@@ مال الفتى عذرٍ ليا طاب ساسه @@

بعد طول غياب

اتمنى ان تحوز على رضاكم



صلوا على النبي

................

...........

......

....

..

.

[poem=font="arabic transparent,6,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]





مال الفتى عذرٍ ليا طاب ساسه = ولا له عذر لا من تربى على طيب

النار ما ترّث رماد و خساسه = لا من شعمها شايب الذيب للذيب

و لا كل رجالٍ قوى شل فاسه = كم واحدٍ طاله من عياله العيب

و كثر التجارب للعوارف دراسه = و العمر يفنى ما قضى بالمطاليب

مدح الصبي عمره و فعله و باسه = لا باس منّه لا كسى راسه الشيب

و ترى الزمن لا بّد فيه انتكاسه = و لا يعلم الخافي سوى عالم الغيب

مرٌه يحوفك من سنينك تعاسه = و مرٌه تزين و من رجى الله ما يخيب

و كسب المراجل ما يجي بالسلاسه = و الصيت يبغى له حقوق و مواجيب

النعم كايد .. و التعامل سياسه = و لا هو بكلٍ عارفٍ خطوة الشِيب

و ضيق المجالس ما هي حسبة مقاسه = الضيق من ضيق الصدر بالتراحيب

و راعي الجماله و العطا و الرياسه = ما يمحق أفعاله سوى منّة الجيب

و الدين درعٍ يحفظ اللي بـ راسه = نيّة ردى و إلا خمال و عذاريب

و بالوالدين احسان حق اساسه = باللي أمره الله على الخلق تأديب

و لو طالت الدنيا و حولك حراسه = لا تحسب إنّ الموت ما له مناديب

ما أحدٍ سلم من فقد ربعه و ناسه = و لا أحدٍ درى باللي طوته المكاتيب

الصح بيّن و الخطا في مداسه = راحت به رجالٍ بروس المراقيب

و كان الفتى له بالنصايح فراسه = يا خذ نصيحة من درس بالتجاريب



[/poem]

اجمل التحايا

ناصر السحيمي

و كـثـر الـتـجـارب لـلـعـوارف دراســـه
و العمـر يفنـى مــا قـضـى بالمطالـيـب
مـدح الصبـي عمـره و فعـلـه و بـاسـه
لا بـاس منّـه لا كـسـى راســه الشـيـب



صح لسانك ياناصر

قصيده في محلها من الاعراب

وهذا من طيب حظك انشالله

مزيد من العطاء وتقبل تحيات بحر

__________________

و ضيق المجالس ما هي حسبة مقاسه
الضيـق مـن ضيـق الصـدر بالتراحيـب
و راعـي الجمالـه و العطـا و الريـاسـه
مـا يمحـق أفعالـه سـوى مـنّـة الجـيـب


الله عليك يا ناصر

درر

اعجبتني القصيدة من مبداها إلى منتهاها

صح الله لسانك يا مبدع

و في انتظار المزيد منك بكل شغف


لاهنت

__________________

مـدح الصبـي عـمـره و فعـلـه و بـاسـهلا بـاس مـنّـه لا كـسـى راســه الشـيـب

صح لسانك

__________________

الشاعر المعروف ناصر السحيمي



صح الله لسااااااااااانك واعتلى شانك



كل بيتٍ اجزل من اخوه ، الله لايضرك



ولايبطي جديدك ياكحيلان

و كـثـر الـتـجـارب لـلـعـوارف دراســـه
و العمـر يفنـى مــا قـضـى بالمطالـيـب
مـدح الصبـي عمـره و فعـلـه و بـاسـه
لا بـاس منّـه لا كـسـى راســه الشـيـب



صح لسانك ياناصر

قصيده في محلها من الاعراب

وهذا من طيب حظك انشالله

مزيد من العطاء وتقبل تحيات بحر

__________________