تحيه للجميع

قصيدة رثاء في الشيخ/مترك رحمه الله




[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
،، ،، ،، ،،


يالله ياجابر عزا كل منضام=ياواحدٍ ماترجي الناس غيره
ياعالم غيب الليالي والايام=ياجابرٍ كسر العظام الكسيره
انت الذي حكمك علا كل الاحكام=وماتحكمه نرضاه شره وخيره
اجبر عزا اللي يسهر الليل مانام=يونس على المعلوق مثل السعيره
اللي غدا ليله تفاكير واحلام=وعينه تحاير بالدموع الغزيره
يكنى مايونس في ضميره من الام=وانت الذي تعلم بما في ضميره
اللي فقد له شيخ ماهوب ينلام=لوينقضي عمره وعينه سهيره
خسارة ماهيب تحسب بالارقام=ولايعوّضها فلوس وذخيره
لو العمر واستغفر الله ينسام=سمناه في يومٍ تقّطع غثيره
مصيبة كبرت على الخاص والعام=مصيبة سارت على كل سيره
وتناقلوها اهل الصحافه والاعلام=وتعالموا فيها شعوب الجزيره
والمملكه عزّوه شعبٍ وحكام=وقحطان عزّو فيه من كل ديره
حتى ولو صابت هل الشرق والشام=لكنّها على عبيده كبيره
في فقدهم زيزومهم عوق الاخصام=لاجاء من الحف الموالي نذيره
شيخٍ ماهي شيخة ملايين واختام=يابعد من ينطح وجيه المغيره
حكيم راي وفي المهمات جزّام=الوقت يشهد والمواقف شهيره
لافاق حجم المشكله كل الاحجام=وتباصروا فيها الوجيه السفيره
وقل الحكى والراي في فتل وابرام=والراي عوّد في النهايه لاميره
واحتاج حل المشكله عزم واقدام=يديرها اللي كل رايٍ يديره
شيخ ينومسنا مقامه لياقام=واستدرك الموقف بحزم وبصيره
من خلقته مأخلف تعاليم الاسلام=خوف من اللي عالمٍ بالسريره
هومنقذ المسجون من حكم الاعدام=وملجا لمن قصّر زمانه مسيره
هونجدة الملهوف هو ريف الايتام=عون الضعيف اللي يدينه قصيره
يالله عسى مثواه في جنان الانعام=ياواحد ماخاب من يستجيره
وعسى العوض في اللي لنا درع واحزام=طالت عمار مكمّلين المسيره
ويديم عز اللي لنا عز ووسام=مادام حيٍ ماعلينا قصيره
والموت حق وموعد الحي قدّام =والحي لابدّه يواجه مصيره
واختامها صلوا على سيد الانام =اللي هدانا للدروب المنيره
اعداد ماهبّت ذعاذيع الانسام=واعداد ما غنّى حمام الجديره.



الشاعر/ابن حبشــــان[/poem]

__________________

صح لسااااااااانك

لاهنت يابن حبشان

__________________

__________________

سلمت وصح لسانك

كلام عجيب من شاعر قوي

اخوك سعد بن شفلوت

أبو مناحي من زمان ننتظر هالقصيده واللي واثقين منها والله يبيض وجهك وتسلم ياراعي الجزلات

[poem=font="Simplified Arabic,4,darkblue,bold,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]
اللي فقد له شيـخ ماهـوب ينـلام=لوينقضـي عمـره وعينـه سهيـره
خسارة ماهيـب تحسـب بالارقـام=ولايعوّضهـا فـلـوس وذخـيـره
لـو العمـر واستغفـر الله ينـسـام=سمنـاه فـي يـومٍ تقّطـع غثـيـره
مصيبة كبرت على الخـاص والعـام=مصيبة سـارت علـى كـل سيـره
وتناقلوها اهل الصحافـه والاعـلام=وتعالمـوا فيهـا شعـوب الجـزيـره [/poem]

شــــــــــــــــــاعر جزل .... شـــــــــــــاعر كبير .... شــــــــــاعر مميز .... يابن حبشان
صح لسانك على هذي القصيده وبيض الله وجهك ونتمنى منك المزيد من الروائع
اخوك
ابوابراهيم العبيدي

ارحب ارحب
ياابن حبشان
وصح السانك صح السانك
ورحم الله الشيخ / مترك واسكنه فسيح جناته واموات المسلمين
ابن حبشان
قصيده جزله جزله وقويه وهذا شي غير مستغرب على شاعر بحجمك ياابومناحي
وارجو ان لاتطيل علينا الغيبه ..فأانت من الشعراء اللي الموقع في امس الحاجه لهم ..
اخوك
اللي معجب جدآآ في قصايدك
خالد

__________________
[frame="4 60"]لااله الاانت سبحانك اني كنت من الظالمين [/frame]

صح لسانك يابو مناحي على القصيد اللي

فعلا كبير ماينظمه الا شاعر كبير

__________________
[img]http://www.****************************************************/up/uploads/71585128aa.gif[/img]

حتى ولو صابت هل الشرق والشام ______لكنها على عبيده فقيده

شاعر المواقف ابو مناحي كل بيت يجي احسن من الثاني

__________________
أسهر إلى نامت عيون الهداريس= بالليل أساهرساهرات النجومي
أونس بقلبي مثل صالي المحاميس=الله يــــــلوم اللي لحالي يلومي