[poem=font="Simplified Arabic,5,black,bold,normal" bkcolor="royalblue" bkimage="backgrounds/20.gif" border="double,thick,blue" type=4 line=0 align=center use=ex num="0,black"]
كلم علي مدوخ وأنا كنت سالي =قال استلم حمل يهد البعارين
قلت الخبر ثم قال مالك مجالي=مافيه لالحظة ولافيه بعــديـن
أبيك تكتب يا كريم السبالي=قصيدة تحفظ بوسـط الدواوين
وابيك تمدح دار جدي وخالي=أهل الوفا والطيب نزاعة الدين
قلت أبشر بعزك على كل حالي=وانا لربعي حاضر بالميــادين
وعديت رجم يوم شان الكرا لي=من هاجس ثور بصدري براكين
وقامت بنات الفكر تجفل إجفالي=وطوعتها يوم أكثر الخلق ممسين
وسقت المعاني يوم جوي صفالي=في ديرة اربوعي على العسر والين
هذي الهياثم ديرتي راس مالي=ياقوم يالنـــدن و يا قــــوم بـــرلين
وهذي الهياثم شامخة بالعلالي=وكر الــحرار منزحين المعــــادين
وهذي الهياثم ماتفارق خيالي=ودجت بالدنيا ما غابت عن العين
لا رحت عنها ضاق صدري وبالي=كن الليالي ذوقتني الا مــــــر ين
انا فداها من غبون الليالي= وانا فداها لا غدى الليل ليـــلين
واهل الهياثم طيبين الفعالي=وانا اشهد إن رجالها حيل وافين
يالله عسى فيصل لحسن المئالي=وخالد وابوفيصل معه قولوا امين
اللي رقا بالطيب راس المعالي=واصبح مثل عند القصاوي والأدنين
كم واحد شمسه دنت للزوالي= وافتكهم فيصل وعندي بــــراهين
ثم سلم الرايه قروم العيالي=وسارو على نهجه سوات الشياهين
والفارس محمد* وفي الخصالي=في الخبت روح جعل قبره بساتين
ومن عقب ابو خالد* ياوين الظلالي=اللي ظلال للضعوف المساكين
لاهو يحسب كم صرف من ريالي=يسوق ماله للقصي والموالين
والموت لاقرب ونادى وجالي =هاتوا بجثماني ولو كنت بالصين
ثم ادفنوني وسط قبر هيالي=في ديرة اربوعي كعام المعيلين
والحين يا مدوخ من الهم سالي =والحمل روح في ظهور البعارين[/poem]



الشاعر / ماجد بن شارع بن هديب العاصمي القحطاني

15/8/1431هـ

صح لسانك يابو شارع وسوينا اللي نقدر عليه من برواز وتنسيق القصيده وأن

شاء الله ان يعجبك

تقبل ودي وتقديري

__________________