البارحه جريت صوتـي وغنيـت
واونست قرع الموت من كثر همه
اليا سليت وصرت كنـي تشاليـت
جتنـي وسومـه بالعنـا مدلهمـه
يلعبي الهوجاس لصبحت وامسيت
كني عدو (ن) لـه ومبلـي بدمـه
يحرم علي لو انك رجل تقاضيـت
وقع الغلام اللـي تقاضـى لعمـه
قابل غريمه واعتزى.. قال انا جيت
وياسعد عين (ن) دينها اليوم تمـه
بيمناه كفـو منـوة(ن) للمناعيـت
معبارهـا العمـان لا ثـار شمـه
ترى الرجال رجال يومك تهزيـت
من لا حسبها جـاه كسـره يزمـه
ما عاد تنفع قولتـه ليـت ياليـت
عض اصبعه ومن الندم ذاق غمـه
يالهم.. ما ترحم وشف كيف سويت
حتى ولو لعيـون شخـص نهمـه
يالهم..ماترحم في حالـي تماديـت
كني قريص طاح من ضيـم سمـه
والا مريض طـول ليلـه تناهيـت
رتب وصاته قبل موته فـي كمـه
يا موت وقالو لك ترانـي توفيـت
والا نجيت وقالوا من دعـوة امـه
والا حرام اني لشوفـك تقاضيـت
( دين(ن) جفا عيني من النوم همه)






صح السانك ياعبدالله ولاهنت