كلهم نفس الحاله

وبدا الطق
طمبق طمبق طمبق طمبق طمبق طمبق سرىىىىىىىىىى سرىىىىىىىىىىىىىىىى طقطقطقطقطقطقطقطقطق

واستلجو البشريه وبدى الهز

طالعت بالساعه لققيتها السااعه وحده ولما قضو اول شوط لقيت الساعه 4 ‏فجر

جيت وقلت بشوف وش بالشاهي ذا ؟؟ لايكونون حاطين به سنافي وخلى الشبيبه تستلج << ‏على نياته

شرب لي بياله ونزلت الميدان معهم وبديت اجذب الانظار

ومن زود الفسقه والتصفيق عطبتها وصرت ارقص ماكرينا على السامري واسوي سحبة مايكل

وقعدت ارقص وازبد وحالتي حاله شوي وجاني زاار واستنزل واستنزل

واطيح متصلب بالارض على شكل صليب
ايديني ممدوده وجسمي متصلب ؟؟؟ جو وشالوني وخلوني اتكي على جدار القصر طالع فيني احد الشباب وقال احلى عندنا نسخه من فيلم الالم المسيح
صحيت من طيحتي ورجعت لبيتنا عالظهر وسحبتها نومه الين اليوم الثاني الظهر وقمت مهدود حيلي
دقيت على خوينا المعرس بأعرف منه وشي السالفه ؟؟ كلمته وسألته وش بالشاهي اللي خلنا نشيطين لذي الدرجه قال لي انهم حطو بالشاهي حبوب
انا قلت ياخي عطنا منها دامها منشطه وتخلينا اقوياء ورهيبين << ‏ما ودك تنطم

اخذت الحبوب من الرجال وكنت ناوي اسفها بالليل لا نامو الشيبان ببيتنا

وعالساعه 12 ‏لما نامو الشيبان سفيت لي كم حبه وشوي احس بالنشاط وقمت اتلوى من النشاط !! ‏قلت بنزل الحوش لعل وعسى اركض ولا شي ويروح النشاط
نزلت الحوش ولقيت سيارتي مغبره وحالتها حاله ومسكت معي اغسلها وجبت السطل والصابون وبديت تمسيح وتغسيل ومن زود الحماسه غسلت المكينه والشكمان والمراتب

وما حسيت بنفسي الا وانا مغسل كل مواتر اهل الحاره وكانس الشارع
وعقب هاليوم وانا ادمنت هالقضوم وصرت اسفها واحس بالنشاط يدب في اوصالي << ‏اموت يا مفردات
ومن زود النشاط صرت اشتغل وظيفتين ... ‏بوظيفتي الرسميه في الصباح وعقب العصر اشتغل اشيل بلك مع افغانيه <<< ‏يقول بنفسه يا رب ما يقرى لقمه ولا الخبل المملوح ولا د.‏حجازي الموضوع
وعقب هالادمان صرت عربجي وراعي تفحيط ومقاومات .. ‏وبأحد هالايام وانا في حاله من اللجلجه وقفت عند اشاره على موتري (‏ددسن 88) ‏ووقف جمبي راعي فراري ولقيته يطالع فيني بنظره مشبوهه << ‏تكفى يا روبي

نزلت الدريشه وقلت تقاوم يا الحبيب ؟؟؟ قال ايه يا الزلابه << ‏لا تعليق من جد

فتحت باب موتري ونزلت وحطيت بتانكي البنزين 8 ‏حباب شبح << ‏من اقوى انواع القضوم
وقلت يالله ابن امك تسبقني << ‏حتى موتره يقضم

ولعت الاشاره خضراء وحطيته بالاول ودعست ؟؟؟؟؟؟؟ وقمت عليه ومن زود الحماسه مسكت خط ولا حسيت بنففسي

بس اخر شي اخبره لوحه عالخط مكتوب الحدود الاردنيه

رجعت للرياض وانا حالتي حاله ومتلخبط و رحت لمستشفى الامل وعالجوني من ادماني وصرت رجال وش زيني

بس طحت لك بشله داجه كلهم صعايده وخلوني ادمن شم بويه

واعتزلت العالم واعتزلت اهلي واخوياي وفرغت وقتي للشم ولخدمة المجتمع


ThE EnD



‏ما يستفاد من القــصه :

1/ ‏لا تشربون شي ما تعرفونه
2/ ‏اتركو عنكم العربجه والحركات البايخه وخلكم سنعين وتحبون ماما وبابا
3/ ‏الله يعز الحكومه << ‏لا زال تحت تأثر الشم

__________________
No thing