المشاركة الأصلية كتبت بواسطة منصور العبدالله

السلام عليكم ورحمه الله

بيض الله وجهك يابو جابر على ضيفنا الجميل والرائع

عبدالرحمن المشجري - أبو فيصل

سفير الإبتسامه - يحضر فيكون حضوره غير ليكون بالفعل غير

يشارك وتكون مشاركاته ليست مجرد مشاركه ولابد ان يكون مختلفا

اجمعنا جميعا على حبه وغلاته ونفرح بحضوره فهو خلال فتره وجيزه قاعده شعبيه

فصار صديق الجميع مع اختلاف طبائعهم وأعمارهم

لنكتشف ان هذا العضو الرائع والمميز لازال في اول سنه ثانويه فنتأكد انه سبق عمره بسنين

نفخر ونفرح في هذا الصرح الجميل ( مجالس قحطان ) ان يكون عبدالرحمن المشجري منتسباً لها.

ابونواف لاهنت على الكلام الحلو .. وترااااك تحرجني -------------------------------------------------------------------------------------------------------------------------------------------------

هلا وغلا من جديد يابو فيصل وخذ عندك بعض الأسئله بعيدا عن السيارات والتفحيط

1- بعطيك مليون ريال ...وش بتسوي فيها؟
مليوووون بشتري به عماره <<وبعطيك شقه وانت تستاهل اكثر

2- أقرب الناس لعبدالرحمن المشجري في ( البيت - المدرسه - الحاره - مجالس قحطان )؟
البيت: ابوووووي
المدرسه: خالد العمري
الحــاره: فيصل النجار
مجالس قحطان: حسين الفحوس<<ويعلم الله ان الجميع له معزه بقلبي

3- شيء ممكن نضيفه في الاستراحه لتخرج بحله اجمل ؟
يا اخي استراحتنا ما شاء الله تبارك الرحمن كامله والكامل الله

4- وش رايك في علاقه مشرفي الاستراحه في الاعضاء وهل هناك اي تحسس من قبل الأعضاء اتجاههم ؟
لا والله انا ما لاحظة شئ .. بعدين فيه استراحه بالعالم فيها مشرفين زيكم وتصير فيها مشااااكل5- لونك المفضل - مطربك المفضل - عصيرك المفضل ؟
لوني المفضل: الابيض <<والازرق والاسود
مطربي المفضل: رااااااااااابح صقر
عصيري المفضل: العصيرات الطازجه & راني حبيبات

وباقي عندي اسئله بس ماودي نثقل على ضيفنا الجميل والرائع
انتظرها في مرور اخر

باقه ورد اهديها للمشرف ابو جابر على حسن اختياره ومجهوده الجميل
ابوجابر يستاهل باقه وحديقه وبستان وروووود

باقه ورد اهديها لضيفنا الجميل والرائع عبدالرحمن المشجري .
الله يسلمك يالغلا

تحياتي وفي رعايه الله

المشاركة الأصلية كتبت بواسطة تركي العلياني

ضيف مميز

واختياااار موفق

نور المجلس


ومشكووور يابو جابر على الضيف

ماعندي شي غير الي قالوه الاخواااان

دمت بود

المشاركة الأصلية كتبت بواسطة @ابوريان@

السلام عليكم ورحمة الله وبركاته
عليكم السلام

الاخ ابو جابر تحياتي لك على استضافة الاخ / عبدالرحمن بن عادل بن احمد المشجري الحميـــري

اخي عبدالرحمن مرحلة الثانوية مرحلة حرجة لكون الطالب في مرحلة مراهقه ومعرض لمعرفة الشباب

فهل تختار الاصحاب كل من يبي يتعرف عليك !!!!!
انا احب معرفه الرجاجيل مثلك وشرواك ولا يهون الاخوان
بس طبعا موب اي احد .. يعني يجيك محبب وداشر وامشي معه استحي امشي معه اصلا

هل اذا حصل لك مشكلة مع الاصحاب في المدرسة تبلغ والدك عنها أم تجمع الشباب وتقوم بالمظاربة بصراحة !!!!!!
اذا مشكله كبييييره اكيد بعلم ابوي
شوف انا ارووووح ادور المضاربه بنفسي لا لا .. بس يجيني واحد يبي يضربني والله ما علي منه ضاربه ضاربه باذن الواحد احد

الشباب في هذي المرحلة يحبون تقليد الفنانين والمطربين والاعبين فهل تقلدهم بصراحة !!!!!!!
انا ما اقلد احد بقصد .. بس قد اكون اقلد احدهم من دووون ما ادري .. انا ما في نيتي اقلد احد منهم

تحياتي لك يالغالي

المشاركة الأصلية كتبت بواسطة أبوجابر القحطاني

خخخخخخخخخخخخخخخخخخخخخخخخخخخخخخخخخخخخخخخخههههه

خف الرمي تكفى ياسعيد



عبدالرحمن المشجري

نعود أليك

نبيك تشغل مخك معنا وتفكر وتعبر وتكثر من السواليف

ماتفع ردود أبو سطر سطرين ذي
ليه يا اخوي يقولك: "خير الكلام ما قل ودل"

ماتروي نهم الاعضاء المتشوقين لسواليف الطيبه


عبدالرحمن

أبيك تعطيني رايك بصراحه في الاعضاء التاليه أسمائهم

وتر ماهو بلازم تمدح يعني ألي منت مقتع فيه عطه من خشم البندق

وراح نعتبرها وجهة نظر نحترمها جميعاً

بس أهم شي لاتمدحهم كلهم عطنا الصدق

السؤال الاول:

1_

منصور العبدالله
ابونواف عضو رائع .. محبوب من الكل
تعجز الكلمات عن وصفه

2_

ماجد الخليفي
سفيــــر الاستراحــه .. عنده محرك بحث على الصور خاص فيه
يعني لو تبي يجيب لك صوره رجال يفرك عينه ويفتح باب السياره يجيب لك خبره <<خخخخخ ما شاء الله عليه
ودائما ننتظر منه كل جديد

3_

تركي السنحاني
تركي عضووو متــالق .. لا تمل من سواليف وعلومه <<وترى اخر خبري به كان اعرج
وعشان توصفه صح يبي لك دفتر ابو 60 وجه ووجه <<خخخخخخ4_

فارس قحطان <<< تر هذا المدير العام يمكنك ماقد شفته
ابومسفر بعد ما سجلت بفتره هو انقطع
بس والله ما اسمع عنه الا كل خير
واتمنى ان يحصل لي الشرف بالتعرف عليه اكثر
واريد ان اهديه هذه الورده لانه جمع الرجال الطيبين رجال قحطان في مكان وااااحد 5_

وش تشجع؟
العقل السليم في تشجيع الزعيم

هذا تر ماهو أسم عضو بس أبي أحجرك علشان ماترد عليهم كلهم معا<<لو ما ذكرتني كان قلت لك رجال طيب وعلومه زينه وما فيه حيله خخخخخخخ
السؤال الثاني:

كيف الحال؟
بخير يا مال الخير <<الله يهديك اسئله فيها تعبير فكني منها .. الحين الاسئله الجايه كلها عبر ههههه


السؤال الثالث:

وش طموحك في الحياه يعني وش ودك تصير في المستقبل؟ <<<<ورخ فيها
ان شاء الله بصير "بزنس مان" <<رجل اعمال عالمي بعد




وشوكرن
عفون

أي خدمه من المجلس العام بروح وعود عليك
سلامتك .. سلم على الربع هناااااااااااااك

المشاركة الأصلية كتبت بواسطة مشاري بن نملان الحبابي

أرحب يا بو عادل ...
ابقى يا رجاااااااال يالله حيه

والله ما خلى لناأبو فارس شي حتى نسألك ...
احمد ربك تراه بغى يخليها 100 سؤال بس طلبته يعمل دسكاون

س / كم عمرك ؟
17 سنه

س / في أي حي من أحياء جدة تسكن ؟
في ابحر الجنوووووبيه (المرجان) <<هالحين مالك حجه اذا جيت جده لازم تجينا

س / ما رأيك في من أدمن الأكل من المطاعم وخصوصاً أهل جدة ؟
الله يعينهم .. يعني في ناس صدق ما ياكل من البيت ابد
مره كنت مع ابوي في استراحه واحد فال: تبي مشروووووع ناجح مستحيل يفشل افتح مطعم او بوفيه<<هو صااااادق

س / ما هو رأيك في النظام التراكمي المعمول به في الثانوية ؟
والله انا ما جربته ولا عندي معلووومات كامله عنه .. بس على ما سمعت انه غبي وما له دااااااعي

س / لو أصبحت مسؤؤلاً في لجنة الابتعاث بوزارة التعليم العالي .. فما اللي ستقوم به ؟
اذا استلمت المنصب باتصل عليك <<

وأخيراً أشكرك على سهة خاطرك ورحابة صدرك ..
الله يحيك وننتظر مرورك القاااااادم.

والسلام عليكم ورحم الله وبركاته ...
وعليكم السلام

مشاري بن نملان الحبابي

المشاركة الأصلية كتبت بواسطة هبشان

أرحب
ابقى يالله حيه

والله ما بصير غثة مثل ابو فارس ....!!
لا بالعكس ابوفارس يمووووون علينا جميع <<بس ليته ما يعيدها خخخخخخخخخ

فتح مكتب تحقيق
مسوي كونان على غفله

عالعموم حبيت اسلم عليك
الله يحيك .. وانتظرك في مرور اخر .. تحياتي


أخوك